သဘောကျတယ်ဆိုတဲ့စကားကို ဘယ်လိုနားလည်ကျလဲ။ ကျွန်မကတော့ ပျော်ရွှင်ခြင်းလို့နားလည်ထားတယ်။ ထပ်ပြီးတော့ သဘောကျပါတယ်လို့ဖွင့်ဟလာသူဟာ ကျွန်မသဘောကျရသူဖြစ်နေရင်တော့ ပျော်ရွှင်မှုကနှစ်ဆပေါ့။
ပုခုံးထပ်ကလေးလံနေတဲ့အရာကြောင့် ငယ်ဟာအခုထိ ကျွန်မပုခုံးကိုခေါင်းမှီထားတုန်းဆိုတာသိလိုက်တယ်။ သည်းထန်စွာရွာလာတဲ့မိုးကြောင့် ဘေးထိုင်ခုံတွေကလူအချို့ဟာ ထိုင်နေရာကနေထသွားကြပေမဲ့ သူ(မ)တို့ကတော့ ဒီတိုင်းလေးရှိနေဆဲပင်။
ရှေ့ဘက်ကိုဆက်လက်ကာမျက်နှာမူထားတဲ့လေပြည်ကြောင့် နွေဦးတစ်ယောက် ပုခုံးထပ်ကသူ(မ)ခေါင်းကိုဖယ်လိုက်သည်။
"စိတ်အနှောက်အယှက်ဖြစ်နေချင်လို့ပြောလိုက်တာမဟုတ်တဲ့အတွက် အဲ့လောက်မစဥ်းစားလည်းရပါတယ် ဆောင်း"
ဘေးဘက်ကစကားသံကြောင့် သူ(မ) ငယ့်စီကို ငေးကြည့်လိုက်သည်။ နေ့ရက်တိုင်းကို ပြုံးပြုံးရွှင်ရွှင်နဲ့ဖြတ်သန်းနေတတ်တဲ့ငယ်က အခုတော့ ပြိုတော့မလိုမျက်နှာနဲ့ပါလား။
"စိတ်အနှောက်အယှက်မဖြစ်ပေမဲ့ ဒို့ စဥ်းစားချင်တယ် ငယ်။ ငယ့်ကို ဘယ်အလိုအဖြေပြန်ပေးရမလဲဆိုတာကိုပေါ့။"
အဝေးအရပ်မှဥဩဆွဲသံကြောင့် ရထားလာနေပြီဆိုတာ သူ(မ)တို့နှစ်ယောက်လုံးသိလိုက်သည်။ ပေါင်ပေါ်ကဦးထုပ်ကိုယူပြီး မတ်တပ်ထရပ်လိုက်သည်။ သည်းထန်စွာရွာနေဆဲဖြစ်တဲ့မိုးစက်လေးတွေကို လေပြည် ညာဘက်လက်လေးနဲ့ခံယူလိုက်သည်။
"ငယ့်ကို လက်မခံချင်ပေမဲ့ ငြင်းလည်းမငြင်းချင်ဘူး။ ဘယ်လိုလုပ်ရမလဲ။"
မိန်းကလေးနှစ်ယောက်ဆိုတဲ့အသိက လေပြည့်ကိုလက်မခံချင်အောင်လုပ်နေပေမဲ့ နွေဦးငယ်ဆိုတဲ့အသိက သူ(မ)ကို မငြင်းနိုင်အောင်လုပ်နေတယ်။
"ဆောင်း ကျေနပ်သလိုလုပ်ပါ။ ဆောင်းကျေနပ်ရင် နွေဦးလည်းကျေနပ်တယ်။"
နဂိုပြုံးနေတဲ့နှုတ်ခမ်းပါးလေးဟာ ငယ့်ရဲ့စကားအဆုံးမှာ ကွေးညွှတ်သွားအောင်အထိပြုံးလိုက်သည်။ စဥ်းစားဟန်မျက်နှာအနေအထားကို သူ(မ)ပြင်လိုက်သည်။
YOU ARE READING
Liberté
Teen Fictionလွတ်လပ်ချင်တဲ့ ငှက်ကလေးတစ်ကောင်ကို ဆွဲထားလို့ရမယ်ထင်လား ငယ်.........။ (ပြင်သစ်လို Liberté က အင်္ဂလိပ်လိုဆို Freedom ပါ) Photo from pinterest
