{ အနီရောင်ချောက်ကမ်းပါး }
လကွယ်ညမတိုင်ခင် နံနက်ခင်း
"သခင်လေး!!!"
"အားရန်"
"အူးဝါးးး သခင်လေး ပြန်လာတာမလား! ကျွန်တော် တို့ဆီပြန်လာတာမလားဟင်!!! ပြန်လာပါလို့ အီးဟီးးး သခင်လေးမရှိဘဲ အစ်ကိုရှိုးမရှိဘဲ ကျွန်တော်တို့မပျော်ဘူးဗျ!!!!"
လွီယွီးစားတော်ဆက်အတွင်းသို့ခြေချလိုက်သည်နှင့် မိမိကိုပြေးဖက်လာပြီး ဝမ်းနည်းတကြီးငိုလေသော ချန်းအားရန်ကြောင့် ရိပေါ်မှာအင့်ခနဲပင်။
တဂျီဂျီငိုရင်း ဝမ်းပန်းတသာခရီးကြိုတော့လည်း ကြည်နူးရသူမှာ ရိပေါ်သာ။
သူလည်း ဒီဘဝလေးကိုလွမ်းနေရတာမဟုတ်လား။
တစ်လကိုတစ်ခါ အပြင်ထွက်ခွင့်ပေးသည်ဟူသောကြောင့် ရိပေါ်နှင့် ရှိုးယွမ်တို့လွီယွီးသို့ ရောက်လာကြခြင်း။ အခြားလိုအပ်သည်များရှိတာကြောင့်လည်းပါသလို ကိုယ့်ဆိုင်ဟောင်းလေး ဘယ်သို့ရှိနေမလဲဟု တွေးမိတာကြောင့်လည်းပါသည်။
လာလိုက်ရသည်နှင့် တန်သည်ကတော့ အလွန်အလွန့်ကိုပင်။ မိမိအားလှိုက်လှိုက်လှဲလှဲကြိုဆိုသူများကြောင့် အတွင်းထဲထိလှိုက်စားနေခဲ့သော အထီးကျန်မှုက တမဟုတ်ချင်း ပျောက်သွားသလို။ ချက်ချင်းကို အားပြည့်လို့သွားရ၏။
"အားရန်...သခင်လေးကိုလွှတ်လိုက် ညစ်ပတ်ကုန်မယ်"
"အီးဟီး အစ်ကိုရှိုးကအကျင့်မကောင်းဘူးဗျာ...ကျွန်တော်က လွမ်းလွန်းလို့ဖက်မိတာကို ဖယ်ခိုင်းနေတယ်....အစ်ကိုရှိုးက ရက်စက်လိုက်တာ"
ရှိုးယွမ်က ဘာရယ်မဟုတ်ပြောလိုက်ပေမယ့် ရှိုးယွမ်စကားဆုံးမှ ရိပေါ်ကိုပိုတိုးဖက်လာပြီး ပိုအော်ငိုလေတဲ့အားရန်ကြောင့် ရိပေါ်လည်းခေါင်းသာခါလို့ပြုံးမိတော့သည်။
အေးအေးဆေးဆေးနေတတ်သည့်ရှိုးယွမ်ကတော့ သူ့ရန်ဖြစ်ဖော်လေးကိုပြန်တွေ့တော့ တစ်ပွဲတစ်လမ်းလောက်စမ်းချင်နေသည့်ပုံဖြင့်။ ရန်ဖြစ်တော့မည့်ဆဲဆဲ။
BẠN ĐANG ĐỌC
|| အနီရောင်ချောက်ကမ်းပါး-红悬崖 ||
Fanfictionချစ်ခြင်းတရားတို့မည်သည် အနီရောင်အသားအနားရှိလေ၏။ ခ်စ္ျခင္းတရားတို႔မည္သည္ အနီေရာင္ရွိအသားအနားရွိေလ၏။ 红悬崖ဟုခေါ်သည်။ Zsww Historical Fanfiction Warning: May be M-perg ခုလိုfic coverလှလှလေးကိုဆွဲပေးတဲ့ ကိုယ့်ကိုယ်ကိုယ် ကျေးဇူးအများကြီးတင်လိုက်ပါတ...
