#مَـــــــاذنبي..؟!
الحلقه، الثـانيه والعشرين
نُـــــوكوميس "فتـاة القمر"..
تعالي نخون الغياب، و نلتقي
- محمود درويش.!!؟
من حُـسن هديـــــکـا الليـله مـاقدرش فـراس يرقـد اي من شدة فرحـته فرحته بالشي اللي مايبيش يعترف بيه قدام حد.. وفـاتت هالليله طويلهه عليـهم وضمـها هوا مِـــن ضمن الذكـريـات المحبذه لقلبه.
وهـاليوم المُنتضر كـان بنسبه لي رانيـا زي الجبل حمله ثقيل على صدرهــــا... خايفه من الإحسـاس اللي بتحسه في وقتها كيف ح يكون! ح ترجع تصـرخ مره تـانيـه! وتنفر منههه زي كل مره.. أو هالمره ح تتقبله!
وبدايـة جديده لي يوم جديد مليان أحداث.. كانت في هذاك اليـوم روان ضم في الصـّور وتكد وتكنس وهيا تفكر في محمد اللي شفاته امس ومش راضي عقلها يفكر إلا فيـه.. مـا حست بشي إلا وكيسة الكناسه"أكرمكم الله".
نزلت عـليها من فوق وشـافـت باب البلكونه تصكر..
روان بغيض: والله يا حيوانه نوريك بااهي ياقليلة الربايهه...
خدت الكيسه وركبت بيها تلقتها فاطمه في طريقها: وين تبي؟
روان: شوفيها هالكلبه عارفتني نكنس لوطه لوحتها عليا التاعبه هادي
فاطمه:؛ تعالي اهني فكينا من المشاكل من ع الصبح
روان؛هيا اللي بدت تتحمل مايجيها حولي من قدامي بالله حولي..
امشت روان من جنب فـاطمهه اللي شافت لبـنتها وهيا تقول: ربي يهديهم ربي يهديهم ماعندي مانقول البنت منجوها والكناين حصلت فيهم احرف منها.
وامشت فاطمه باتجاه الدار اللي فيها رانيا..
----------------♡♡♡•••
فراس: حتى أنا غبي قلتلها بعد العصر... كان قلتلها من الضهر ره توا غادي.. اعقل يافراس اعقل ارزن من أمتى وانت هكي..؟
تنهد بعدين خدي اللاب توب متااعه وطلع من المكتب باش يعطي محاضرته.. في الوقت اللي طلع فيه جمعه أستاذ في الفيزياء.. وقف على فراس يسلم عليه
جمعه: الحمد لله الحمد لله..كيف ماشي معاك العام الدراسي هذا؟
فراس وهوا يمشي وجمعه معاه: لا كويس الأمور طيبهه
جمعه: سمعت انك تفكر تسيب الكليه؟ وهاذي خساره لينا ره استاذ زيك كفائته عاليه
فراس وقف وشافله: والله مش غر الكليه كان سخر ربي بنسيب حتى البلاد اهنايا غر مزال نبي وقت
جمعهه:له له له خير انشاء الله ووين بتسافر؟؟
فراس: والله مش معروف الا حد الآن
جمعه: دير اللي يريحك،لكن خساره والله
فراس: والله هذا المكتو..
وسكت فراس لما سمع صوت أنوثي ينادي على اسمهه لتفت ولتفت حتى جمعه اللي شاف لي موده وطاح فيها من أول مره خصوصي وهيا جايه بكامل أناقتها
فراس: نستأذن منك استاذ جمعهه
جمعه: لا خود راحتك اذنك معاك
امشي جمعه وخلى قلبه وين ما كانت موده اللي وقف عليها فراس وهوا يقوول بعصبيه
فراس: خير شن تبي؟ إنتي شن اللي جابك أصلاً!؟
موده بدموع: جيت زياره لي صاحبتي وسيارتي وقفت قعدت قداش وانب ندور فيك باش حصلتك
فراس برفعة حاجب: سيارتك وقفت؟
موده رشفت خشمها: اي والله هي
فراس: ومن اللي جابك اهني؟ وشن المطلوب مني!
موده: جابتني صاحبتي وامشت والمطلوب منك انك توصلني للحوش
فراس: خليك اهني انتي توا نكلم بوك يجي.يوصلك
موده بصدمهه: لالا ماتكلماش مايدريش عليا طالعه والله كان هذا مش عارفه شن يديرلي بالله عليك وصلني ونوعدك معاش تسمع صوتي ولا تشوف وجهي.
فراس ابتسم لي واحد من الطلبه اللي كان فايت ويقري فيه: ديرتيلي الشبهات اقعدي اهني نكمل محاضرتي ونوصلك
وامشي من جنبها وهوا راقيله بمعنى الكلمه وزيادهه
بينـما موده إعتلت وجها إبتسامة خبث او شر أو نصر أو كلهم مع بعضههم..
