🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 9
"قالو ناس زمان اليد لي ماتقدرش تلويها، بووسها!
و هادا حال يه..ود و مسل..مين الاندلس فالصباح يعاشرو النصا...رى و بالليل يدخلوو ديارهوم و يسدو بيبانهوم يصليو فالغفلة و يقراو القرآن بالسر و يطلبو النصرة من مولانا مأمنين بجملة فإن ينصركم الله فلا غالب لكم".
الظلام تنشر و الشمس غربات الناس سدو محالاتهوم و كلها دخل دارو و فقصر الفاسي الفهري مجموعة العائلة كايصليو صلاة العشاء وراء عبد الله لي بمجرد ماسالى جر عفاف لعندو و خرجو للجردة بوحدهوم..
كان الجو زويين غرناطة بالليل حياة اخرى مدينة سحارة بگمرتها و جبالها. مافيها بحر ناسها يشكيو للسماء...
جلسو فأرجوحة كبييرة و بدا عبد الله الهضرة:
مع الفجر ا نوارتي غانشد الطريق مانوصيكش حيت عاارفك شااربة عقلك لي نقوليك هو واايااك تخرجي بووحدك الجيش الاببيري تخلط مع اهالينا و نشر سموو فاراضينا ، كبري دماغك و ماتديش على ماماك إلى قالت ليك شي هضرة تقلقك راه كاتبغيك بطريقتها و السيد(صلاح الدين) عاونيه فالشغال و لي حتاجها وريها ليه هو راه فمقامي و واخد بلاصتي فغيابي...
عفاف خدات يدو لفمها باستها وقالت : ميكون غير خاطرك ابا
عبد الله عنقها مكمل: االله يرضي عليك ا بنتي انا راضي عليك دنيا و اخرة واالد و عاارف والد للالة البنات لي تهز براسي و تقضي شغالي..
عفاف بادلاتو العناق كاتحس براسها موحشاه من دابا..هو راه ماشي اي شخص هو راه باها:
هضرتك ا با تااج فوق راسي و لا عاش من يطيح بكلامك... لا تطولش علينا غيبتك
عبد الله : ان شاء الله نطلبو التيسير من عند ربي باش نرجعو فاقرب وقت
ناض واقف وتنهد بصوت عالي شاد على ركابيه مع كبر السن : حاجة الله يقديها الله
عفاف ناضت مزرووبة واقفة معاه كتعاونو : ياك ما كاين باس؟ الا كنتي عيان بلاش متمشي
عبد الله : الحمدلله ابنتي الحمدلله على كل حال
تمشا مقاد عمامتو فوق راسو غادي لمصريتو يرتاح تا طلع الشمس ويتحركو
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
