ابي أمسك بيدي وشعر برجفتي شعر بخوفي على خالد بانت ملامح الخوف على وجهي وضمني لصدره
: يابنتي أهدي قوي نفسج وخلينا ندخل
دخلنا ووصلنا اليهم سمعت بكاء عمتي وبكاء شوق ومريم جالسه على الكرسي وتدعي الله بأن يشفيه ويخرجه سالمًا بدأت رجفتي تزداد رأتني شوق وركضت وحضنتني بقوه وهي تبكي لم أتحمل منظرهم و أنهرت
: شوووووق خالد وين ابي اشوف خالد تكفين قولي انه بخير!!!
إبتعدت عن حضنها ونظرت لهم
: تكفووووووون قولوا انه خالد بخير طمنوا قلبييي خالد وين ابي اشوفه يمكن يحتاج شي ابي اشوفه ودوني له
وبدأ بكائي يرتفع لم أستطع تمالك نفسي ابداً لا أحد يتكلم لا أحد يريد أن يطمن قلبي!!!
مسكني أبي بكتفي و أخذني لنافذة ورأيت خالد و هو بحاله يرثى لها سمعتهم وهم يقولون نزف الكثير من الدم ويجب أن يكون تحت المراقبة! لكن لا اعرف ماذا حصل له هل هو حادث ام ماذا حصل!!
: باااابا أبي ادخل عنده دخلوني
أتت مريم و أخذتني وذهبنا لنجلس على الكرسي
قبل أن تتفوه مريم بأي كلمه لمحت وجه سلطان يوجد كدمه تحت عينه كأنه دخل بشجار والتفت لمريم
: شو صار مريم شو صار خبريني؟
مريم: خالد وصل لبدر ومنيرة
أكتفت بهذا الكلام توقفت عن البكاء لحظه أحاول أن استوعب ماذا اسمع الان
هند: كييييف؟؟ يعني بدر لي وصله للحال هذا؟
مريم: لا خالد خذ حقج من بدر وزود بعد لكن منيرة للي وصلته للحال لي تشوفينه!
هند: شسووووت ياجعل إيدها للكسر يارب الله ياخذها الله لايوفقها
مريم: أهدي محد قال شي ترا بس سلطان قال انهم تضاربوا مع حد بس محد طرا سالفتج أبدًا
هند: مايهمني بس قولي شسوت له
مريم: ضربته بخشبه على رأسه ونزف لين أغمى عليه و الحين يبونه تحت الملاحظه لا يصير شي الله يبعد الشر
بدأ جسمي يرجف ضيقه وخوف وغضب كلاهما بوقت واحد بدأت أبكي و أدعي بأن الله يشفيه ويعافيه..
هند: زين مريم دخلوني عنده ابي ادخل...
مريم: مايصير مارضوا يدخلون أحد
فجاه أتى الطبيب...
الدكتور : السلام عليكم
الجميع: وعليكم السلام
الدكتور: خالد محتاج دم انتو عارفين انه نزف كثير ولازم احد يتبرع بالدم له لايصير شي لاسمح له
سلطان: اناااا مستعد أتبرع له بقلبي مو بس دمي يادكتور خذوا من دمي لين يسدكم
هند: انا بعد بتبرررررع بدمي له
الدكتور: فيكم الخير بس لازم نشوف اذا دمكم يطابق دمه
نظر لسلطان
: انت اخوه؟
سلطان: نعم اخوه وماظن انه دمي ماراح يطابق دمه خذني وانت مغمض
ذهبنا انا وسلطان لغرفه الفحص كان عمي يريد ان يتبرع لكن لكبر سنه منعه الطبيب بأن يأتي أخذو جرعه من دمي ودم سلطان وذهبوا للمختبر و أنا أشعر بروحي تحترق أريد انا احتضنه الان اريد قربه أريد انا اراه بخير خرجت شهقتي من البكاء رفع سلطان عينه ينظر لي
: هند لاتبكين! خالد مابيخلينا خالد مابيروح خالد بيبقى معانا خالد اقوى مما تتصورين
هند: ادري إنه قوي لكن خايفه خاييييفه أبيه والله أبيه يا سلطان قلبي يعورني قلبي يحتررق حرق...
سلطان: تصبري و أنا اخوج الصبر زين وباذن الله خالد بيطلع وبتشوفينه بينا يضحك
بدأ بكائي يزيد لم أستطع تمالك نفسي بكيت بشدة فعلا أشعر بحراره بصدري
لكن قاطع بكائي الطبيب وهو يقول ان انا وسلطان مطابقين لدمه لذلك سوف ياخذ مني ومنه..
بدأو ياخذون من دمي لخالد ليتحسن ليطيب ويرجع لنا من جديد...
رجعنا ننتظر ننتظر حتى يفتح عينه تمنيت لو إني بجانبه الان و أمسك يده و أقبلها بكل حب تمنيت لو أني احضنه الان نسيت كل شي فجاه! نسيت انه من كم اسبوع كان مع إمراة غيري بمكتبه! نسيت كل شي فقط أريد أن اتواجد بقربه اريد ان اراه بخير و أرى ضحكته التي تسر الخاطر كنت أبكي و أنتظر كنت على نافذته انظر له بكل حزن و أدعي ربي أتى أبي من خلفي ومسك كتفي
: يابنتي ارتاحي خلينا ننزل تأكلين لج شي شوفي ويهج كيف ذبلان و توهم ماخذين منج دم لازم تاكلين
هند: لا بقعد وبنتظره بنتظر يصحى ماقدر أخليه ابوي ماقدر خالد تحمل كل شي مني تحمل مزاجيتي تحمل ضيقتي حرفيا تحمل كل شي مستحيل اخليه وهو ب هالحال! امانه دخلوني عنده احس وقتها برتاح..
ابو هند: تم بشوف الدكتور
ذهب أبي وعيني تتبعه على أمل انه الطبيب يوافق على دخولي عند خالد بعد عده دقائق أتى أبي وهو الابتسامه على وجه وقتها عرفت انه وافق
: يلا تعالي معاي بتلبسين الملابس لانه المكان معقم ومايصير احد يدخل فيه الا وهو لابس الملابس هذي
هززت راسي بفرح
: يلا يلا
ذهبت ولبست الملابس المخصصه للعنايه المركزة دخلت و انا كلي خوف وتوتر وبنفس الوقت شعرت براحه
تقربت منه و أنا ارى ملامح التعب على وجه
