#مـاذنبي..!؟
الحلقه،الثامنه عشر
نُوكوميس"فَـتـاة القـمـر".
_________________
تنهد فراس بقلق وهوا يراجي في دكتور أمتى بيطلع من غرفتها..خَـبط يده ؏ الحيط وقال بعصبيهه
: شن يدير من بكري هذاا..
وعلى أثر كلمتهه طلع الدكتور
فراس: شن فيه طمني!
دكتور: كل تحاليلها سليمه ميه في الميه،الا انه عندها هبوط في الدم لكن مش بدرجة انه ح يأثر عليها،حتى تخطيط القلب طلع كويس
فراس: شن يعني،شن سبب الدوخهه!
: والله وانا زيك مستغربب الانه زي ماقتلك التحاليل كويسه،ممكن سوء تغذيه وانشاء الله لاباس
وامشي الدكتور في حاله،وتنهد فراس للمره المليون،وخشلها وين ماكانت متسطحه وسارحه منضرها وملامحها الباهتهه مش ملامح وحده تحاليلها كويسهه،السواد اللي تحت عيونها واخد منها حصه تانيه بككل
فراس قعمز ع الكرسي مقابلهاا؛ رانيا نكلم فيك!
رانيا فاقت من شرودها: ها نععم؟
فراس: انتي كويسه!
رانيا: اي.. خلي نطلع نبي نروح
فراس: شكلك مايقولش هكي،قوليلي خيرك اني راجلك ره! مش حد غريب
رانيا نزلو دموعها اللحظه هادي كانت متقبله وجود فراس جنبها وعادي تسمع في صوتهه،حتى وكان مزال فيه شي غريب داخلها لكن مش زي لما تكون في الحوش.
فراس: مضايقه من حد! حد قالك كلمه مش كويسه،قوليلي منو وانا نعرف كيف نتصرف
رانيا: انا نبي نطلق
فراس بِ حِده: لا ،الفكره اهيا حوليهالي من راسك
رانيا: علاش،هاتلي سبب مقنع باهي
فراس: ماعنديش سبب لكن اني قلت لا،تبي تطلقي باش تتزوجي وليد!؟
رانيا: من جاب سيرته
فراس: امالا علاش تبي تطلقي هاتيلي سبب مقنع يخليني نطلقك
رانيا: كُل الأسباب مهيئه للطلاق،من غير حتى ماتقتنع
فراس هز راسه بنفي: احلمي،نوضي بنروحو وصكريه الموضوع هذا اهو قتلك
شافتله رانيا بغصب،كره الف شعور داخل عيونها،ولمت بعضها وطلعت قبله وطلع هوا وراها.
__________________________
في صباح تاني يوم.
نزلو راسيل وأسيل من الباص اللي حطهم في نص الفرقه وكملو بروحهم.. والسياره العاليه السوده مش راضيه تخليهم في حالهم..فـ شدت راسيل في يد أختها وسرعوا في خطواتهم..
راسيل لتفتت ولما تأكدت انه امشي ارتاحت: انتي تعرفيه؟
اسيل: نهائي منوين لي وين!
راسيل: كان يطلع خو مسره؟
أسيل: زياد؟ لا مستحيل
راسيل: مشاء الله حافظه حتى اسمه كان يسمع بيك فراس يذبحني ويذبحك
اسيل: كان انتي ماتكلمتيش هوا مش ح يعرف
راسيل: لو شفت شي غلط وماعجبنيش بنقول واللي يصير يصير..
وامشت راسيل قدام أختها وخلت أسيل وهيا راقيلها من كلامها وراها..
ولما شافو محمد في سيارته اشروله بيده وقفلهم وركبو معااه
محمد: خيركم جاين من الجيها هادي
راسيل:الباص حطنا اهني
محمد: قوليله معاش يحطكم اهني الجيها هادي كلها مفرخ ماينفعوش
راسيل شافت لي اختها من المرايه: اي صحح
أسيل تغير في الموضوع: انت مش قالك فراس معاش تطلع في سياره
محمد: مادخلكش فياا الهي في روحك
أسيل: لما نقوله ره طلع بيها
محمد: والله تقولي حرف تشوفي
أسيل: خلاص امالا وقف ع الكافي هذا اشريلنا نسكافيه وكيكات وبريوش باش مانقولش
محمد شافلها بغضب: الحق فيا اني اللي مركبكم معاي حيوانه انتي.
ودرس السياره ونزل منها،وطربقو هما اتنين بضحك على شكل محمد كيف كان راقيله ونادم أشد الندم انه ركبهم معاه.
