عصافير غرناطة

الجزء6

🕊️عـــصـافــيـر غـَـرنــاطــة🕊️
             𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز

"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️

                                  🕯️الــجـــزء 6

عفاف هي الاخرى ماحساتش بالعالم حولها حتا بدات الوصيفة كاتفيقها:
للا عفاف،  للا عفاف فييقي راه نعسة العصر شينة و نهى عليها سيدنا محمد،  نوضي راه للا بلقيس و سيدي عبد الله سايرين يتسناو فيك..

عفاف مدووخة بالنعاس: شحال دابا فالساعة؟

الوصيفة: العصر فاات ا للا..

ناضت قادات حالتها و هبطات للصالون عند واليديها كان صالون فخم و كبيير لدرجة يجري فيه الخيل ، كانت مخسسرة وراء ديك النعسة فسلمات على واليديها و جلسات بلا هضرة شادة راسها حتا كاتدخل وحدة من الخدمات:
سيدي عبد الله واحد السيد جا و قال راه جايب معاه مرسول من عند صلاح الدين الإشبيلي ..

قبل تكمل هضرتها وقف عبد الله سابقها للصالة لاخرى:
ايه ايه قول لو يدخل  يبشرنا بخبارو.

عفاف بمجرد ماسمعات سميتو الكاملة حسات برجفة مصحووبة بالعديد من الذكريات ناضت بالزربة لسقات فباها حتا  استلم البرية و هي ماقادها صبر حتا يحلها كاتفرك يديها بتوتر و عدم صبر..
بمجرد ماكان عبد الله فاتحها نقزات عليه كاتقرا معاه الورقة لي كان مكتوب فيها بكلمات عربية و خط جميل و واضح :
"الحاج الفهري، انا راضي بخدمتك و من اليوم ولات مسؤوليتك من مسؤوليتي و عائلتك على ذمتي، طمأنهوم و بلغ ليهوم معاك سلامي  "

جمل بسييطة خلاو قلبها يضررب ،فكرة انها تبقى تشوفو يوميا كاتخليها تبغي تسطى.

مافيقها من سهوتها غير الحاج بهضرتو: واا هاادي خباار زيينة ا نوارتي شفتي؟

ابتاسمات ليه برقة و خدات البرية من بين يديه بلا ما يحس هي طلع كاتجري لغرفتها...
غير دخلات هي تحل واحد العلبة من العرعار بنقوش ذهبية فاخرة كانت كاتجمع فيها بعض الاكسيسوارات الغالية عندها و حطاتها فيها.

تبعاتها هضرة خرجاتها بدون شعور: الله يااربي تباارك الله على خط عندو كايفتن...