: عطرررري ليكون انكسر
رأيتها تاخذه من الارض وتنظر الى اطرافه
: الحمدلله مانكسر خوفتنيييي
خالد: تدرين لو انه انكسر بتاخذين لي واحد ثاني
هند: عادي
خالد: حبيتي ريحته؟
هند: يجنن توقعت ماعندك ذوق
خالد: اقول انتي اصلا منو سمحلج تفتشين باغراضي
هند: كيييييفي بعدين مب انت قلت اطلع لك ملابس؟
خالد: قلتيها بنفسج اطلعين لي ملابس مب تفتشين
هند: اقول جب بس شدني العطر وقلت اشوفه
خالد: وين الملابس لي طلعتيها؟
رفعت رأسها هند ونظرت لي و استوعبت قليلا الوضع وصرخت
: خالد بذبحك بذبحك
خالد: متاكده انج انتي طبيعيه؟
هند: لااااااا اطلع برا
و اتيت من خلفها ووضعت يدي على رقبتها بمزاح
: انا لي بذبحج صدقيني
هند: اذبحني
خالد: لو مب عمي بياكل فؤادي انتي من زمان ميته
هند: قوووووم عني نزين
خالد: واذا ماقمت؟
مسكت هند يدي و أخذت تعضها بقوه
:هندددد ياحييييوانه إيديييي
كنت احاول ان اسحب يدي من فمها كانت كأنها تريد ان تنتقم مني تريد ان تخرج كل ضيقتها بيدي حاولت ان اتجاهل الالم
: خلاص طلعي كل حرتج فيني يوم تخلصين خبريني
هند: ماحبكككككك
خالد: اوك
نظرت لـ يدي كانت اسنانها واضحه
: شسويتي بايدي انتي
هند: احسن
خالد: الايام بينا
اخذت ملابسي ودخلت الحمام و ارتديت وخرجت لكن لم أجدها بالغرفه فتحت الباب كانت واقفه تتامل منظر البحر و أمامها المسبح أتت فبالي فكرة وكنت اريد ان افعلها بشدة مشيت لها بخطوات هادئه و أمسكت بكتفها اريد ان ارميها بالمسبح لكنها كانت اسرع و تمسكت بي بقوه
: خالد تكفى لا لا
خالد: مافيييي لا
هند: خااااالد انا اسفه خلاص اسفه بس لاترميني
خالد: والله اني للحين زعلان منج لو تاسفين من اليوم لباجر
هند: انت الشخص الصح مافي غيرك
خالد: بعد تكذبين و عينج بعيني؟
هند: خاااالد
خالد: انتي من وصلنا ولا دخلتي هالمسبح
هند: ماااابا اخاف اخاف ترا بموت عليك
خالد: تخافين؟
هند: واييييد
خالد: واذا انا دخلت معاج؟
هند: لاتحاول خالد والله فيني ڤوبيا اخاف ماحب تكفى يا خالد
شعرت بـ إنها صادقة كان واضح الخوف بعينها مشكلتي الوحيدة بهذه الدنيا انه لي قلب طيب أسامح بسرعه انسى بسرعه او بالاصح اتناسى... و أبعدت يدي عنها
: يلا جهزي نفسج بنطلع
هند: وين بنروح؟
خالد: بعد وين بنرجع البلاد
لمحت نظرة الضيقه بعينها لكن تجاهلت ذالك و ذهبت لتجهز الاغراض وعيني تتبعها اخذت كوباً من القهوة لا يكتمل يومي إلا بالقهوة بينما كنت احتسي القهوة أتت هند
: اذا تبينا نمشي يلا جهزت انا
خالد: قاعد اشم ريحة عطري فيج رجعتي ترشينه صح؟
هند: ليش لازم استاذن؟
خالد: طبعا ناويه تخلصينه
هند: باخذلك غيره
خالد: بس هذا غير
هند: شكله من الشخص الصح
خالد: هند انتي طبيعي تدورين مشاكل؟
هند: مادور مشاكل
خالد: ترا العطر من امي وشوق
هند: خلاص اسفه
خالد: وين تبين نروح قبل نرجع
هند: ابي اسوق سيكل شفت سيكل برا عند الشاليه
خالد: يلا زين رحنا
خرجنا و اخذنا الدراجه الهوائيه وبدأنا نتمشى ونتامل الاجواء كان الهواء يضرب بوجهي شعرت بالراحه إنه شعور رائع جدا احب ان يضرب الهواء ويتطاير شعري نظرت لها كانت مبسوطة جداً وكانت تحاول ان تقود ويديها مفتوحه الطفله التي بداخلها خرجت ملامح الفرحه تملىء وجهها..
: اذا طحتي لاتقعدين تصيحين وتصدعين راسي سوقي عدل
هند: عادي المهم اني مبسوطة
خالد: نتسابق؟
هند: جوي
خالد: يلا اوقفي
وقفت بجانبي استعدادا للسباق
: عادي انا لي اعد
خالد: يلا عبالج بتسبقيني يعني؟
هند: واااااحدد اثنييييييييييين ثلاثه
وبدأ السباق كانت تتقدمني بخطوتين جعلتها تفرح قليلاً لكن لن تذوق طعم الفوز سأفوز عليها كانت ضحكتها ضحكه فرح ضحكه طفله صغيرة كانت ضحكتها تتعالى وبانت الفرحه على وجهها
: مبسوطه عبالج بتفوزين علي؟
هند: بفوززز شوفني متقدمه عليك
خالد: ماراح تفوزين
وتقدمتهااا
هند: عفكره غشاش قاعد تسولف معاي عشان تلهيني وتفوز علي
خالد: لا بس لانج ماراح تفوزين علي
مر اليوم سريعاً و عدنا للديار اخذت استنشق الهواء كأنني غبت أعوامًا طويلة لكن الشوق الذي بقلبي لرؤيتهم ورؤية جدتي إمتلى بصدري اريد إحتضانها بشده و أود النوم على رجلها وتلعب بشعري...
إلتفت لها كان تفكر وتتأمل من حولها
: شاركيني شو تفكرين فيه؟
