🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 20
بدون مايتردد ولا ثانية هبط مع الدروج د القصر و خرج مع البوابة متاجه للحديقة الخلفية، بان ليه شبحها من بعيد هو يبدا يجري بشوية باش ماتحسش بيه غير شاف راسو قرب ليها هو ينقص السرعة و خلاها سابقاه بشحال كايشوف لاياش كاتخطط...
عقد حجبانو و عض على شفتو السفلة بتفكير فاش شافها قربات للحيط مافهمش اش كاتحاول تصنع، حتا بانت ليه بدات كاتحسس فداك الحيط بشوية و فكل لحظة كادور تشوف ياكما حاضيها شي حد، شوية بعدات اغصان واحد الشجرة و جبدات واحد الساقتة بالجهد هو يتحل واحد الباب خرجات معاه بالزربة و عاودات سداتو.
صلاح الدين همس مصدووم: لااقييس صافي!
تاهو ماكانش من العاكزين تسنا لحظات هو يمشي كبق نفس العملية و خرج مع الباب لي تلاقاه كايأدي للزنقة.
شافها كاتجري هو يتبعها تاهو بالجرى و غير بعدات على البلاصة فين ساكنة بدات كاتمشى بثبات إلا أنه بحكم كان قريب ليها شوية لاحظ يديها لي كايرجفو بتوتر.
زاد تصدم كثر فاش شافها خلات الطريق المأمنة و دازت من طريق خااوية و غابوية كون مادا و جاب فوسط غرناطة مايعرفهاش خاايبة و ماكاتوصل لحتا قنت من غير الحومة د النصا..رى أو بالاحرى بعض الصلي..بيين لي كانو ضمن المستعمرين
تصرفاتها دخلو ليه الشك و خلاو سيناريوهات كثيرة خايبة دوز قدام عينيه، غير شافها فين غادية هو ينسا آية إن بعض الظن إثم و ماقدرش يصفي دماغو و افكارو..
بقا تابعها حتا بانت ليه خرجات فين كان متوقع حارة خاصة بالمسي..حين ، مشات مباشرة للكنيسة و بقات واقفة كاتمشي و تجي حداها بخوف حتا خرجات بنت فزي الراهبات و مشات عندها.
صلاح الدين بقا متبع المشهد كايشوف كيفاش عفاف عنقات الراهبة و همسو بيناتهوم ببعض الكلمات قبل تعطيها عفاف داك الصاك و تمشي مرة اخرى فطريق العودة..
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
