#مَـاذنبي..؟!
الحلقه الثّالته والعشريـن.
نُـوكُمِيـسْ"فَـــــــتَاةُ القَــــمَـرْ"..
_Massage |رساله_
أنـــت لا تعرف قصتي، أو كم کَـان عُمق مصيبتي، أو كَم مره تأذيت وکُنت وحدي، لا تعرف شيئًا عَنـي، أنت فقط تعرف إسـمـي"•
-------------♡♡••
أحيـَانًا عُمق مشاعرنـا ماتختصرش في كلمتين ثلاته أو صفحه معبيه سطور، أو أغنـيـه، ولا تختصر حتى في نضرات عيونا.. لكنـها تختصر في وقفتنا جنب بعض في وقت الضيق، في وقت الزعل وفي وقت الفرح..
بلعت رانيـا ريقـها وهيا تمرر في نضرهـا ؏ الحُـوش كات واسع ومشروح حست فيه بالرّاحـه فعَلـاً..
: ح تقعد اهني؟
فِراس شافـلها بتعجب ورفعة حاجب: قصدك نقعدوا*..!؟
رانيـا تحول في نضرها من عليه: مش عارفهه
فراس: مَـاجبتكش معاي باش تقوليلي مانعرفش ره!!
رانيـا: خلينـا نروحواا
فراس قرب منـهـا خُـطوات بعدتهم هيا لَـما حاصـرها الحيط..
:وين هاربهه؟
رانيـا بتوتر؛ وقت خلي نروحو..
فراس شدهـا من وجــهـا؛ شوفيلي.. اهني شوفيلي
نزلو دمـوعـها وهيا تشوفله وهوا يمسح فيهم
فراس بحنيهه و صوت هادي قال: معاش نبي نشوفك تبكي..وإنتِ معااي دموعك مانبيهمش ينزلو..
سكتو لحظات وهوا مستمر يشوفلها بنفس النضره نضرة الشوق،التعب.. التّعب اللـي كان واخد منه حصهه..
فراس: ح ترجعي زي قبل وأحسن،وح تكملي قرايتك، ونسكنوا اهني.. أنا وإنتِ.
رانـيا خدت نفس عميق: نبي نروح..
فراس حول يديه من على وجها : مانبيش نشوفك تبكي.. نبيك رانيـا اللي نضرتها أقوى من كل شي.
رانيا هزت راسها وقالت بصوت مبحوح: إنشاء الله الامر مش في يديا..
فِـراس ابتسم وهوا يشوفلها: عجبك الحوش؟
رانيا مررت نضرها ع المكان: حلو ومشروح...
رن هاتف فراس اللي كان محطوط ع الطاوله اللي خلف رانيا وتلقائيًا هيـا لما سمعت الصوت لتفتت.. كان رقم غريب خذاه فراس وشافله والانه كان الرقم مش معروف إختار انه يفصل عليه ومايضيعش وقته وبين يديه شي ثمين..
رانيا شافت من الشباك؛ شكله المغرب أذن..
فراس: اي..هيا نروح بيك
رانيا وهيا طالعه وفراس وراها يصكر في الباب: الوقت هذا مانحباش يضايق فيا ويخلي فيا ديما نبي نرقد..
فراس وقف في مكانه وقال بشي من التوتر : اضايقتي توا! شن حسيتي؟ رجعتلك الحاله
ابتسمت رانيا: لا توا أنا كويسه ماحسيت بشي بس أنا نحكيلك يعني..
فراس: كان حسيتي حاجه تكلمي..
رانيا ركبت في السياره وهيا تضحكك بشويه.. وشعور التوتر أو الخجل مافرقهاش بككل..
وركب هوا من الجيها الثانيه وحط هاتفه اللي كان يرن بنفس الرقم بس الإنه كان سايلنت ماحدش فيهم انتبه عليه..
وقدام الحوش بضبط درس فراس سيارته..وقبل ما تنزل رانيـاا..
فِراس؛ رانيـا..
رانيـا: نعم؟
فراس سكت شويه وهوا يفكر في الكلام اللي بيقوله بعدين شاف للكرسي الخلفي ومدلها كيسهه وهذا كله تحت أنضارهاا
خدت رانيا الكيسه وهيا مبتسمه.. ورجع هوا قال.
فراس: رانيـا.. أنا معاك ديـما في كل شي أنا خوك وبوك وكل ششي ليك،أني نبيك تعرفي إنه لو طحتي،ح تلقيني وراك نقيم فيك.. إنتي نخلقتي من ضلعي...ومن روحي إنتي مني وفيا..ولا تفكري إنه يجي يوم ونسيبك..وعيني على لسانك نسمعك تقولي طلقني نقصهولك..
دمعوا عيونـها وهيا تحاول تشدهم ماتخلييهمش ينزلوواا.. هكي كانت تردد في نفسهاا..ابتسمت من وسط دموعـهـا وشافتلهه
رانيا: شكــراً... قالتها بتوتر ونزلت بسرعه..
ومن يعرف وقتها قلب فراس شن صار فيه! وهوا يشوفلها بابتسـامه عريضه مزينهه وجها.
