قبل كل شي تفاعلو 🌝.
#مـــــــاذنبي..!
الحـلقـه "السّـابعـه عشريـن"..
نُـوكوميس" فتـاة القـمر".
" كنت أحاول العبور من ثقب إبرة نحو منطقة غير مأهولة بالظنون لذا ظن العالم أني خيط فأغلقو بي كل الجروح المفتوحة 🖤".
فتحت رانيا عيونها في المستشفى وهيـا تشوف للصقف من الريحه عرفت وين المكان مررت بنضرها على الغرفه لن طاحت عينـها على فراس اللي كان متكي ع الكرسي وكأنه سارح في شي..
رانيـا بصوت تاعب: فراس..!
انتبه فراس على صوتها وناض بسرعهه جي جنبها شد يدها وهوا يقول: الحمد لله ؏ السلامهه
رانيـا: شن صار وين أني!
فراس: تعبتي وجبتك للمستشفى!
رانيـا سكتت وهيا تتفكر في اللي صار..
فراس: كنتي حامل وأجهضتي..
رانيـا: حامل!! واجهضت! كلهه منها
فراس عقد حواجبه: منهيا؟!
رانيـا بدموع: من غيرها! مودهه جتني في الحوش تعاركت انا وياها اخر شي دفتني من الدروج هذا اللي نتفكر فيه
فراس غمض عيونه وهوا يحاول يسيطر ؏ غضبه رجع فتحهم وشاف لرانيا اللي كانت تمسح في دموعها باسها من راسها
:مزال الوقت معانا يتعوض اهم شي عندي انتي
رانيا: انا نبي نعرف شن درتلها! مش ساد بهدلتني بالسحر وتوا بتقتلني
فراس: ينحطلها حد ..هيا من دخلها للحوش أصلاً
حولت رانيا التغديه اللي معلقينها..
: مانبيش نقعد نكره المستشفيات
فراس: خلي تكمل التغذيه
رانيا: مانبيش
فراس فنص فيها وقال بعصبيه: راننيييااا..!
رانيـا: شنو رانيـا؟؟ ع فكره بدل ما تعلي في صوتك عليا دير حل لخالتك وبنتها اللي مش مخليني في حالي
ساوت وشاحها وطلعت وسيباته وهيا في قمة الغضب
بينـما خبط فراس الكرسي لن طاح ع الارض وطلع.. وكانت رانيا مسرعه في خطواتها وتبكي وتوازنها مش ثابت
فراس: اوقفي رانياا نكلم فيك..
رانيا مستمره تمششي وتبكي
فراس: تي انتي مش قادره توقفي رانيا.
شدها من مرفق يدها و عيون الناس عليـهم
رانيا: حول يدك الناس تشبحلنا
فراس: وين تبي وانتي بوضعك هذا
رانيا: حول يدك
فراس زاد ضغط عليها بيده وجبدها معاه
رانيـا تحاول تبين انها عاديه بملامحها قالت بصوت هادي: يدي وجعت..
فراس قاطعها: ولا حرف ولا كلمهه.. اركبي في سياره شويه ونجيك
شافتله رانيا بملامح امتعاض وركبت في السياره وقربعت الباب مما خلى فراس يشوفلها بوعيد..يعني نضرته كانت تقول انه حسابك مش توا.. خش للمستشفى كمل إجراءاته ودفع المبلغ وطلع ...
🍃🍃🍃🍃🍃🍃..
وقفت ؏ الريسبشن وهيـا تقول
: الدكتور هيثم بن موسى موجود!
ردت الموضفه وهيا تتفحص فيها من فوق للوطه: اي مشغول عنده حالات
وسن: وين غرفته!!
اشرت الموضفه ؏ الغرفه المقابلتها: اهيا
خذت خطواتها وامشـت لي غرفته وخشت بدون ماطق الباب..
الممرضه وهيا تحاول تمنعها: هييي لو سمحتي وين تحسابي روحك خاشهه
وسن حولت يدها: حولي من قدامي
هيثم شاف لوسن بغيض ورجع شاف للمريض اللي قدامه: ديرلي التحاليل هادم زي ماقتلك باش نتأكد على اساس تحاليل بنعطي العلاج
طلع المريض وقالت الممرضه وهيا تشوف لوسن بغيض
: آسفه دكتور ماقدرتش نمنعها
هيثم: أطلعي برا
وسن برفعة حاجب: مش قبل ماتسمعني
هيثم وهوا متجاهل كلامها: نور شوفي الحاله اللي بعدها
وسن خبطت ؏ الطّاوله: قاعده نكلم فيك..
هيثم؛ وانا قتلك أطلعي البرا
شافتله وسن ولتفتت للباب وسكراته بالمفتاح..
هيثم؛ ههههي هي انتي شن ديري!
وسن: انت اللي جبرتني
هيثم؛ لو كنتي حضرتك عايشه البرا ومش سأله على سمعتك أنا دكتور معروف وسمعتي تهمني وهلباا
وسن؛ والله!!
هيثم؛ توا شن تبي بضبط!
وسن؛ ممكن نفهم علاش تتهرب مني!
هيثم؛ احني نعرفو بعض أصلاً باش نتهرب منك!
وسن: محمد وين!
هيثم ابتسم بتهكم: بتقنعيني انك ماتعرفيش!
وسن: مش مجبوره نقننعك الانه ليا فتره نحاول نتواصل معاكم ماقدرتش!
هيثم بحده وعيونه شرار: محمد قتلوه عمامك انشاء الله ارتاح بالك!
وسن رمشت عيونها وهيا تحاول تستوعب:كككي..كيف قتلوه!
هيثم: جابوا قناص تبارك الله عليه قتل خوي بين يديا وانا نتفرج مش قادر ندير شي.. استريحتي توا!! مش حضرتك كنتي تهددي! وتبيه يموت اهو مات
بلعت وسن ريقها: ماكنتش نبيه يموت كله كان في لحظة غضب.. لما عرفت بأنخ السبب وراا موت اختي
هيثم بصوت عالي: قاعده تقول السبب في موتها
وسن شافتله وعيونها دموع: هما الاتنين
السبب في موت بعضهم هما ضحية بعض.. حط روحك مكاني! أختي الوحيده اللي عشت سنين باش نلمحها ولو من بعيد ولما روحت بنشوفها لقيتها ميته انت تعرف الشعور البايخ هذا ولا ماتعرفاش! ماتعرفاش صح!
هيثم اتجه فتح الباب: أطلعي البرا لو سمحتي عندي مرضى يراجوا
وسن خدت شنطتها وشافتله للمره الأخيره وطلعت..
هيثم دف الباب برجله: من وين بنلاقيها اني من عقلي ولا من قلبي!!؟
استغفر الله وخلاص..
