دانه: خالي حبيييبي اشتقتلك
وبدأت تقبل وجهي
خالد: ياروح خالج انتي وين ماما؟
دانه: قاعده عندهم ابي اشوف زوجتك
مسكتها بيدها ووقفنا مقابل هند
: هذي زوجتي
نظرت لي دانه بفرح وسرور وابتسمت لي وببراءه قالت
: زوجتك واييييد حلوة عادي ابوسها؟
هند: ياعمري طبعا عادي تعالي
دانه قبلتها بوجهها ومسكتها هند واخذتها بحضنها وقبلتها هي أيضا
: لواحد يتمنى يكون دانه...
هند بخجل: جب خالد
لاحظت حنيتها لاول مره كانت حنونه جدا مع دانة كانت تقول لي" لاتتصنع القسوه و انت حنون يا خالد" لاتعلم انه العكس صحيح فـ حنيتها واضحه بوجهها وطيبتها أيضا لكن مامرت به جعلها قاسية أعلم ذلك...
أبتعدت عنهم وذهبت لأجلس مع الرجال وكان حديثهم عن الابل والسباقات وكنت مستمع فقط أبي رغم شركاته و شغله الذي لا ينتهي الا انه يخصص وقت لهوايته المفضلة لديه ميول كبير للابل وسباق الابل لكن انا عكسه تمامًا ليس لدي ميول للابل أحب الفروسية منذ الصغر ولدي اصطبل بنفس المزرعة.. قطع تفكيري ابي و هو يناديني..
ابو محمد : خالد
خالد: لبيه يا ابوي
ابو محمد: الا انتو شو يابكم الحين؟ ولا بعد ماخبرتوا حد خليتونا ننصدم فيكم
خالد: ماشي سبب بس قررنا نرجع
عيسى: ابوي شكله خالد رجع عشان يدوه ذاك اليوم سمعتها تسولف معاه وتعاتبه
خالد: و انت صادق ماصبر ابعد عنها
سلطان بهمس: خلوووود قوم بنروح الاسطبل نشوف مهرتك و نفلها شوي بدل سوالفهم لي تنعاد كل شوي
ضربته على كتفه: ريال طول وعرض وتقولي خلود كف على عينك
سلطان: الله يرحم بس
خالد: سليطيييين كف ترا
وسحبني معه و ذهبنا للاسطبل.. فتحنا الباب وصاحت مهرتي عندما رأتني تقربت منها وبدأت امسح عليها
: عرفتك
خالد: اكيد بتعرفني الورد هذي
وضعت خدي على رقبتها وحاوطتني برأسها
سلطان: تصدق ياخي تولهت عليك يوم رحت صار محد عندي اغامر معاه لا راشد ولا عيسى وراهم فايده
" أخي سلطان المشارك دائم بـ اي مغامرة تحدث لي فرحتنا واحده مشكلتنا واحده.. للامانه كنت انسان مجنون بعض الاحيانا ومتهور أيضا و أحب المغامرات دائم ، هذا الجانب مني لايراه الا سلطان، دائما " الاخ كالجبل عندما تميل بي الدنيا أسند نفسي عليه دون أي تردد او خوف "
: يلا مشينا طلع الورد وبطلع الخيل الثاني
خالد: ياخي تصدق حتى انا احس اني رجعت لحياتي العادية لي كانت كلها مغامرات
سلطان: يلا وقته اطلع طاقتك
تحركنا انا و سلطان وبدأنا نتمشى بين أرجاء المزرعه بالخيول كان الجو بارد وجميل رأيت هند و البنات جالسات على الرمل لاحظتها تنظر الي.. تقربت منهم و سمعت إبنة عمي..
" عند البنات "
: اهخ ياشوق و الله اخوج خالد يجنن شوفي طول وهيبه وعرض بعد سلطان جميل بس ياخي خالد غير تحسين له هيبه وسماره يذبح
شوق: طالع علي اسم الله عليه.. بعدين اص تبين تذبحج
هند
لاحظت الضيقه على وجهها
خالد : هندد تعالي معاي وبالمره تتعرفين ع الورد شرايج؟
مريم: قومي هند تمشي شوي
كأني انقذتها من الموقف التي كانت به توجهت إلي ونزلت لها وضعت يدي على خصرها شعرت برجفتها رفعت رأسها تنظر الي وكانت عيني بعينها
همست لها: غرتي علي؟ اعترفي
و أبتسمت لها ورفعتها ووضعتها على الخيل وركبت معها كانت خلفي
: تمسكي فيني عدل لا اطيحين
هند : مابطيح
خالد: بلا عناد وتمسكي
هند: مابي امش
التفت لها وضربتها على جبهتها باصبعي
هند: خااااالد
بهمس: يارروح خالد
لفت وجهها اعلم بأنها لم تتوقع ذلك الرد مني لكن ياهند سوف تقعين بحبي وسوف ترين...
و أبتعدنا قليلا وخرجنا من المزرعه
: وين بتروح ارجع العزبه الحين
تجاهلتها : تمسكي عدل بس
وبدأت اسرع تمسكت بي بقوه كانت تحاوطني بيديها الصغيرة ودفنت رأسها بظهري وشعرت بأنفاسها
: خالد اخاف يصير شي خالد يمكن نطيح لاتسرع
خالد: لاتخافين و أنتي معاي وبعدين هذي الورد مابيصير شي
هند: امانه خف السرعه
خففت السرعه ولكن هند مازالت متمسكه بي بقوة ووجها بظهري...
خالد: لاتتحركين احس قربج راحتي..
ابتعدت عني: وع
نزلت وهي مازالت ممتطيه الحصان ومسكت الحبل وبدأت امشي بها
: ابيي انزل
خالد: يلا انزلي
هند: خاااالد لاتستهبل
خالد: يلا وقفت انزلي
هند: واذا طحت
خالد: طيحي مب انا وع؟
هند: لااااا انا
خالد: غصب
رفعت يدي لها وتمسكت بي وحملتها ولكن صار ما بالحسبان تعرقلت رجلي ووقعنا على الرمل التصق جسمها الصغير بي مقارنة بجسمي العريض.. وبدأت اضحك وهمست لها
: عمري ليييي بحضني ياناس...
دفنت رأسها بحضني ووجها تحول للون الاحمر من الخجل..
: تعرفين تستحين؟
وضربتني على صدري
: وخررر عني لا حد يشوفنا
ونهضت عني
: ولا كأنها هي لي طايحه فوقي وماقامت من حضني عادي قولي انه عجبج
هند: وع وع وع
خالد: ماغيرج الوع بس طلعتي دبه كسرتي ظهري
هند بنرفزه: احسن
نظرت لنفسي وكان الغبار والتراب بكل ظهري وشعري كأني استحممت بتراب وبدأت اكح شعرت انه الغبار دخل بحلقي وبدأت اكح بشكل متكرر شعرت انه صدري إمتلى غبار عيناي أصبحت حمراء من شدة الكحه نعم إنه الربو لا اتحمل الغبار فلقد كان يسبب لي ضيق تنفس و أحيانا لا استطيع ان اتنفس أبداً إلا بـالفينتولين الذي يريح صدري ويريحني من ضيق التنفس
: اهخ ياصدري بموت كححكحكحكح الحقييييني يا هند شوفي بجيبي يمكن تحصلين البخاخ
كنت أحاول ان القط أنفاسي بقوه وبدأ صدري يصعد وينزل
هند بخوف واضح: خااااالد شوفيك شو صارلك اي بخاخ وييينه
وكانت تبحث بجيبي بكل خوف ويدها تنتفض خوفًا شعرت بخوفها ورغم تعبي ورغم اني لا استطيع التنفس مسكت بيديها بشده
وهمست لها : لاتخافين مابروح وبخليج
و أغمضت عيني بكل تعب..
كنت أسمع صراخها وخوفهااا حولي
: الحقووووونييييي سلططططااااااان سلططططاااااان وينك
..
عند هند
بدأت اركض بكل خوف أبحث عن سلطان او ابي او اي احد ليأتي لينقذ خالد لاول مره أراه بهذا الحال لاول مره أراه ووجه ممتلى بالتعب... وعيناه متعبة
ركضت بكل قوتي ابحث عن المساعدة و أحاول انا أجد الفينتولين
: هند شفيج شصاييير
هند: سلطااان تكفى الحقنييييي خالد تعب علي مدري شفيه
سلطان بخوف: هووووو ويييييينه
و أشرت له
: هناك طايح بس قلييييي وين الفينتولين وين احصل البخاخ لي يبيه انا مادري عن شي ولا شفت شي
سلطان : شوفي بالسياره اكيد بسيارته انا بروح اشوفه
وركض سلطان بكل خوفه نحوه
وانا ذهبت لابحث بسيارته بحثت بكل مكان بعد عناء وجدته وركضت نحوهم و انا اركض صدمت با أبي
: هااا بابا هند شفيج تركضين
هند: خالد تعبان اغمى عليه ابي الحق اعطيه البخاخ
وذهبنا انا و ابي متجهين إليه رأيت الجميع كان متواجد وكان خالد مستلقي بينهم ومغمض عيناه بقوه وهو لا يستطيع التنفس وبدأت الكحه تزيد عندما رأني سلطان صرخ قائلًا:
هننند حصلتييييه؟ بسرعه عطيني
اعطيته إياه وبدأ يبخ له الفينتولين بحلقه همست لابي:
ابوي كم بخه لازم ياخذ عشان يروح ضيق التنفس؟
ناصر: بختين تكفيه وبيقوم مافيه شي لاتخافين
