🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 21
بمجرد ماسالات قادت زيها مرة اخرة و دارت كاتقلب على طريق العودة و لاكن صوت ك..لاب ظالة من بعيد خلاها توتر .. الظلمة و خوف كبير من الكلا..ب لي ينهشوها و مايجيب حد خبارها خلاوها تحاول تزرب، و كيف قالو لي سبقو لا زربة على صلاح غا ما زادت توترات و تلفات..
أما صلاح الدين لي كان كايراقبها من البعيد طير فالسماء ان السيدة تجلات و على سبيل الرجعة توضرات ،تأفف بملل و نطق بينو و بين راسو:
ففف منين ماقادااش ا بنت المرضي على شي ويل لاش كاتلوحي فيه رأسك؟!
تقدم ببطئ لعندها و هي غير سمعات صوت خطوات رجالية كايقربو لعندها قلبها كايزيد يضرب فالمية و كاتبدا تشهد على روحها ماعرفاتو شي و..حش آدمي قلع سيفتها و عرفها أنثى فزي الرجال و لا شي قطاع الطرقان طمع فيها تكون هازة باش يتزرد هاد الليلة، لحظات و جمعات شجاعتها و دارت دورة وحدة هي تلقاه مقابل معاها كانت أول مرة من نهار جا كايتلاقاو عينيهوم مع بعض حسو بتكهرب داز فذاتهوم كان أشبه بالصاعقة دغيا قلب كل واحد فيهوم عينيه لجهة اخرى، ماعرفوش شنو لي خلا داك التواصل البصري العظيم يتقطع من جهتو هو كايقول أنه ماعندوش الحق يتأملها اما هي فكاتقول انه شي حاجة مهيبة فعينيه خلاتها ماطولش الشوفة فسوداويتيه.
ثواني دازت قبل تحاول تجمع شتات افكارها و تصدم هاد المرة من سبب مجيئو :
نتاا!!! وااش كتبعنييي؟!!!!
أسئلة كثيرة دارو فبالها و لاكن هو ماعطاهاش فرصة هز راسو فالشجر و نطق ببرودة كاتقت..ل :
زيدي نرجعك لداركوم
عفاف مازالها مقصحة راسها ومخرجة عويناتها مكتحشم مكترمش : شليك نتا؟ نمشي ولا نبقا ولاش تابعني اصلا!!
صلاح الدين جرها من معصمها بدون سابق إنذار حتا قربات ليه فديك الظلمة ونطق بصوت كالفحيح الهامس: متخلينيش ندير فيك يدي آ بنت المرضي
عفاف رافعة عيونها فيه كتشوووف مدة وعقلها كيفصل ويخيط هاد المرة ماعتارضاتش و لا تعكسات عرفات واش ماشي لصلاحها حركات راسها فحين هو بدا كايفصل و يخطط مع دماغو مابغاهاش تمشي تسبق و يتلا هو وراها عارف واش تاهي ماغاترتاحش و فنفس الوقت مابغاش يسبق هو و يخليها وراه الليل هادا و ماعارفين اش يطرا يهزوها و مايجيب ليها خبار تنهد بضيق و طبق خير الامور اوسطها هو يقول بجدية:
زيدي حدايا و حسسك مانسمعووووش.
مسيطر ا البنات مسيطر😂😌
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
