كتابة و تأليف: زجل يلدز و دعاء بينيس (douae jenner)
⚜"من رحم الحرب ولدت قصة حب عظيمة"⚜
🕊 #عصافير_غرناطة🕊
ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
جاوبات تحت من سنانها : غادية لبيت الوضوء... ماتسناتش جوابو، مباشرة ضربات بالحايك ديالها و زادت مع الطريق كاتغلي من الداخل... توضات هي ترجع لبيتها صلات و لبسات فستان ابيض طوييل و انيق إضافة لاكسسوارات و شال طوييل هابط على صدرها دارت ليه لفتها المعتادة مع شعرها لي مطلوق و كايبانو خصلاتو هابطين من تحت الشال هي تخرج هابطة لقاعة الاكل...
لقات مها واقفة على الخدامات كاتعطي التعليمات هنا و لهيه، امرأة حاارة كاتبغي توقف على شغلها و فيها الوسواس ماكاتيق فحد و ماكاتعطي شغلها لحد، من الخدامات و كاتضل واقفة عليهوم يدها بيديهوم..
عفاف: صباح الخير
بلقيس كاتوجد فواحد الصينية فخمة لي تشهيتي تلقاه موجود فيها: صباح النوور، حشمتيني مع الضيف الشمس وصلات وسط السماء و لي غاتوقف على رزق باها مجبدة ففراشها! ياودي يااودي على الفقيه لي نتسناو باركتو.
