🕊️عـــصـافــيـر غـَـرنــاطــة🕊️
𝐷𝑜𝑢𝑎𝑒 𝑗𝑒𝑛𝑛𝑒𝑟 ⛥ زجل يلدز
"جـنّة مسـلـُوبة أنِت، تشَابهيـن الأنَدلـس سّيـدَتي...
غَرنـاطة لـَون لـشَفتيـِك...
و نـَهر إشبيِـلية عميقُ كَـعينيِـك..."🗝️❤️
🕯️الــجـــزء 19
تعشاو فصمت و عفاف منزاعجة و ماهياش كاتسنا غير الفرصة لي تنوض فيها، مسحات يديها و فمها برقي و وقفات:
الحمد لله ، (دارت ضحكة باردة على فمها) تباتو فراحة الله هادا هو الجهد.
طلعات لغرفتها و مباشرة من وراها ناض صلاح الدين تاهو :
للا بلقيس الله يخلف، القصر راه داير بيه بنادم و العبيد ماكاين من اش تخافي .
بلقيس: جلس اولدي تبات اش تابعك. منها نيت تحيد عليك داك العداب د الطريق
صلاح الدين: مرة أخرى إن شاء الله خليت الواليدة مامعاها حد فالدار.(سكت شوية عاد كمل) لاقدر الله طرات شي حاجة صيفطو عليا نحضر فالبلاصة.
بلقيس: ايوى طلع صلي العشاء بعدا هو اللول ماتخرجش بلا صلاة.
صلاح الدين فعلا اتاجه للدروج و طلع توضى و صلى.. غير خرج بان ليه كولشي الشمع طافي و لا مصدر ضوء من غير الكمرة لي شعاعها داخل من الشرجم لقاع القصر...
تمشى بلا حس باش مايصدعش أهل القصر لي غارقين فسابع نومة ،ناوي ينزل حتا كايسمع حس التخرشيش قادم من واحد الغرفة خاوية ..
قرب بشووية و طل بلاا مايعيق هي تبان ليه عفاف مخشية فواحد العبائة ديال الرجال و لاوية على ملامحها و شعرها واحد الشال اسود...
من بعيد ماتعرفها واش ذكر لا انثى ، قرن حجبانو باسغراب ، عارف انه واخة تنطابق السماء مع الارض ماعندوش الحق يتجسس عليها و لاكن تصرفها الغريب و حديثها على الطبلة د العشاء خلاوه مدهوش و شيء شبيه بالفضول و الاهتمام خلاوه يتبع حركاتها المريبة...
كانت سالات من مظهرها لي ولا شبيه بالرجال و هزات واحد الصاك ماقدرش يميز شنو فيه خشاتو تحت حوايجها و حلات داك البالكون لي كان كايطل على الحديقة الخلفية بشوية ، لاحظ انه معلق فيه واحد الحبل مهترئ دليل على انه شحال و هو تماك ، تمسكات بيه وهبطات منقزة للبرى ...
#يتبع
اش غادير هاد المسخوطة🙄🙄
أنت تقرأ
عصافير غرناطة
Historical Fictionكتابة و تأليف: زجل يلدز و دعاء بينيس (douae jenner) ⚜"من رحم الحرب ولدت قصة حب عظيمة"⚜ 🕊 #عصافير_غرناطة🕊 ضروري شي نهار غاتكوني سمعتي على الأندلس سواء بالصدفة أو قريتي و تعمقتي فيها. كاين لي كايعتابرها مجرد أرض...
