فتاة العالم السفلى "مكتمله"

الفصل الثانى (تم التعديل)

يا بائعه فى ارض طيبه عنبرا
بجوار احمد لاتبيع العنبر
💮💮💮💮💮💮💮💮💮💮💮💮💮💮
صلوا على نبى الرحمه
___________________

ذهبت روان الى غرفتها وهى تتنهد براحه شديده
وتدعو الله ان يديم لها ابيها وامها، وذهبت للمهمه الصعبه وهى أختيار ملابس .

ورغم انها فتاة الا انها لاتحب الفساتين والدريسات ولا العبايات، ولكن هى تحب ان تردي البناطيل، ولكنها ليست مثل الفتيات فى لبسها هى تلبس البناطيل ولكنها تكون محتشمه، فهيا تلبس عليها شئ طويل وواسع اذا كان البنطلون ضيق، ولكن اذا كان واسع جدا عليها وهذا اكثر ما عندها فهي تلبس عليه شئ ايضا طويل ولكن ليس كثيرا وتضع على كتفها جاكت طويل؛ لذلك الفتيات والفتيان يسخرون منها ومن طريقه لبسها ويقولون عنها انها رجل (مسترجله)، ولكنها ليست هكذا هى تعلم "ان الله لعن المتشبهات بالرجال والمتشبهين بالنساء"، ولكنها لا تحب ان تلبس لبس الفتيات لانها ترى الشباب عندما يرون فتاه جميله انهم يبدأون فى مغازلتها، وهى تشمئز من هذا وتقول انها تلبس هكذا لكى تكون مخفيه عن انظار الشباب حتى وإن سخروا منها فهي لا تهتم لاحد ابدا .

او لنقل انها لديها بروده اعصاب كبيره، لدرجه ان سخر منها احد او سبها لا تتكلم فقط تنظر له بكل برود وتضحك ببرود ولا تفعل شئ، هذا ليس ضعفا منها كما يقولون ولكنها حقا لا تهتم فقط تشعر انها تريد ان تضحك ولا يؤثر فيها الحديث، وهى تستغرب احيانا من نفسها لماذا لا يؤثر فيها شئ ولا كلمه واحده تقدر ان تستفزها؟؟! هى فقط المستفزه الوحيده التى تقدر على استفزاز الاشخاص، وللعجب تستفزهم بسكوتها !! فماذا اذا تحدثت؟؟ حقا تستعجب من حالها كثيرا .

قطع شرودها مع نفسها صوت امها وهى تقول بحنق :

"الاستاذه رئيسة جمهورية امبابه، ايه يا حبيبتى كل ده تفكير عشان طقم تلبسيه، ايه يا ماما متخلصي عاوزين نفطر"

زفرت روان بضيق، ليس ضيق من امها ولكن ضيق من نفسها هى تفكر كثيراً، ابتسمت وقالت لمنال :

"معلش يا ماما اصل سرحت شويه، وبعدين انتِ عارفه ان انا على طول كده لما بختار هدوم البسها معرفش البس ايه"

نظرت منال الى ابنتها بسخريه وهزت راسها بيأس :

"طيب يا حبيبتى اعملك ايه بقى مهو انت اللى مختاره هدوم زباله زيك يا معفنة، والنبي تعالى بصى كده !!"

وذهبت منال ووقفت امام دولاب روان ونظرت فيه وقالت وهى تعبث بالملابس :

"تعالى شوفى يا حبيبتي هدومك العره دى اللى زى بتاعة البلطجيه دى، ايه ده انا عاوزه اعرف فى بنت بتلبس هدوم رجاله ؟!"

نظرت روان الى ملابسها بتعجب :

"هى فين دى يا ماما هدوم الرجاله؟!، انتِ هتتبلى عليا ولا ايه؟! هدومى مش هدوم رجاله على فكره هدومي هدوم بنات بس انا زوقي كده"