#مــاذنبي.!
حـ 3
. نُوكوميس"فتاة القمر "
رَوند بانزعاج: فراس!؟ لياا قريب ساعه نكلم فيك وين سارح؟
فراس عقد حواجبه في بعض: انتي اهني امتي ركبتي!
روند: شن اللي واخد عقلك لي درجة إنك ماتردش عليا!
فراس مسد راسه بأصابع يده: الشغل من جيها والمحاضرات والشركه والف حاجه في راسي
روند تدهن في يديها بالمرطب: كان غر هذا مش حاجه تانيه باههي!
فراس ناض من كرسيه وقعمز جنبها: حاجه تانيه؟
روند شداته من توبه اللي كان لابسه: يعني بنيه خاشه في نص لاسمح الله
فراس ضحك : قداش ماتهبلي انتي اني وحده ومهبلتني ندير وراي وحده تانيه علاش
روند ابتسمت وهيا تشوف لي ضحكته سرحت فيها وكأنها أول مره.. واستاقضت ؏ صوت فراس وهوا يقول: نوضيني بكري غدوه عند عممل مهم
روند طفت الضي: تصبح ع خير
امتدت جنبه وهيا تتأمل فيه مش جايها نوم عكسه هوا اللي كان راقد في سباته أما هيا ومشاعرها الغريبه اللي كَانو مش مافارقينها تمرر في نضرها عليه حبت ملامح وجهه و تفاصيلهم لحيته تصفيفة شعره حتى وهوا راقد قنين.
واخيرا غلبها النوم واتكت ع كتفه ورقدت.
_________________
روان: رانيا اطفي الههم بنرقد
ريناذ: غدوه جمعه ماعندكش قرايه علاش بترقدي بكري زي الدجاجه؟
روان قعمزت: شنو هي!
ريناد: عمتك شن قالت عليا!
روان تشوفلها وساكته..
ريناد: روان حافظاتك اني تكلمي حبيبتي
روان: ما قالت شي شن بتقول بعدين انتي كنتي مقعمزه معانا..وراس وخيتي طفيه الضي
ريناد: لما نطلع تقعد تهدرز عليا
روان: عمتي تعرفيها انتي مش مخليه حد في حاله قايمه القدر مع العيله كلها.
ريناد: باههي اني بنمشي نرقد في الدار التانيه واقعدذ انتي بروحك... خدت مخذتها وغطاها طلعت
روان: لا تعالي نخاف ياحيوااننههه
أما ريناد ف امتدت ع الفراش وفتحت التلفزيوون ورقدت.. من التعب ماقدرتش تقاول،لَكن الحلم مايبيش يفارقها كل مارقدت يجيها نفس الحلم كُرهت النوم منه، فتحت عيونها والعرق يتصبب من وجها حطت يدها ع قلبهاا وقالت بصوت متقطع"اللهم اجعلها برداً وسلاماً ياارب".
ومنها معاش قدرت تكمل نومها ولما شافت انه الفجر قريب ناضت تتوضى وتصلي.
______________________♡♡•
رَوند وهيا تحدد في الحوايج تشوف لي فراس اللي كان يساوي في شعره لابس سروال ومن فوق مش لابس
روند: وين تبي بعد صلاة الجمعه!؟
فراس: علاش تسألي!
روند: نبيك تعرفني لي حوش اماليا
فراس: تغدي اهنايا
روند: فراس ماما شاده فيا تبيني نجي نتغدا
فراس بحده: كلميها وقوليلها قالي راجلي نرفعك بعد العصر
روند شافتله بانزعاج وما نتبهتش ع المكوى اللي نستها مفتوحه وحرقت السوريه: حي عليا نحرقتت!؟
فراس: تبصري؟ في شن بنمشي للجمعه! مش ديما نقولك نوضي بكري وحدديهم كلهم؟
روند بدموع: اوووففف كله منك عصبتني وخليتني نسيتها
فراس تنهد وقرب منها مسحلها دموع: معليشي مش مستاهله دموعك تتعوض
روند تبكي: مش زعلان مني؟
فراس شد وجها بين يديه: لا.. لكن المره الجايه تجنبيني واني متعصب
روند هزت براسها: نحددلك التانيه بسرعه
امشت تجري جبدت السوريه التانيه وبدت تحدد فيها.
فراس : نراجيك في الصالون فيسع خفي روحك امي اديرلنا موششح
ضحكت روند ع نبرة صوته وطريقة كلامه وكملت تحدد فيها.
