#مـَــــــاذنبي..!
الحلقـــــــه الثـّالته، عَشر.
نُوكوميس"فتاة القمر"
مصيبة!
عندما لا تتمكن من تحديد ماذا بك، أو ماذا تريد.!
كل اللي داره فراس في هذيكـا اللحظه انه اعطاها بضهر وطـلع وسيبها، قعمز ؏ الصّـالون وهوا يفكر في كل شي حواليه،في لحظه من سوؤالها مشاعره تلخبطت كيانه نهز هوا اللي مافي شي يهزه!؛ يفكر في إنه ظلمـهـا معاه،وحطها قدام مسؤليه زي ماقالت هيا، مش قدها حطها في الأمر الواقع،اندفع خطوه القدام من غير مايحسبلها،سند راسه ع الكنبه غمض عيونه ولا زال تفكيره محصور بينها،بين عقله وقلبه بين كلام صاحبه،وبين أمه اللي مش ناويه ؏ خير بين موده اللي حاطه راسها من راسهم،خدي نفس عميق وصوت من داخله يقوله ح تنحل ح يجي يوم وتنحل لكن كيف ح تنحل وأمتى هاليوم!
___________________________
تَـوالت الأيـام وعلاقة فراس ورانيا متزعزه يوم يهدرزو عادي ويضحكو،ويوم ما يكلموش بعض بكل،يوم يتعاركو،ويوم ويوم ويوم..
قعمزت صالحه جنب جارتها خدوجه اللي جايتها زياره
صالحه: مرحبتين بيك ياحنهه وينك العفو معاش دورتي؟
خدوجه: والله الا كان عندي عرس بنت اختي بعيد ع المدينه
صالحه؛وباهي ربي يهنيها ويباركلها،
خدوجه: ايي والله آمين والعقبه لي موده
صالحه: اي حقه قوليلي شن صار في هديكا المراه؟ لينا فتره نكلمو فيها رقمها مقفل،ونمشولها في حوشها نطقو نطقو ما حد يفتح
خدوجه: سافرت ياوديده،لكن ماتخافيش بترجع
صالحه: كان هذا خلي نشوفو غيرها
خدوجه: لا عاد اني خديت منها موععد توا مانقدرش نردها
صالحه: وبنقعد نراجي فيها! لن تروح؟
خدوجه: وراجيها شن وااك
صَالحه: وقتها اللي ضرب ضرب واللي هرب هرب
خدوجه: لالا بادن الله ماتعطلش،هيا تجي من اهني واحني نمشولها من اهني
صالحه: وكيف بتعرفيها جت
خدوجه: انتي معليكش فيها،اني بعون الله لما نعرف انها جت نكلمك
صالحه: راهو عابيه عليك
خدوجه: صلووحه نهااري، أمتى عبيتي على خديج ومالقيتهاشش
صالحه: ماهو علاش نسايرك فيه،كان هذا ره فتك وامشيت لي وحده تانيه،لكن عارفاتك عند كلمتك
وكملو تهدريز....
_____________________________
فوزيه: رانيا يا رانيا
رانيا جت من المطبخ: نعم يا عمتي؟
فوزيه: وين الغدي هذاك هو ره قريب يروحو من الجمعه
رانيا: واتي اهو شويه بس
فوزيه فوق من نفسها: سقدو رواحكم
وامشت رانيا للمطبخ ولقت عبير وليلى يهدرزو
ليلى: حسيتك عبير متغيره،
عبير: اني! كيف يعني
ليلى: قصدي معاش زي قبل يبدا راقيلك لما ننزلو وتهزبي ووتكشخي لا وموليه تسمعي في الكلام
عبير: ربي هداني ياحنهه،
ليلى: انشاء الله آجمعين،رانيا ترا الصونيه من جنبك
رانيا مدتلها الصونيه وقالت وهيا تشوف للشباك:روحو
عبير: لالا هذا محمد كيف ناض
ليلى: حي عليه من فراس تو يديرله قصه مش ماشي للجمعه
عبير: رانيا،
رانيا: نعم؟
عبير: شن وضعك انتي وفراس!
رانيا سكتت الانها نصدمت من سؤالهاا: الحمد لله كويسين..
ليلى فنصت فيها
عبير: قصدي غريبه معقوله نسي روند بهالسرعه!
رانيا: اللي فات مات عبير،مش ضروري كل شويه والثانيه ذكريني انه متزوج الاني نعرف
ليلى: تستاهلي
عبير قلبت وجها بعدين رجعت قالت: تصدقي انه روند كانت مادير في شي بكل عمتي دايرتلها مكانه خاصهه،وهيا تبدا فرحانه
رانيا تنهدت بملل: عبير، روند الله يرحمها،اني اهني رانيا مش روند،بتتقبليني كويس ماتبيش براحتك
عبير: لكن روند مكانش لسانها طويل
ليلى: الانه مكناش نقدرو نكلموها،حتى هيا مش هوينه
رانيا: خلاص يابنات خيركم،اذكرو محاسن موتاكم
سكتو هما اتنين على خشت فوزيهه وهيا تشوفلهم بشك..
فوزيه: رانيا،لارين تعيط بري شوفيها
رانيا خدت ماكلتها: اكيده جاعتت.. وطلعت بسرعه
بينما ليلى وعبير كانو ساكتين ويخدمو ع الصامت
فوزيه:اسمعيني جاي انتي وياها
ليلى وعبير شافولها
فوزيه: سيرة روند معاش نبيها تنذكر بنت اختي ماتت الله يرحمها ويوسع عليها،لا بخير لا بشر،ويجيب ربي نسمع وحده فيكم تقول كلمه،بعدين نخلي رجالتكم يتصرفو معاكم.
واعطتهم نضره اخيره وطلعت
ليلى: هي شفتي كله منك، بعدين انتي من أمتى كنتي تحبي روند اه!
عبير: وشنهوا اللي قلته كله صح ولا نسيتي اني وياك كيف كانت معاملتنا؟
ليلى:باههي خلاص اسكتي مانبوش فضايح تاني
