فتاة العالم السفلى "مكتمله"

الفصل الخامس(تم التعديل)

الشوق حركنى بغير تردداً *
                           والشعر ابحر فى غرام محمدا

🌹🌹🌹🌹🌹🌹🌹🌹🌹🌹🌹🌹🌹🌹

خرجت روان من محاضرتها بعدما انهت امتحانها،
ذهبت الى كافيتيريا الجامعه وهى تزفر بضيق وتشعر ان قلبها يؤلمها ولا تعلم لماذا ؟!، ولكنها تفسر هذا الالم انه عندما يحدث شيء سيء لشخص تعرفه يؤلمها قلبها، او تشعر بأختناق مفاجئ او حزن شديد من دون اى سبب .

قاطع شرودها هذه الفتاه المزعجه التى حدثتها صباحًا، نظرت لها وجدتها هى ورجلين ضخام الجسد يقتربون منها فقالت فى نفسها :

"دى هتبقى مطحنه ياشقيق"

وابتسمت بسخريه، فاقتربت الفتاه ووقفت امامها
وقالت بكبرياء ودلع زائد جعل روان تشعر انها
ستتقيئ منه :

"قومى من هنا ده مكانى، وبعدين ازاى اساسا  تتحديني وتقفي قصادي؟!، وتقولي الكلام البيئه اللى انتِ قولتيه الصبح ده ؟!!"

نظرت لها روان ببرود وقالت :

"يا مسبت العقل والدين يارب، هو انتِ مفيش فى الكليه حد تقرفيه غيرى ؟!، وبعدين انت ضيفه هنا يعنى دى مش كليتك، ليه بقا شغل العنطزه بتاعك ده ؟!"

نظرت لها الفتاه بصدمه من وقاحتها وحديثها الوقح
من وجهة نظرها، فتحدثت بقرف وغرور :

"انت ازاى كلامك بيئه ولوكل كده ؟! ياي بجد مقرفه  اوى"

نظرت لها روان ورفعت طرف شفتها بتشنج من حديثها الغبي وقالت :

"كلامى لوكل ايه اللوكل ده لموأخذه يعنى ؟!!"

نظرت لها الفتاه بتكبر وقالت :

"طبعا جاهله، واكيد كلكم هنا فى الشرقيه جاهلين
كده، عشان كده الشرقيه دايما بتبقى الاخيره فى كل
حاجه ومش بتتقدم ابدًا، هتفضلوا دايما كده ومش هتتقدموا"

نظرت لها روان ببرود شديد وابتسمت ببرود وقالت لها :

"انتِ عارفه الشرقيه اللى انتِ عماله تقولى عليها
معرفش ايه دى وان ناسها جاهلها ومش بتتقدم ؟!
الحقيقه ان انتوا اللى اتقدمتوا اوى فى كل حاجه
بس انتوا نستوها، دايما بتكون اخر همكم فى كل حاجه ليه عشان ناسها جاهله ومعرفش ايه زى ما أنتِ بتقولى كده، هقولك معلومه بقى يمكن انتِ متعرفيهاش، الشرقيه دى ناسها مش جاهلها بالعكس ناسها محافظه جدًا، بالنسبه لكم ده جهل بس لا، انتِ دلوقتى ماشيه بشعرك ولبسه من غير هدوم بس فى الشرقية مفيش الحجات دى البنت محجبه ومحشمه ومحترمه، انا منكرش ان فى بنات كتير فى اى مكان فى مصر محجبين ومحترمين بس برضك فى بنات مايصيين ومتكبرين وسفله زى حضرتك كده، ومنكرش برضك ان فى بنات فى الشرقيه كده، بس  لازم تعرفى ان فى كل مكان فيه الحلو وفيه الوحش، ومتنسيش ان مصر اسمها مصر الشرقيه وان اى بنت او ولد من ملامحهم بيقولوا عليهم شرقيين، ده مش معناه انهم من الشرقيه، ولكن ده معناه أن الشرقيه اسمها فى كل شيء، دى حتى مصر فى الشمال الشرقى فى قارة افريقيا يعنى الشرق، ولو تسمعي برضك عن احمس اللى حارب الهكسوس ؟! اكيد سمعتي عنه، سألتِ نفسك الهكسوس دول كانوا فين ؟! فاكره اواريس اللى كانوا الهكسوس محتلينها وأحمس هو اللى طردهم منها، اهى اواريس دى فى الشرقيه وهى حاليا اسمها صان الحجر يعنى برضك كان فى حضاره هنا وحضاره كبيره كمان، ويعتبر الشرقيه دى اكبر محافظات مصر، وهى محافظه ريفيه اصلا يعنى الريف فيها اكتر من البيوت، جوها هادى وحلو وريفي، ولازم تعرفى انك دلوقتى فى ارضها ومستمتعه بهدوئها وهواها النقى، الشرقيه اللى مش عجباكِ دى فيها ناس طيبين لو حصلك اى حاجه دلوقتى هتلاقى الناس كلها بتجرى عليكى، وبيحموكي وخايفين عليكى زى بنتهم بالظبط، هتلاقى ايد حنونه بطبطب عليكى وهتحسي فى الايد دى حنان الاب، وهتلاقي حضن حنون بيضمك وهتحسى بحنان الام فى الحضن ده، وهتلاقي لسان بيكلمك بمرح وبيحاول انه  يضحكك ويخليكي تفكي، وهتحسي ان اللسان ده لسان اخت او اخ بيضحكوا معاكى، وهتشوفي خوف وقلق وحنان وحب من الناس كلها، وهتحسى انهم عيلتك اللى انتِ  متعرفيهاش، ببساطه هى دى الشرقيه واى محافظه فى مصر هتلاقيها كده وناسها جدعان وطيبين، وهتلاقي الحلو وهتلاقي الوحش فى اى مكان فى مصر، ببساطه لان دى مصر ومصر جميله بأهلها وناسها الطيبين الجدعان، والشرقيه دى فى مصر وهتلاقي فيها طيبه وجدعنه ممكن متلقيهاش من اقرب الناس ليكِ، وانا بكل فخر هقولك ان انا بنت الشرقيه، انا روان بنت الريف"