🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 4
أما عفاف خرجات و عقلها مخربق ماعارفاش واش بصح هو أو لا حاولاات تنفض دوك التساؤولات من عقلها و خرجات لعند النافورة فين مجموعين الخادمات كايصبنو الحوايج و وشوشة كاضور بيناتهوم، قربات لعندهوم و نطقات بدون اهتمام :
شنو ساايرين تقولو و تنقلو بيناتكوم؟
سكتو كاملات وحدة تشوف فلاخرة حتا تقدمات وحدة من الوصيفات لي زاعمة نوعا ما على عفاف و قالت:
يااختي عفاااف مانخبيوش عليك شفنا وااحد السيد خرج من عند سيدي عبد الله اش غانقووليك، الزيين... تبارك الله و صافي ، حروفو كحلة ماتشبه شاي فملامح المست..عمر ،الطوولة و التجرييدة ،الهيبة و القسوحية، ماتقدرييشاي تطولي الشوفة فعينيه و لو تكوني حجرة ذوبي ! عمرنا شفناه هنا فالدار و لا سبق و دوا عليه سيدي!
عفاف عقدات غوباشتها و هزات يديها فوق راسها:
لاا صاافي هاادشي لي بقا ...ا لالياتي لوكان تحضييو جنابكوم كيف حاضيين الغاشي عمرها تدار بيكووم، الله يهديكووم يا البنات ساالييو شغلكووم و لي مافيها نفع دفع ، دااباا اش ليكوم فالسيد يكون اشما بغا يكون باش ينفعكووم ؟
الوصيفة ضحكات و غمزاتها: يااختي غير قلت يقدر يكون شي خطيب جديد جا يجرب حظو مع نوارة دار الفهري لربما تكون دعات معاه مو و اهلو و قبيلتو و رضات بيه للا عفاف ...
الخادمات كل وحدة فين حنات راسها مصدومات فحين عفاف خرجات عينيها: غييير حمقة و قاالوو ليها زغررتي! ربي يعفوو علييك..
صفقات يديها و هزات راسها كاتشوف فيهوم بجدية و بنبرة عالية دوات:
_ ا سمعووو و استوعبو ا الشريفات هاداك شريك با فالخدمة من اليوم غاتوليو تشوفوه! و مانبغيوش يشوف شي تصرف ماهواش، (هزات حجبانها) اوى الفاهم يفهم و القاري يتهجى و الصلاة على النبي.
ضارت فالبلاصة خارجة و هي شادة اطراف فستانها بيديها بكل شموخ بعدما رجعووه الخادمات لعقلها و بقا موضوعو كايدق بحال شي مطرقة فرااسها....
رجعات لبيتها و جلسات فالشرفة ساارحة لبعييد دماغها كايقوليها ماشي هو و لاكن قلبها متأكدد أنه هو، رجعات شريط حياتها 6 سنوات للوراء و ظهرات صورة رجل المبهمة قدامها عيات تقارن كاتحاول تلاقى خيط الشبه بيناتهوم و لاكن واالووو حتا من الشخصيات كانو متناقضة ، هو كان متواضع ..هادئ و ضحوكي.... اما هادا فالعكس كان مخييف ،مغوبش و حتا صمتو كاتحس بيه عنيف..
راسها كان غاينفاجر عليها بقوة التفكير داكشي علاش ناضت تكات فبلاصتها و جرات عليها الغشاء كاتحاول تنعس
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
