🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 10
صبح الصباح على قصر فاسي الفهري
وأميرتنا مزالها نايمة مسخاتش بالنعيسة كن مفيقهاش الضجيج لي كتسمع صوتو من جناحها كمشات تعاليمها كتستاعد تفيق فاتحة عويناتها العسلية كترمش بأهذابهم منظر كيسلب العقل خصوصا فاش كدقق الشوفة فيها وشعرها كيف مطلوق على طولتو فوق الخدية حنيكاتها وشفايفها الكرزية حكاية اخرى مسحات على عواناتها بضهر يديها وناضت جالسة كتعيط على جمانة تجيب ليها تغسل وجهها وطرف حالتها وتجيب لباسها
مدة زمنية قصية كانت مادة ليها جمانة ديك الطاس دالنحاس منقوووش والبريق باش كتكب ليها المااا باش تغسل يديها ووجهها ومدات ليها منشفة من بعد رفعات عفاف راسها فيها
عفاف : ديري ليا الطريق لبيت الوضو
جمانة بلعات ريقها ونطقات : لالة راه الطريق عامرة..
عفاف خسرات ملامحها وقالت : مفهمتش؟
جمانة : سي صلاح الدين صبح الصباح فالقصر وراه جامع العبيد كلهم التحت كيخطب عليهم ويوريهم خدمتهم
عفاف : حامية فيه البيضة؟ باقي تا مسخن بلاصتو.. عرفتي شنو ديريلي طريق لبيت الوضو ديال با
جمانة بلعات ريقها : واخا الالة
هزات عفاف الحايك لايحاه عليها ومغنبرة فيه كيف العادة كيبانو غا عويناتها وشعرها لي واصل تال رجليها واحد الجزء منو من اللور
هبطات جمانة فالدرووج وعفاف تابعاها دازو من حدا العبيد ولكن مرفعوش الراس عفاف عاد فايقة معندها غانة لتا واحد حتاليه مجاهاش الفضول تشوفو شكيدير ولا شنو كيحاول يصنع خاصها بعدة ترجع غانتها وتصلي صلاتها
حتى قربو لبيت لوضو عاد سمعو صوت قوي بنبرة رجولية عميقة قائل : لفين غاديين؟
عفاف كملات طريقها محسباتوش داوي معاها عند بالها مع شي واحد اخر ومن يتجرأ عليها اصلا وفوسط قصر باها لي هو قصرها
مسمعش جواب كان عاطيهم بالضهر لتاقطو اذناه صوت تحركات ناعمة وخفيفة واخا دوا عاود سؤالو بنبرة قوى من قبل : قلت لفين؟
هنا عفاف عرفات بلي عليها كيدوي وجهها حمار وعيونها كثر مرضاتش عمر شي حد خاطبها بهاد النبرة ولا تدخل فيها
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
