#مَــــاذنبي••؟
الحـَلقــــــه الرابعه عشر.
نُوگوميس"فَـتاة القـمـر"
أدركت معنى أن يصاب الانسان بِـ انسان أخر. 💙
رانيا..
لبست عبايتي وطلعت وأنا نرعش مع بعضي من الموقف اللي صار،ماما وروان يسألو فيا شن فيه ماعرفتش شن نقوللهم، خديت لارين ونزلت. تلقاني في وسط السور سـالم وفراس اللي كانو يتناقشو بصوت عالي نوعـًا ما،وعبد الرحمن اللي مش فاهم القصه گويس يحاول يفهم منهم،نزلت من الدروج مش عارفه كيف قدرت ننزل..ولما جت عيني في عينه سرت رعشه في جسمي وكأنه أول مره نشوفه،حرفيا عيونه شرار..
سالم بهمجيه: يافاسده شن طلع أمك انتتي اه! والله نربيك من اول وجديد
وقفله فراس في نص وشده من يده اللي كان رافعها يهدد بيها في رانيا،وقاله بغيض من بين سنونه يتكلم
فراس: ماتعرفش عليها صوتك واني موجوود اني المسؤل عليها مش إنت رد بالك تغلط ماتخلينيش ندير شي مايعجبكش
تبعد عليه شويه.. بينما رانيا شدت في معصم يده الأنها كانت بطيح،استندت عليه هوا مش على خوها،
شافلها كيف كان وجها أصفر تحاول تخفي الخوف تستبدله بالقوه بس كانت فاشله
فراس: أطلعي للسياره
مدلها المفتاح وطلعت،بينما خبط فراس بيده على كتف سالم
فراس: تدخيلتك ليه اهنايا، وانت عارفه شن يبي مش ناسيهالك
وطلع..
بينما تنهد عبد الرحمن بضيق وشاف لي خوه..
عبد الرحمن: عجبك توا؟
سالم: ترا اسكت عليا حتى اختك مشاركهه من قاللها تطلع هيا؟
___________________
وفي السـياره كان جو مضطرب،مافيش حد تكلم مع الثّـاني حست انها مش مجبوره تبرر شي،الانه مايعنيلاش الموضوع،لكن منضره كيف متعصب كان واضح انه يعنيله الموضوع وهلبا، مش عارفه لو انه من الطبيعي كونه ك راجل شاف مرته بطريقه هادي أو انه درة فعله مُبـالغ فيها زياده عن اللزوم!؟ شـالت کل الأفكار على جـنب وانتبهت لي صوته وهـوا يـتكـلم في تليفـون..
فراس: تو نبعتلك اسمه في رساله،مانبيش نشبح وجهه بككل،مانوصيكش عليه،تمام ميه ميه
وصكر وحدف الهاتف.. والإنه السرعهه كانت قويه بزياده على رانيا اللي كانت مش متعوده حد يسوق بيها هكي... ف قالت بدون تردد
رانيا: نقص السـرعه شويه..
فراس: ولا حرف ولا كلمه مانبيش نسمع صوتك لن نوصلو
رانيا قلبت عيونها ورجعت اتكت ؏ الكرسي..
فراس: عَـاودي اقلبيهم مره تانيه خلس نقلعهم من مكانهم..
شافتله رانيا بجنب هكي،وسكتت ولا كلمه ولا حرف على قولته،
________________
إيناس: صحه ليك كيف قدرتي ديراها
زهراء: شن صاعبه؟ انتي بس ماتشغليش في دماغك ره
إيناس: صراحة وله،بيني وبينك اني معاش نقدر نعبي في راس عبد الرحمن أكثر من هكي
زهراء: العفو ترا فكينا من ضميرك توا،خلينا ماشين على خطتنا خلي نستريحو
إيناس: توا بالله عليك هياا عزوز مسكينه تخيليها في مكان امك!.
زهراء: أمي؟ انا ماعنديش ام، ايناس انا تربيت مع مرت بوي في ضلم وتعب والضرب،ولما جي سالم يخطب ماصدقت لقيت حد يفكني منهم،
إيناس: سامحيني والله زلة لسان،لكن مع هذا يعني شن دخلهم في حياتك
زهراء: أنـاا ربي هـکي خلقـني،مش يقولو فاقد الشيء لا يعطيه؟ او هكي تماما أنا ماقريتش حتى هما مانبيهمش يقرو،انا مانحبش نشوف حد مستريح وفرحان في حياته نحب الناس كلها تحس باللي حسيته
بلعت ايناس ريقها بخوف وخدت الصفرت وطلعت بيها، ولي أول مره تكتشف هالجانب السيئ اللي في زهراء اي كلنا نعرفو زهراء وشرها،لكن توصل بيها لدرجه هادي،بدرجه انها قاعده تحكي على نفسها هكي؟ لي أي نوع من الحقد وصلت!
