"အမေ အမေ"
ခြံဝိုင်းထဲ ဝင်လာကတည်းက မိခင်ကိုအော်ခေါ်နေသူက ဇွဲပင်။
"ဘာဖြစ်လာတာလဲ သားရယ်၊ အမေက ဒီမှာလေ"
ဒီကနေ့ လက်စသပ်အပ်ရမည် ဖြစ်သော အင်္ကျီလေးကို လက်ချုပ်လိုက်ရင်း အိမ်ပေါ်တက်လာသော သားကို မေမိုးလှမ်းအော်လိုက်လေသည်။
ဇွဲလေး အမေကို တစ်ချက်လှမ်းကြည့်လိုက်ပြီး
"အမေကလဲ အလုပ်တွေ သိပ်မလုပ်ပါနဲ့ဆို"
ထုံစံအတိုင်း ပျစ်တောက်တောက်ပြောတော့မည့် သားကြောင့် မေမိုး ပြုံးလိုက်ပြီး
"အမေတို့ သားမိက လက်လှုပ်မှ ပါးစပ်လှုပ်ရမှာ သားလဲ သိရဲ့နဲ့ကွယ်"
ဇွဲလေး အမေ အရှေ့မှာ ဝင်ထိုင်လိုက်ပြီး
"ဒါတော့ ဒါပေါ့ အမေရယ်၊ သားလဲ အရွယ်ရောက်နေပြီ၊ သားလဲ အလုပ်လုပ်နိုင်နေပြီပဲ"
"အို မလုပ်ရပါဘူး"
"အဲ့ဒါတော့ မမိုက်ဘူး အမေရာ"
၁၀တန်းအောင်ပြီးကတည်းက ဘာအလုပ်မှ မလုပ်ရသလို အမေ လုပ်စာထိုင်စားနေတာဟု ပြောနေကြသော လူတွေရဲ့ ကဲ့ရဲ့မှုကို ဇွဲလေး မခံစားနိုင်ပေ။
မေမိုး သူမကို စိတ်ကောက်သွားသော သားကို ကြည့်ကာ ပြုံးလိုက်ပြီး
"သားကလဲကွာ ကလေးကျနေတာပဲ၊ အမေကို ဆိုးနေတယ်"
"သားက ဆိုးတာမဟုတ်ဘူး၊ အမေက ဆိုးနေတာ၊ ခြေကောင်းလက်ကောင်း အသက်က ၂၀ ပြည့်တော့မဲ့သားကို ကလေးလို့ မြင်ပြီး ဘာအလုပ်မှ မခိုင်းတဲ့ အမေကမှ ဆိုးတာ"
"အမေသားကတော့ကွာ ၊ ကဲ သားက အလုပ်လုပ်ချင်တယ်ပေါ့"
"ဟုတ်"
"အဲ့ဒါဆို သား ဦးမင်းစက်ကို အမေပြောပေးမယ်၊ အခြားနေရာမှာတော့ အမေ စိတ်မချဘူး သားကို"
"တကယ်လား အမေ"
"ပျော်လိုက်တာ အမေရာ"
အမေကို ဖက်ကာ ကလေးငယ်လေးလို ပျော်မြူးနေသော သားကို ကြည့်ပြီး သူမလဲ ပျော်ရပါသည်။
မင်းစက်၏ အကူအညီကို သူမ လက်မခံလေဘဲ ပုဂံညောင်ဦး ရှိ အမျိုးတွေရှိရာမှာ သားမိနှစ်ယောက် ဘဝသစ်ကို ပြန်စခဲ့လေသည်။ ဝသုန်လေးကလည်း ထိုင်းနိုင်ငံရှိ ဦးရဲ့ အိမ်တော်မှာ သွားရောက်နေထိုင်ရန် ဖြောင်းဖျခဲ့သော်လည်း မေမိုး လက်မခံခဲ့ပေ။ ဒါဟာ ဘာလို့လဲ မေးရင် ဦးရဲ့ အရိပ်နှင့် ဦးရဲ့ပစ္စည်း ဥစ္စာတွေ နှင့် ဆက်လက်ရပ်တည်ဖို့ ဆိုတာ ဘယ်သောအခါမှ သူမ တွေးတော့မည် မဟုတ်ပေ။ ထိုကြောင့်ပင် သားငယ်နှင့် အတူ သျှားညို မသိနိုင်သော တစ်နေရာမှာ ခြေရာဖျောက်နေခဲ့ခြင်းပင်။
ESTÁS LEYENDO
ညို့ချက်ပြင်းသောအချစ်နွံ(or)အချစ်အမုန်းညီမျှခြင်း
Romanceအထင်လွှဲမှုတွေက စခဲ့တဲ့အိမ်ထောင်ရေးမှာ လမ်းခွဲခြင်းနဲ့ အဆုံးသတ်ခဲ့ပြီး ပြန်တွေ့တဲ့ အခါ အရင်လိုပဲ သူက သူမကို မုန်းနေဦးမှာလား မြတ်နိုးစွဲလမ်းဖူးသည့် ယောကျာ်းတစ်ယောက်ကို လွမ်းဖူးသည့် နှလုံးသားက အမှတ်မရှိသေးဘူးထင်ပ။ အချိန်တွေရယ် ၁၀ နှစ်ပင် ကြာခဲ့သော်လည...
