كتابة و تأليف: زجل يلدز و دعاء بينيس (douae jenner)
⚜"من رحم الحرب ولدت قصة حب عظيمة"⚜
🕊 #عصافير_غرناطة🕊
ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
دارت فيه واحد التخنزيرة ديال القت..يلة و زادت معاه فنفس الخط كايتمشاو فوسط داك الظلام بوحدهوم و هو شاد راسو مايشوفش لجيهتها ، بمجرد ماتعمقو فطريق العودة الغربي ضرب فوجاههوم و خلا عفاف تسرح بذكرياتها لماقبل ست سنوات فجو مماثل لهادا ...
#flash-back
على سطح سفينة متوجهة للمغرب كان نور الكمرة الفضي ضارب فامواج البحر لي كايتقادفو فالسفينة بحال شي ريشة، جو سحار و الغربي ضارب فيها مطير اطراف فولارها و خصلاتها.
نساجمات مع داك الجو الصامت كاتأمل فالنجوم و ظلمة المحيط حتا كاتحس بحركة حداها و تنفس قريب ليها.. علات عيونها بانزعاج تعرف شكون فسد راحتها هو يبان ليها رجل فاواخر العشرين بينو و بين الثلاثين شعرة، قدرات تلمس العروبة فملامحو الحادة، و اكيد مافلتوش عليها حروفو الوسيمة، هزات فيه حواجبها باستفسار بلا ماتهضر و حتا هو فهمها هو يبتاسم ليها ابتسامة صغيرة و قال مدور عينيه جيهت البحر كايتفادا يشوف فيها: الغاشي بدا يمشي كولها لحق مكانو يرتاح حتا تطلع الشمس.
بادلاتو الابتسامة و قالت بمزاح : هي كاتجري عليا ؟
كانت هادي بداية حديثها مع شخص غريب سامراتو بقية الليل و دات و جابت معاه فالهضرة و دواو فشلا حواايج بحال إلى كايعرفو بعضهوم من زماان، و من ساعتها مابقاش فارق خيالها .....
مافيقها من ذكرياتها غير صوت صلاح الدين كاينطق بنفس البرودة و كأنه غير مهتم: هادي هي الثقة لي عاطيك باك و مأمنك عليها؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
