🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 11
هزات فيه عيونها الساحرة بنظرة ثابتة و سكتات شحال عاد نطقات بنبرة فيها نوع من الاستفزاز:
السلام عليكم!
رد عليها بهدوء : و عليكم السلام ، للمرة الثالثة،
(دار ابتسامة جانبية عل ملامحو ) فين غادية؟
عفاف مزاجها خاسر على الصباح و طريقة هضرتو ماحملاتتهاش حسات بيه بغا يتحكم فيها و باها غايب: علاش بالسلامة واش ليك فمجيتي و رواحي؟
صلاح الدين تمشى شي خطوات و ببطئ قرب لعندها هي و الوصيفة عاقد يديه ورا ظهرو بمشية مستقيمة عاد جاوبها : ماكانجاوبوش على سؤال بسؤال اخر أو لا؟ انا اللول سولت و بغيت الجواب يحضر !
عفاف قادات وقفتها و هزات راسها معلياه بحال شي ملكة : مزال ماتزادش لي غاسيرني على هواه .
(هزات حواجبها بتحدي) جوابك غايوصلك الوقت لي ترشق لي إلى مزال محتارماك راه غير على وجه با و وصيتو!
صلاح الدين مادار حتا ردة فعل اندفاعية بالعكس بقا بنفس برودو و كأن هضرتها المستفزة ماحركات فيه والو جاوبها بتأني:
انا مامعمرش معاك دابا حيت عااشق نسولك و لا هاميني خبارك، نتي امانة من باك مخليك تحت جناحي و مسؤوليتي من حقي نعرف عليك الشادة و الفادة، ديري فراسك الهوا هو اللخر ماغاتدخليهش بلا خباري.
عفاف حسات بالاعصاب بداو يركبوها واخة حمرة خفيفة ظهرات فملامحها ولاكن شدات فراسها ، عقدات يديها على صدرها و هضرات بنبرة باردة كثر من نبرتو:
ماكاتحسش براسك زدتي فيه زعمة؟
صلاح الدين جمع وقفتو و قال: بلا مانطولو الهضرة و نغطيو الشمس بالغربال، خدمتي راه باينة و حدودي ماغانتخطاهومش بغيتي تنضجي عقلك معايا هو هاداك مابغيتيش و تمردتي فغايب باك غانقادك بزز .
أنت تقرأ
عصافير غرناطة
Fiksi Sejarahكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
