🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 8
عند باها ومها فالمصرية الكبيرة التحت بقاو جالسين كيشوفو وراها
نطقات الام بتساؤل ونبرة تعجبية : الحاج اش هادشي لي كنشوف ؟
عبدالله : خلي البنت على راحتها متبقايش تدققي وراها وزايدون انا ثايق فبنتي وعارفها من حماسها للخدمة دارت هاكا عارفها عفوية وبريئة
بلقيس : واخا هكاك هاد التصرفات الاندفاعية مخاصهاش تبقا ديرهم واحد اخر غيفهمها غلط
عبد الله تنهد : لا بلقيس خلي البنت على راحتها راك عارفاها مزياان رزينة وعقلها وازن ماشي ديال هاد الهضور الله يهديك
بلقيس قلبات وجهها : اوا نتا تعرف هاني ساكتة ..
عبد الله ناض واقف والتسبيح فيدوو : اوا نوضو ونصلي زوج ركعات علامن يوذن المغرب
بلقيس : الله يتقبل ناضت تاهي تشوف شنو ديرباش تلف الوقت خلاص الخدم هازين عليها كلشي غير لا بغات تطرز شي قفيطين ولا دير ملتقى مع عيالات الرجال الهمة والشان هنا فالاندلس كيديرو عشية نسوية وقصارة بالطرب وكلهم كيحضرو
فجهة اخرى
سالا الخدمة لي فيدو وقرا الكتاب لي داير فبالو دابا جا وقت المبارزة ولف ياخد وقيت كل نهار يتبارز فيه بالسيف مع العبد ديالو
معروف بلي فهاد الوقت بالضبط فين الاحتلال تغلغل مزيان فالبلاد فخاص يكونو متأهبين لأي حاجة غتطرا ومستابقين الاحدات خلاص هوما من عوايدهم الدراري من صغرهم كيعلموهم رمي السهم وفاش كيكبرو شوية كيتعلمو السيف والمبارزة وركوب الخيل يعني أقوى جيش تقدر تعرفو فداك الوقت فالعالم كان الجيش الاسلامي والدليل الفتوحات لي كانو واصلين ليها من اروبا للصين مخلاوش
وقف مستاقيم عقلو خدام مزيان ومركز مع اي خطوة كيديرها كيتبارا برزانة وكيعرف خطوتو فين كيحطها بعد تدقيق حتى تمكن من خصمو ودفعو حاط السيف على رقبتو وهو مغط قدامو فالارض وقال : بغيتك شي نهار تحنتني فالمبارزة
سليم العرق كيتصبب من جبينو قال : مكاينش لي يقدر يغلبك اسيدي نتا امهر واحد فهاد اللعبة
ترسمات ابتسامة جانبية على ملامح صلاح الدين وكتافا بانو يطب طب على ضهر سليم قائل : مرة اخرى
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
