#مَــاذنبي..!
الحَـلـقـه الحَـاديه عَشر.
نُوكوميس"فَـتاة القمر".
عندما سُئل محمود درويش عن لونِ عينَيْها :
"قال لا أدري في كلّ مرّة أتأمّل عينيها أفقد الذّاكرة."
تمَنت رانيا في لحظتها الأرض انشقت وبلعتها، ولا نحطت في الموقف البايخ
رانيا بقوه مصطنعه: دير دوره على تفكيرك،أنا كنت نشوف وين بنحط حوايجي لا أكثر.. كملت كلامها وجت طالعه كانت ماتبيش تعطيه فرصه يتكلم، ولكنها نجبرت إنها توقف مكانها لما شدها من مرفقهاا، وقال وهوا يشوف لي عيونها وفارق الطول بينهم. واضح
فِـراس: عدلي أسلوبك معااي أني مش الشخص اللي يحب من يرد عليه الدوه
بعدت رانيا عليه وقالت: ماتلوحش الكلام باش مانردش عليك،
قالتها وعيونها يلمعو تجاهد بکل قوه إنـها ماتبكيش.
فراس: خلي علاقتنا مع بعض محدوده، أني عارف عَلاش جايـه وإنتِ عَــــارفـهه!
رانيـا ببرود مصطنع: ماتخافش ماعنديش الرغبه إنـه نتعمـق فيـك نهائي.
وامشت وسيباته، بينما هوا خبط الدولاب بكل قوه حتى سمعاته رانيا اللي حطت يدها ؏ فُـمـهـا، تحـاول تكتم شهقاتها، مَاتبيش تبينله انه هيا ضعيفه، جبانه، انه قوتها كلها مصطنعه وإنـه ملامحها الحاده عكسها قلب رهيف يفرح بكلمه ويزعل بكلمه، حَسـت إنه الحياه مع شخص في عمره الثّلاتيني صعبه، الشخص اللي ناضج وفاهم كل شي، والاسوء من هكي لو كان حزار هلبا!.
_______________________
دنيا: أمك مش طايقه البنت بكل واضحه
آساور تلعب في لارين: عاد امي تعرفيها عندها روند بدنيا ولما ماتت ما خلت مادارت بعدين كان تبي فراس لي موده
دنيا بصدمه؛ ماازال عاد تاخد موده! المحسديه الطربق العيله على سُطااش
آساور: ؏ اساس روند يصلو ع طررفها حتى هيا اول ماجت ماخلت مادارت تبي فراس يحول من الشقهه
إسراء حطت الهاتف: اذكرو محاسن موتاكم
دنيا: دورنا محاسن مالقيناش
راسيل بدموع: الله يرحمها
آساور بضحكه؛ اهي بتولع زمور الاندار
ضحكو البنات، وسكتو لما خش عليهم فراس
دنيا؛ اووو فراس عاش من شافك! ضاعف بكل
فراس ابتسملها ك مسايره: هم الدنيا يهد الحيل.
إسراء تغير في جو؛ لاروننه بدت تقعمز
آساور باستها: بنيتي السمحه
فراس: آساور، ركبيهالي فوق شويه تانيه وركبيلها حوايجها
شبحو البنات في بعضهم باستغراب
دنيا: مم، كيف قصدي شويه وبتنزلها!
فراس: خيركم تشنجتو؟بنتي بتسكن عندي شن فيها يعني!
إسراء: شويه وتو نركبوها
فراس: ماتعطلوش بيها
كمل كلامه وطلع،ف رجعو البنات يشوفو لي بعضهم
إسراء: بيهبل خوكم! شن بيركبها من اول يوم؟ لا حقه على هم المفرخ
دنيا: مدخلناش نديرو كيف مايبي،وبعدين هيا علاش تزوجها؟ ماهو باش تربيله بنته
راسيل: لكن للامانه البنت قنينه
إسراء: تهبل رنو
دنيا مطت شورابها: اي عيونها ممكن حلوات
اساور: هوا بغض النظر عن شكلها لكن فيها حاجه جذابه
دنيا: نوضي ركبيها لا يديرلنا مناحه توا
