Liberté

Liberté-5(U)

ဒီနေ့ဟာ နေ့စဥ်အလုပ်တစ်ခုဖြစ်တဲ့ မနက်ငါးနာရီလောက်ထပြီး တိမ်တောက်တွေကိုကြည့်ရတဲ့အလုပ်ကို လေပြည်ဟာ လုပ်မိပြန်ပြီ..

ဒီနေ့ဟာတော့ အရင်လိုဒီကြီးမားလှတဲ့အိမ်ကြီးထဲမှာတစ်ယောက်တည်းပင်.. အရင်လိုတစ်ယောက်တည်းပြန်ဖြစ်သွားပြီ.. သွားစေချင်လိုသောနေရာကိုသွားဖို့ ပြင်ဆင်ရအုံးမည်..

ထုံးစံအတိုင်း အိမ်တော်ထိန်းရဲ့တံခါးခေါက်သံနဲ့အတူ လေပြည်ဟာ နေ့စဥ်လုပ်နေကြ
လုပ်ငန်းတွေကို စတင်လုပ်ဆောင်တော့သည်..

ပင်ပန်းစရာကောင်းလောက်အောင်ဖြစ်နေတဲ့ဘဝမှာ လုပ်ချင်ရာမလုပ်ရတဲ့ခံစားချက်ကြီးက တော်တော်ဆိုးပါလား..

...

ထိုနေရာကိုရောက်သွားချိန်သည် သာမာန်ရက်တွေထပ် စောနေသည်.. အိမ်မှာတစ်ယောက်တည်းနေရတာဟာ ပုံမှန်ဆိုပေမဲ့ ဒီနေ့တော့ တစ်ယောက်တည်းမနေချင်.. ဘာလို့လဲဆိုတဲ့အကြောင်းပြချက်ကိုတော့ ဆောင်းလေပြည်မသိ.. ခပ်စိတ်စိတ်နှုတ်ဆက်ရင်း ရင်းနှီးစပြုလာတဲ့ နွေဦးငယ်ကြောင့်များလား..

အတော်လေးစောကာရောက်လာတာကြောင့်အမြဲလာနှုတ်ဆက်နေကြကောင်မလေးကိုလည်းမတွေ့ရ.. အိမ်ကနေထွက်လာတုန်းက ဘေးခြံမှလည်း အရိပ်အယောင်မတွေ့.. ဒါကြောင့်လေပြည်ဟာ မစောင့်တော့ဘဲ အတန်းစီကိုသာလာခဲ့သည်..

အရင်လိုဘဲကျောင်းသားတွေဟာငြိမ်သက်သွားကြပြီးတဖန်ပြန်လည်ဆူညံ့နေပြန်သည်.. ဘယ်လောက်ဘဲစောစော ဒီလူတွေကတော့ ကျောင်းမှာနေသည့်အလား..

အရင်အပတ်ကသွားခဲ့တဲ့ ခေါင်မိုးထပ်စီသွားရန် ကျောင်းလုံခြုံရေးစီမှ သော့သွားတောင်းလိုက်သည်.. လက်ထဲမှာတော့ ပုံဆွဲဖို့အတွက် နွေဦးငယ် ဝယ်ပေးထားတဲ့အရာလေးတွေကို ကိုင်ရင်းပေါ့..

ခေါင်းမိုးထပ်စီရောက်သွားချိန် တံခါးသော့ဟာ ပွင့်နေတာကြောင့် သူ(မ)လို လာတဲ့လူရှိတယ်ဆိုတာရိပ်မိသွားသည်.. ဒါပေမဲ့ တံခါးသော့ကတစ်ချောင်းဘဲရှိတာဆိုတော့ အခုရောက်နေတဲ့လူက ဘယ်လိုဝင်လာတာလဲ..