🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 15
عائشة دارت ابتسامة صفراء على شفايفها و جاوبات: لا تفهميينييش غلط ا بنيتي ، انا راه مادويت حتا بكاني حالها و قطعاات لي فقلبي ، راها تشفي العدو مسكينة هزيت همها و حسبتها بلاصة بنتي و قلت علاش لا فحالة قدرني سيدي ربي ندخل بخيط أبيض و نصالح بينها و بين باها هادا ماكان.
بلقيس ناضت للكوزينة بالزربة فحين عفاف خنزرات تخنزيرة د القت..يلة فعائشة : ا للا ماقاليك حد هزي همها، البنت مامقطوعاش من شجرة و مامحتاجاش لي يشفق علبها و لا يهز همها..
(دارت شافت فالعيالات كاملين مكملة)كوولها يديها فشغالوو.
ساست يديها نايضة و ضحكات ليهوم: خوودوو راحتكوم حسبو ريوسكوم فديوركوم!
لحقات على مها للكوزينة فين لقاتها مكابرة و حابسة الدمعة بالسيف و يديها على فمها ، تعيا تقسي و تقسح فقلبها كاتبقى أم و هاديك بنتها ماتبغيهاش تولي دواز اتاي و هضرة المجامع، تشفي فيها العدو و الصديق، مابغاتش ليها التكرفيس و لا التبهديل لي عايشة و لاكن عبد الله قال كلمة وحدة و حلف باليمين مايرجع فشوارو .
عفاف حطات يديها على كتف مها: لاتديهاش فهضرت ديك خيتي راه لسانها مبري منها، كولشي عارفو كايقطر غير العسل.
بلقيس(بحسرة): الحق كوولوو على عبد الله لي حلف لارجع فكلاموو و خلى بنتوو شروييطة بين يدين هاداك ولد الح..رام، الله يااخددد الحق يااربي، ياااربي شووف من حالي و حالها راه خبارنا ساقها القريب و البعيد..
قبل تجاوبها عفاف وقفات عليهوم وحدة من الخادمات ثاني:
للا عفاف سيدي صلاح الدين طلب حضورك بين يديه دابا..
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
