🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 16
للا عفاف سيدي صلاح الدين طلب حضورك بين يديه دابا..
عفاف قوسات حجبانها: شنو بغا عاود؟
بلقيس كاتبعدها جيهة الباب باغية تبقى بوحدها: هي إلى مشيتي تشووفيه ساايرة تسولي فينا..(شافت فالخدامة) سيري شوفي الضيفات ياكما خصاهوم شي حاجة، الا سولو عليا قولي ليهم غير نقضي شي شغال ونلحق عليهوم.
عند عفاف لي طلعات معصبة تشوفو اش بغاها حتا كاتلقاه واقف و معاه جوج عبيد و جويرة الوصيفة فوسط الكولوار بمجرد مالمحها كاتقرب نص عين قال:
غادي نخرجو نشوفو محالات باك فالسوق.
عفاف (شافتو سكت قالت بنبرة استفهام): واخا!؟
صلاح الدين (بصوت خشن): لبستي حوايجك وتبعيني..
عفاف (جرات اطراف فستانها وشافت فيه مصغرة عينيها و عاقدة غوباشتها): هاهوما حوايجي لابساهم!؟
هز عينيه شاف فيها و عاود شتت نظرو كايقولو الشوفة اللولة ليك و الثانية عليك نطق ببرود صوت فيه بحة" : اياه و داك القصة لي باين من القدام و داك الشعر لي طالقة يبان من اللور فرحانة بيه ياك؟
عفاف جاوباتو بقسوة: ياكما بغيتيني نقطعو؟
صلاح الدين (ببرود أكثر من قبل) : قطعيه و لا خليه سوقك هاداك!
عفاف (عقدات يديها): ايه واش ليك نتا فيه ؟
صلاح الدين (عطاها بالضهر ونطق): نتي وصية سي عبد الله بينما رجع غتبعي داكشي لي قلت ليك وغتستري راسك وتطيعي اوامري وبلا قصوحية الراس!
عفاف (بنرفزة): وبا عمرو قالي ديري و لافعلي زيفي من بكري هكا ندير ليه.
صلاح الدين : هاداك باك و هادا لي قدامك أنا، حتى يجي و الله يعملك تحيديه كاع نتي إلى خلاك وماحدك تحت حمايتي لايقوليكش هاد العقل تخرجي هاكا ، يا لبسي حجابك مقاد يا جلسي فالدار!
زاد مخليها وراه غتفرغع قبل ميختافي اثرو من قدامها نطقات بعصبية
عفااف : والله لا كانت ليك البحااار
صلاح الدين مبدلش ملامحو ولا دار بالعكس متمزكش ليها نفس التغوبيشة باقا فوجهو متزاحتش ابدا هبط دايرين ليه الطريق لبرا دالقصر كيتسناها بالعربة قدام الباب راكب فوق حصانو وكيتسناها تبان باش تركب هي فالعربة ويتحركو
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
