تقربت بهدوء وقبلته على جبهته
: خالد انا متاكده انك تحس بوجودي وتسمعني الحين وودك انك ترد علي ودك انك تبشرني انك اخذت حقي منهم! خالد تدري مايهم هذا كله مايهمني لي يهمني انت وبس تكفى طلبتك ياخالد لاتخليني والله انا بعدك أضيع ايوه اضيع بس مادري ليش كنت ماعترف لنفسي فعلا هذاك الاسبوع كان من اسوء الاسابيع لي مرت علي! تدري ليش؟ لانك انت مو بيومي انت مو بحياتي ماكنت اشوفك ماكنت اسمع صوتك ياخالد احس الدنيا بعدك ماتسوى و انا متاكده انت ماراح تخليني وبترجع لي اقوى ووقتها بقولك كلمه يمكن ماتتوقعها مني لكن فعلا انت غيرت فيني اشياء وايد رديت لي الحياة احس وجودك بيخليني اقوى وجودك بحياتي كان شي حلو لو اني مسودة عيشتك بصياحي لكن لما اكون معاك احس اني اصير انسانه ثانيه! لما ابتعدت عنك صرت احس بالشي هذا
مسكت يده بقوه
: لاتخليني تكفى ياخالد لاتتركني انت لحياتي حياة!
وقبلت يده بكل هدوء وحضنت يده ووضعت رأسي بجانب يده بدأت تتجمع الدموع بعيني و أنا اردد و أدعي بأن يعود لي سالمًا معافاً لا أود البكاء بجانبه كنت أحاول كتم شهقتي بأن لا تخرج كنت فقط أتمنى ان يستيقظ و يعود لي... تعود ضحكته تعود الحياة لي! أعلم جيدًا أنه يشعر بي يشعر بوجودي بجانبه كنت لا أود ان أخرج عنه كنت أريد ان ابقى معه حتى يستيقظ ويراني بجانبه...
: لو سمحتي اختي لازم تطلعين كملتي عشر دقايق مايصير تطولين اكثر
هند: بس شووووي
و أنا احضن يده و أمسك بها بقوة
النيرس: لو بأيدي خليتج اكثر بس مايصير
هند: بس دقيقه عطيني و أطلع ابيه يحس بوجودي ابيه يعرف اني ماتركته واني مو زعلانه و أني احبه والله احبه
وضعت رأسي على يده بأنكسار و نزلت دمعه شعرت بحرارتها على خدي ووقعت على يده لم أستطيع كتمان شهقتي فجاه شعرت بقبضته خالد ضغط على يدي خالد يشعو بوجودي و من قبضته شعرت انه يريد ان يصل لي رساله يريد إخباري انه يشعر بي يشعو بوجودي حوله
التفت لها
: والله ضغط على ايدي حسيت بقبضته تكفينننن نادي الدكتور خالد قام تكفين سوي شي
أتى من خلفي صوته وهو يناديني شعرت بصوته المتعب التفت له بكل لهفه
: خالدد
خالد بتعب: لاتخافين علي انا بخير ياروحي
من شدة خوفي عليه لم أشعر بنفسي وحضنته بقوه
خالد: اهخ هند لاتضغطين بقوه
وانا أبتعد و انظر له بلوم
هند: بسم الله عليك اسففففه ماحسيت بنفسي والله
لكنه مسكني بيدي و سحبني لحضنه مجددًا
: امزح ياروح خالد انتي بس بخوفج شوي
هند: فوق ذا كله تبي تخوفني تبيني اموت؟
خالد وهو يضحك لكن التعب واضح بوجه لكنه يتجاهل ألمه ويحاول ان لايشعرني بذلك التفتت للباب لكن الممرضه لم تكن موجوده متى ذهبت لا اعلم لكن أشعر بأني فالسماء أحلق من شدة فرحتي...
لكن ثواني و دخل الطبيب ولممرضه معه وسحبت نفسي قبل أن لا انطرد خرجت وركضت لحضن أبي
: باااابا خالد بخير كلمني خالد سولف معاي ضحكككك معاي احس الدنيا رجعت تضحك لي انا مستانسه الحين احس ارتحت
ابو هند: الحمدلله يابنتي الحمدلله
ام محمد: هند طمنييييني عن خالد ابي ادخل عنده بشوف ولدي
ذهبت لها وطمنتها عن خالد وجلست بجانبها و أنا أشعر براحة كبيره
