فعلا شعرت بأحساس أخر وقتها صحيح أنه الكلمة جداً عادية ولكن من قبل لم أشعر بها لم أحس بمعنى الكلمة كانت بيننا حواجز كثيرة و الان و عندما نطقت بها احسست أنها فعلا ملك لي ملك لـ خالد و زوجتي و شريكة حياتي...
شوق: خالد ليكون انت شي أثر على مخك؟
خالد: اخلص من هند تجيني انتي بعد شو فيه مخييي شو فيه
هند: تصدقين حتى أنا قلتله نفس الشي
خالد: وايد تسولفون انتو وين مريوم عني محد يفهمني غيرها قبل شوق كانت تفهمني لكن الحين ماش خلج مع هند بس
شوق: انت صرت ماتحبني ونسيتني شكلها هند خذت كل الحب لي بقلبك مابقى لي شي
خالد: اهخ فديت هنودتي بس
وسحبتها لي ووضعت يدي على كتفها
: هند صارت الغير عندي
شوق وهي تغمز: ياحظج يافلانه صدقيني خالد اذا حب يعيش الشخص ملك
هند بصوت خفيف لم يسمعه غيري: والله اني محظوظة صدق
شوق: هاا شقلتي عيدي عيدي ماسمعت
خالد: يكفيني اني انا سمعت انتي شتبين
شوق: وع وع شكلي انا بشتكي ليدوه مب انت
خالد: تخيلي هند انه للحين شوق مارضت تعطيني تلفوني؟
شوق: بعطيك اياه بس لو تدري وش بخاطري؟
خالد: شو بخاطرج
شوق: شرايكم نجيب بالونات ونعبيها ماي ونلعب فيها؟
هند: حرام عليييج بعز البرد نلعب بالبالونات
خالد: قدام كل ولا يتم بخاطرج
هند: خالد شووو قدام والله برد ماتحس بالبرد؟
خالد: اذا حسيتي بالبرد حضني مايقول لا بدفيج
شوق: اهخ ياربي انا شو حطني بينكم تجيبون لي الجفاف غصب بروح بتزوج خلاص
ضربتها على رأسها بمزح
: استحي على ويهج اقووول وبعدين اصلا مابخليج تتزوجين
وضعت يدها على خصرها
: نعم نعم خييرر
خالد: هند تشوفين اختي طلعت مشفوحه ع العرس اثقلي اقول
شوق: ياخي انتو تخلون لواحد يبي يتزوج لمهم يلا صدق خلونا نجهز الاشياء قبل العزيمه
طلبت مني شوق ان أذهب للبقالة لأتي بالبالونات و العصائر و ذهبت للكوفي شوب و اخذت صندوق يوجد به انواع من القهوة و أخذت الحلى و عدت للبيت رأيت بنات عمي أحمد اتوقع أن شوق أخبرتهم لكي يأتون ويزيد الحماس اكثر كل مازاد عددنا كل ماصار اللعب احلى بدأو بتجهيز البالونات أعطتني شوق هاتفي و جلست أرى هاتفي و أرى ماحصل بغيابي بدأت اشعارات الرسائل يخرج و رسائل الاتصالات كان يوجد الكثير من الرسائل بعضهم يتحمد لي بالسلامه وبعضهم يتطمن علي تركت كل الرسائل لفتتني رسالة من سارة
"
خالد طمني على صحتك شخبارك الحين وكيف راسك؟ "
لكني تجاهلتها و أغلقت الهاتف رفعت رأسي و كانت هند واقفة فوق رأسي
خالد: شفيه الحلو يطالعني
هند: ف وش مشغول؟
خالد: مب مشغول توها شوق عطتني التلفون وفتحت أشوف منو مرسل ومنو متصل وشو صار وشو ماصار
هند: احس ما صار لي خاطر باللعب عادي نروح؟
نظرت لها بتمعن
: صار شي؟ قبل شوي كنتي متحمسة انتي وشوق وخليتوني اقوم و اروح اجيب البلونات
هند: لا ماصار شي بس مابي ألعب اصلا برد
خالد: زين بنلعب شوي و نروح وين ماتبين بس عشان خاطر شوق؟ تمام .. بس امانه صار شي
مسكتها بيدها و أجلستها بجانبي
هند: بس عواش تقهر!! يعني ولا كأني موجوده والله و تتغزل فيك و ماتشيل عينها عنك طول لوقت تراقبك! وتراقب شتسوي عبالها ماسمعتها بس مسكت نفسي عنها
خالد بابتسامة : يااااا قلبي انا لي يغارون
لفت بوجهها عني
: ماااااغار بس مو حلوة حركتها ابد مو حلوة ماتستحي هذي
خالد: نعم ماتستحي زعلت هنودتي بس هنودتي ماتدري أنها أخذت قلبي! ماتدري إني مالتفت لاحد غيرها؟ بس شوفيني وقولي انج ماتغارين عشان أتأكد
هند: ماغااار
خالد: طيب لفي علي وشوفيني وقولي انا ماغار عليك
هند: مابيي
خالد: طيب شوفيني انا الحين لي بخليهم يغارون منج مب انتي تغارين
لفت بوجهها نحوي
: يعني شبتسوي
مسكت وجهها و قبلتها على خدها
هند: خااااالد
خالد: مب هي اطالعني؟ خليها تشوف الحين عدل..
