🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 5
دخلات لبيتها و جلسات فالشرفة ساارحة لبعييد دماغها كايقوليها ماشي هو و لاكن قلبها متأكدد أنه هو، رجعات شريط حياتها 6 سنوات للوراء و ظهرات صورة رجل المبهمة قدامها عيات تقارن كاتحاول تلاقى خيط الشبه بيناتهوم و لاكن واالووو حتا من الشخصيات كانو متناقضة ، هو كان متواضع ..هادئ و ضحوكي.... اما هادا فالعكس كان مخييف ،مغوبش و حتا صمتو كاتحس بيه عنيف..
راسها كان غاينفاجر عليها بقوة التفكير داكشي علاش ناضت تكات فبلاصتها و جرات عليها الغشاء كاتحاول تنعس
أما عند صلاح الدين، فحتى هو داتو عينو و هو كايقرى و ماعقلش امتى نعس معذب فديك الوضعية..
حتى كايحس بيد حنينة كاتدوز على شعرو الحالك و على وجهو عرفها غير من عطرها قرب يديها باسها و حل عينيه:
جوهرتي؟
جوهر شافت فيه بإشفاق و قالت:
اوليدي مالك ناعس هاكا مكرفس؟راك قوويتي على راسك رخف و خليها بين يدين مولانا!
(سكتات شحال كملات) اش بغاك بعدا داك التاجر خير انشاء الله
صلاح الدين جاوب بهدوء : ماشي شي حاجة غير بغا شواري فواحد الخدمة و صافي ،فكرتيني نيت نرسل ليه الجواب..
جوهر: ااه اوى الله يرضي عليك ا ولدي، فاش تكمل شغلك هبط راه وجدو القهوة معطرة
صلاح الدين: ا الوليدة مايكون غير خاطرك انا دابا جاي.
هبطات هي و ناض صلاح الدين صيفط على واحد العبد يطلع عندو لي فالبلاصة حضر كايجري.
سليم: اش حب الخاطر ا سيدي؟
صلاح الدين جلس فوق المكتب و غطس ريشة فالمحبرة كايكتب غير سالى دار إمضاؤ و طواها مادها لسليم:
هاد البرية وصلها دابا للتاجر عبد الله الفهري قوليه صلاح الدين فكر مزيان و ختار جوابو..
سليم هز البرية خارج سابق صلاح الدين : مبلغ ا سيدي
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
