فتح لي حضنه و قال
: تعالي هنيه نامي على السرير و أوعدج اني اقولج كل شي تدورين له اجابه
ارتبكت وبانت الربكه بوجهي
: لاعادي بقعد هنيه و أشرب قهوة
خالد: تكفين ياهند لاترديني بس من هالبعد ابي احس اني صدق متزوج و أنه عندي زوجه تهتم فيني و اداريني..
هند: أخاف أضايقك و انت تعبان بروحك
خالد: بلا عياره وتعالي أشوف
قمت و أنا اتمنى بهذا اللحظه ان تنشق الارض وتبلعني من شدة الاحراج لكن فعلا كنت اتمنى أن احضنه بكل قوتي! أحضنه و احمد الله و اشكره انه ابقاه لي ولم ياخذه مني خالد اكثر شخص تحمل كل شي مني مشاكلي بكائي حزني ضيقتي ونفسيتي كان يحاول بكل الطرق ان يرضيني تقدمت للسرير و أنا أشعر بثقل لا أريد انا انام بجانبه لكن أشعر خوفي قد زال خوفي الذي كان لايفارقني مجرد مايتقرب مني احد غير أبي يرتجف جسمي لا إرادي و أخاف جداً لكن لم أعد اشعر به بالقرب من خالد شعرت بالسعادة و الراحه فعلا لكن أشعر بالاحراج
: ماعرفتج و انتي تستحين لسانج كان اطول منج والحين بلعتيه
وسحبني بأيدي و نمت و أنا بجانبه ضمني بقوة ضمني ضمة من قوتها أشعر بأني أختنق لكنها الخنقه الحلوة فعلا كنت أشعر براحة كبيرة وبادلته الحضن
: خالد والله خفتتت افقدك خفت تروح عني خفت ماشوفك مره ثانيه
خالد: ماقدر أخليج و أتركج ماقدر ياهند
أبتعد عني و قبل رأسي وجبهتي بحنان ومسك بيدي وقال
: و أنا بعد احبج ياروح خالد ا ح ب ج اقولها من كل قلبي..
أرتجف قلبي زادت دقات قلبي شعرت بحراره بوجهي وبدات أفكر " معقولة سمعني سمع كل كلامي لي قلته معقوله سمعني اهخ ياربي ساعدني احس بموت بموت شو هالاحراج"
خالد: واي يالخدود الحمرا
مسك وجهي وقبلني على خدي
هند: خالد امانه ناوي تذبحني اليوم شو هالحب؟ انا لو أختفيت اكثر شو بيصير
خالد: بموت
ضربته على كتفه: بسسس من هالطاري لي ماحبه
خالد: اهخ هندد كتفي اهخ بموت
هند: خاااالد اسفه والله خالد ها ببوسه بس تكفى مابي اشوفك تتالم من شي
خالد: اهخ تكفين يلا بوسيه يمكن يطيب
قبلته على كتفه لكن بدأ يتلوى من الالم خفت كثييييرا
هند ببكاء : ياربي خاااالد تكفى شو يعورك اف مني
وضع وجه على رجله بألم و رأسه ملفوف بالشاش بدأت أشعر بالخوف تحركت اريد أن اذهب لانادي الممرضة لكن مسكني بيدي وهو يضحك
: احب خوفج علي والله احبه و أحب ويهج هذا جعلني فداج
هند: والله انك حيوان حيوووووان وبتم حيوان طول حياتك يالحيوان
خالد: بس بابا عيب
هند: والله وخر ولا بنام عندك ولاشي
خالد: شوفي شوفي ويهي تقدرين تروحين وتتركيني تخيلي يصير لي شي و انا بروحي ماعندي حد؟
هند: خالد والله ترفع الضغط
خالد: خلاص والله مابقول شي اسأليني لي تبينه
هند: زين وخر عني فكني
خالد: مابا انا مرتاح
كان خالد محاوط كتفي بيده العريضه و أنا بحضنه
هند: خالد تخيل أحد يدخل والله ياويلك مني
خالد: خليهم يدخلون؟ انتي زوجتي يعني شو؟ محد له دخل
هند: خالد بديت صدق أشك أن الجرح لي براسك أثر عليك ولا انت من متى فيك حنيه
خالد: والله اذا صدق أثر صدقيني اني وايد مبسوط ومستانس من الشي هذا ومرتاح بقربج
وضعت يدي على قلبي خوفا من أن يشعر بدقات قلبي يشعر بي يشعر بخجلي من كلامه كأنه أصبح شخص آخر أصبح يعاملني بكل حب وحنية ولطف! كنت أريد تجاهل كلامه من شدة خجلي لم أستطيع الرد فعلا
: خاااالد لاتغير الموضوع وعلمني منو لي كانت معاك ذاك اليوم؟
خالد: والله يا هند أنه البنت مابيني وبينها شي ولا أعرفها ولاشي بس كانت ضحيه بعد كانت ضحيه منيره وبدر وكانوا يهددونها
هند: حسبي الله عليييييهم ماتوقعت في ناس لهدرجه وسخه ومايهمهم غير نفسهم!!!
خالد: هند ناظري بعيوني شوفي عيوني
رفعت رأسي وضعت عيني بعينه..
: يشهد الله علي أني مالتفت لبنت غيرج ولا أسمح لاي احد ياخذني منج ولاتتوقعين بيوم إني بخونج وبخليج تعيشين ضيقه من وراي...
وقتها فتحت الباب الممرضه و أنا بجانبه عند السرير خجلت كثيرًا وقمت سريعاً ووقفت بجانب الكنبه
: معلش كان لازم ادق الباب شكلي
خالد بمزح: الله يخليج هيه مره ثانيه دقي الباب
وضحك ونظر لي
: صح هند؟
هند: جب مايضحك
الممرضة: خالد شو صحتك الحين جايه أشيك عليك وبشوف الضغط
تقربت منه ووضعت على يده جهاز الضغط
خالد : الحمدلله زين
الممرضه: اذا شي يعورك علمني دق الجرس تمام؟
خالد: تم بس الحمدلله مافي الم بس شوي احس الجرح يعورني بس ماتوقع احتاج مسكن دام دوائي عندي
ورفع رأسه ينظر لي
الممرضة: يخليكم لبعض يارب
أبتسمت لها و أنا بداخلي اريد أن اضرب خالد يحب ان يحرجني كثيرًا...
خرجت الممرضه و التفت له
: انتتتتت ليش ليش تحب تحرجني ها ليش صدقت نفسك اني انا احبك؟ ترا ماحبك
نظر لي بتأمل و إبتسامه بطرف شفته
: تدرين هند عيونج بروحها تسولف وفضحتج لاتحاولين تنكرين لغه العيون لعبتي لاتحاولين تخبين لو كنتي صادقه بعرف ولو كنتي تكذبين بعرف
هند: مسوي فيها اقول جب ماحبك
خالد: تدرين اني اموت فيج؟ لمهم والله ميت تعب صدق جسمي احسه ثقيل شكلي بنام
هند: ارتاح ونام الله يجعله عافيه
خالد: و انتي؟
هند: انا شو
خالد: مابتنامين معاي تعالي يلا انا حالف اليوم مانام الا وانتي عدالي خلاص أبي ابدا معاج بدايه يديده بدايه مافيها اي حزن بدايه حلوه أتفقنا؟
لم أستطع ان أمنع ذلك ونمت بجانبه و أنا أحاول تجاهل كل شي لم أعد اشعر بالخوف لكن يوجد بي شعور غريب ليس سهل أن انسى ماحصل لي بهذا السرعه! لا أحد سيشعر بي الا من مر بنفس موقفي..
