وصلنا وكانت الاجواء جميلة وكان وقت غروب لا استطيع ان اوصف جمال الغروب وجمال المكان حرفيا شعرت ان المكان مكان عشاق و ان الجميع ممسك بيد حبيبته الا انا ونظرت لـ هند كانت بيني وبينها مسافه كأنني سوف اكلها
:شفيج بعيده عني ترا ما اعض؟
هند: بس مرتاحه
خالد: وانتي كل ماقلتلج شي قلتي بس مرتاحه ترا مو ميت على قربج
وتقدمت عنها وبدأت استمتع بالاجواء وبالغروب كنت من عشاق الغروب جلست على الشاطئ التفت إليها
كانت جالسه خلفي لكن بمسافه تنهدت بصوت واضح شعرت بالضيق قليلا كنت العب بالرمل وانظر للغروب وافكر بوضعنا شعرت انه علاقتي بها لن تطول هي لاترغب بقربي و انا لا استطيع إجبارها علي...
صوتها ارجعني للواقع وهي تناديني
: خالد
خالد: ها
هند: خاطري اشرب شي بارد
خالد: يلا زين
وذهبنا لناخذ لنا عصير و اخذت ماء بارد وفواكه وهي ذهبت لتجلس على الطاوله تنتظرني فجاه سمعت صوت شجار وبكاء...
التفت ورأيت زوجان يتشاجران بصوت عالي وهو يسحب يد زوجته وهند كانت تبكي ركضت اليها وكانت تتكلم بصوت متقطع
:خ خ خااالد
خالد: شفيج ياروحي ليش تصيحين؟
هند: تكفى تصرف روح شوفهم اخاف يسوي بالبنت شي
خالد: هند شفيج شسوي يعني؟ هو وزوجته يتصرفون ببعض كيف تبيني ادخل
هند وهي منهاره: خالد تكفى مابي يصير لها لي صارلي تكفى خالد لاتردني
لم استطع الرد عليها غير اني حضنتها بقوه واحاول تهدئتها
:هند ياروحي انتي لاتخافين و انا معاج اوعدج اشيل هالخوف من قلبج لاتصيحين بس قطعتي قلبي...
هند: خالد انا خايفه خايفه من كل شي احس صارت فيني عقده قويه ماقدر تعبت
ابعدتها من حضني وامسكتها بكتفها ونظرت لعينيها
: تذكري اني معاج تذكري اني بكون لج الابو والاخو و سندج بالحياه وتذكري...
هند: خلاص اسكت احس ماقدر اثق ب اي احد ماقدر اثق بكلامك ادري بالاخير ماراح تتحملني وبتتركني...
صعقتني بكلامها انا احاول تهدئتها و احاول ان ابعدها عن كل حزن تمر به وهي تصدني هكذا ابعدت يدي عنها بكل هدوء
وذهبت لاحضار العصير لها وضعته على الطاوله ولم اقل اي شي كنت هادئ تمامًا كنت اشعر بالم قوي بقلبي امسكت هاتفي وارسلت رساله لاهلي باني وصلت و اول من رأى رسالتي هي شوق و اتصلت لي
: خلووودي
خالد: عيونييي
شوق: كيف المالديف معاكم
خالد: الاجواء حلوه وبراد تمنيتج معاي
شوق: ياحمار شو معاك و انت رايح شهر عسل
قلت بخاطري( اي شهر عسل اي بطيخ)
قمت عن هند لاتحدث بعيدًا
: ما الحمار غيرج عطيتج ويه
شوق: ايوه الحين انت خالد لي اعرفه
خالد: حلفي بس
شوق: هههههههههه
خالد: عطيني امي بكلمها
شوق: امي طالعه مع خالتي
خالد: زين عيل سلمي
شوق: يوصل..
أغلقت عنها والتفت لـ هند وكانت متجاهله وجودي تماما اخذت العصير وبدأت اشرب انتهيت من العصير والتفت لها
: هند تبين تكلمين اهلج؟
هند بلهفه: طبععاااا
و انا اشر على خدي: هاتي بوسه اول
هند: نعم؟
خالد: هاتي هاتي يلا
هند: بدينا شغل اللعانه؟
خالد: ايوه حد قالج ترفعين ضغطي؟ انا ماراح امشي معاج الا باللعانه وبنشوف انا ولا انتي
هند: انا مابا اكلم حد اصلا
خالد: يكون احسن انسي العالم معاي
هند: معاك؟
خالد: ايوه معاي
هند: خلك مع حبيبتك احسن
خالد: كم مره بقولج انتي حبيبتي خلاص؟
هند: لانقص على بعض انت عارف و انا عارفه انك نصاب
خالد: زين عادي الشرع حلل اربع بحبج وبحبها
لفت بوجهها عني شعرت باني انتصرت عليها فعلا شعرت براحه لم اتعود ان يصدني احد هكذا ضايقتني وقتها بردها كثيرًا اعلم انها مرت بأوقات صعيبة و اعلم بكل شي لكن لماذا لاتعطيني فرصه؟ لماذا لاتجعلني انسيها كل مر؟
: قومي بنروح الشاليه يلا برتاح شوي احس ظهري يعورني
لم تجبني وتقدمنا وبدأنا نمشي نظرت حولي كان المكان أشبه بالخيال المكان هادئ جدا والاضواء وصوت البحر والسحاب كان كل شي يجذبني اكثر للمكان
وصلنا ودخلنا الشاليه وتمددت على السرير
: اهخ هو يوم واحد مانمت ع السرير و احسني اشتقت
هند: خلاص نام طيب انا بنام هنيه
و هي تأشر على الكنب الموجود
خالد: لا انا اصلا بقوم مابنام ع السرير بس كنت بريح ظهري شوي تعالي ريحي
و اشرت لها بالمكان الفاضي على السرير
هند: لا
خالد: يابنتي ولله ماباكلج بقعد شوي وبروح
هند: قلت لاااا
خالد: ارجع و اقولج تراني مب ميت على قربج ممكن تركزين على كلامي شوي؟
وقمت من السرير وخرجت عنها ووقفت امام المسبح الخاص بنا ومسكت شعري ورفعته بغضب وتنهدت وجلست و ادخلت رجلي بالماء و ارجعت جسمي لورا وبدأت انظر للسحب اغمضت عيني لكي ارتاح قليلاً..
سمعت صوت بكاءها ودخلت لاراها كانت في الحمام تبكي بصوت واضح
: هند هند افتحي الباب
هند: خلننننننيييييي بروحيييييي
خالد: هند ليش اتعبين نفسج!!! ليش زين شاركيني شتحسين يمكن اقدر اساعدج
هند: محد يقدر يساعدني
خالد: هند افتحي الباب نزين
هند: قلت مابي ليش ماتفهم
خالد: شوفي بعد من واحد لثلاثه اذا مافتحتي الباب والله بكسره سمعتيني؟
هند فتحت الباب بهدوء وخرجت كانت حالتها يرثى لها
: يابنتي انتي شو مسويه بنفسج؟
عيناها مليئه بالسواد حول عينيها من المسكرا مسكتها بايدها و اوقفتها امام المرآه
: شوفي نفسج
رفعت يديها و حاولت تغطية وجهها
: لاتشوفنييي
خالد: ماما شفتج وخلصت شو لاتشوفني وبدأت اضحك عليها
وضربتني على يدي بقوه
: يع كريه لتضحك
خالد: زين اقعدي الحين ممكن افهم شوفيج؟
هند سرحت بعيدًا ولم تجبني...
: الووووو هند قاعد اسالج
هند: حتى لو اتكلم ماراح تفهمني وتفهم لي فيني
خالد: جربتي؟ عشان تحكمين علي
هند: من بعد ذاك اليوم و انا حياتي مب حياه ابي انسى كل شي ابي اشيله من عقلي مب قادره
مسكت يدها وبدأت العب بأصابعها
: كملي اسمعج
هند: احس اكره نفسي اكره كل شي حولي اكره ذاك اليوم يوم اتذكر نظره ابوي و امي لي كانت كلها انكسار اموت مليون مره ولا تعرف شو لي يعور اكثر!
خالد: شو؟
هند: اني بنتهم الوحيده احس ابوي متاثر وايد حتى امي بس ابوي اكثر
خالد: هند اعرف هي فتره وبتعدي فتره وبيمر كل هذا
ورفعت وجهها ومسحت باصبعي تحت عينها ونظرت لاصبعي كان اسود من المسكرا
: تراج تروعين روحي اغسلي ويهج و ارجعي
هند: احسن خاف مني يلا اشرد اشرد
خالد: مابا انا مرتاح جيه
هند: بعد تقلدني؟
خالد: كيفي
لفت بوجهها عني
: هند خلينا نتكلم جد..
