أخذت هاتفي و أتصلت لشوق
: شوووق
شوق: لبييه
خالد: شو هالترتيب الفنان
شوق: فكرة أمي ترا انا مايخصني
خالد: فديت روحها والله سلمي عليها
شوق: ترانا رجعنا
خالد بمزح: حلفي لو ادري مابخسر رصيدي و ادق لج انتي وويهج
شوق: وع سكر سكر
خالد: الحيييييين عرفت منو معلم هند على وع كل دقيقه تقولي وع
شوق: اقوووول لاتتبلى علي ماعلمت حد اصلا هي علمتني
أتت هند
خالد: هذي هند الحين بنعرف منو علم الثاني
هند: شووو منو تكلم؟
خالد: شوق علمتج على كلمه وع صح؟
هند: ايوه ماغييييرها
شوق: هندوه يالنصااااابه انا؟ اصبري اصبري ان مايت وضربتج الحين
خالد: لو قربتي منها انا لي بضربج كل ولا هنودتي
و أنا اتحدث مع شوق رن هاتفي و أتتني رساله بالواتساب
" ويننننك رد ضروري "
حاولت إبعاد الرسالة لكي لا تراها هند و تشك فيني
: يلا شوقوه تعالي فوق افطري معانا
شوق: زين يلا بنشب لكم شوي و بكفخ هند
هند إبتعدت وذهبت لتجلس على الكرسي الاخر
أغلقت الهاتف
: هند كيف الترتيب حلو صح؟
هند بهدوء: يب حلو
خالد: اخاف تاكلين الحين من طبخ امي وتصيرين إدمان اباج اطبخين لي نفسه
هند: حتى لو طبخت ماوصل لطبخ عموه
خالد: عادي حاولي لو توصلين قربه راضي بس اطبخي لي ابا اذوق الاكل من إيدج
هند بتجاهل: ماودك ترد على لي دق؟ من اليوم يدقون
خالد: بفطر و عاد بفضى وبرجع ادق
فتحت الباب شوق وبكل حماس
: صبح صبح على الناس الرايقة
خالد: ارحبي فدل فدل بيت بيتكم
هند: رياكشنات تيك توك بعد!
خالد: ايوه شعبالج يسموني خالد رياكشنات
شوق: حيه اخوي رياكشنات
خالد: يلا يلا اقول تراني ميت ابا اكل اقربوا
و بدأنا نأكل و كنت كل ما أكل شي اضع لهند بصحنها
وبدأت تتضايق مني
: خالد ترا اعرف اكل خلاص!
شوق: ترا خالد متعود جيه بيني وبينه لازم تتعودين
خالد: خلاص حقج علينا لو ضايقتج..
هند: لا عادي
قمت عن الاكل و أنا اسمع هاتفي يرن بجيبي كان صامت لكن كنت أحس بالاشعارات والاتصالات وبدأت اتضايق
ودخلت الغرفه لكي أرد
: انتتتتتييي شتبين ها شتبين لهدرجه ويهج لوح؟ ماتحسين؟ بلوك وبلكتج وطلعتي مره ثانيه
: شسوي القلب ومايهوى بتحمل كل شي
خالد: فكينا ياخي لاتسويلي مشاكل و لا عاد ادقين مابا اشوف رقمج مابا اشوف رسايلج حتى و انا نايم ادقين شتحسين؟؟
: عادي حتى هواشك عسل على قلبي
خالد: لا عاد تشوفج العين التعني
أغلقت الهاتف و أنا أشعر بالعصبية رصصت يدي بقوة من شدة الغضب
" بطلعج من تحت الارض وبعرف انتي شو وراج"
وتذكرت صاحبي الذي يشتغل بـالجهات المختصه للاتصالات و أتصلت له و أعطيته الرقمين و أخبرته بأني أريد معرفه كل المعلومات المهمه بأقرب وقت ولم يردني و قال خلال يوم ولا يومين سوف يخبرني بكل التفاصيل..
عدت للصاله نظرت لهم من بعيد و أتكيت على الجدار بدأت أتأملهم و الابتسامة انرسمت على وجهي هند نائمه على رجل شوق و الهاتف بيد هند يشاهدون فيديو أضحكهم لأول مره أرى هند تضحك بهذا الشكل لاول مره أشاهدها من شدة الضحك تضحك والدموع بعينها شعرت بفراشات تدور حول قلبي إنجذبت لضحكتها لابتسامتها لغمازاتها شدني جمالها تزداد جمال عندما تضحك شوق أنتبهت لي و نادتني
: خلووود امانه تعال شوف
كنت أشعر بأني بعالم أخر هند أخذت قلبي بضحكتها
شوق : خالد شفيك؟
خالد: لا بس كنت اشوفكم
هند: شوق تقولك تعال شوف الفيديو و انت ماتدري وين الله حاطك
خالد: شسوي انتي أخذتي عقلي
شوق: هندوه ردي عقل أخوي
هند: لي شاغل عقل اخوج مب انا هو ادرى منو شاغل باله
خالد: شو هالنغزات؟ منو بيشغل بالي يعني
هند: أنت أدرى.. شوق تعالي مريوم مب هنيه؟ خلينا نروحلها
شوق: موجودة احس يبالنا طلعه انا و انتي ومريوم
وبنذاله وهي تنظر إلي:
وبنخلي دانه عند خالد
هند: هييييه هيه تكفين احس ودي اغير جو
خالد: ايوه ماشاءالله كملوا تخطيط و انتي بعد تبين اطلعين بدون ماتشاوريني؟
هند: شدعوه تراك تسمع وبعدين بطلع مع خواتك
خالد: نزين وخواتي خير؟ يعني ماتخبريني ماتشاورين ماتقولين خالد تسمح لي اطلع معاهم؟
هند: اوك خالد تسمح لي اطلع معاهم؟
خالد: لاااااااا
هند: بطلع
خالد: جربي طلعي قسم بالله يا هند ياتشوفين ويهي الثاني
شوق: خالد شفيك معصب طبعا ماباخذها معاي بدون شورك أهدا
خالد: مب معصب بس عنادها مابيمشي علي تبون انا اطلع معاكم بنطلع غيره مافي..
هند: انا وحدة أنسدت نفسي من الطلعه ماعاد ابي اطلع ولاشي
خالد: لاني بطلع معاكم؟ لهدرجه ماتتحملين وجودي لهدرجه تكرهيييين قربي؟ لهدرجه مضايقج يا هند؟
