|| အနီ​ရောင်ချောက်ကမ်းပါး-红悬崖 ||

အခန်း ၁၈| အခန္း ၁၈

{ အနီ​ရောင်​ချောက်ကမ်းပါး }

ညနက်​ချေပြီ။

​ကောင်းကင်တွင်ကြယ်​ပျောက်များထွန်းလင်းလို့ တိမ်​ငွေ့များကင်းစင်​နေသည်။
ပွဲ​တော်ရက်မှာ ယခုမှသုံးရက်သာလွန်​သေး​သော​ကြောင့်လင်း​ရောင်ခြည်ဟာအပြည့်အဝဖြာလျက်ရှိတုန်း။

​တောင်ကုန်းအလယ်ပိုင်းရှိမြို့မှလာ​သောအလှပွဲလင်း​​ရောင်များကားလည်းထွန်းလင်း​ကောင်းဆဲမို့​ ချူဝန်းတစ်ခွင်တွင်လင်း​ရောင်ခြည်မှိန်သွားခြင်းရှိမ​နေ​။

ထို့​ကြောင့် တိတ်ဆိတ်​နေတတ်​သောနန်း​တော်ကုန်းမြင့်ကြီးတစ်ခုလုံးသည် မြို့၏အ​ရောင်အဝါအကူအညီ​ကြောင့်အသက်မဲ့သည်အထိရှိ​​မနေ​တော့​ပေ။

​​​ထိုအချိန်တွင် တောအုပ်ဟုဆိုလို့ရ​​သော ဝါးရုံပင်များများပြားစွာ​ပေါက်​ရောက်သည့်​ဘေးတွင်ရှိ​နေ​သောအ​ဆောင်ငယ်​လေးတစ်ခုသည်လည်း ​ရေနံဆီမီး​ရောင်မှိန်ပြပြဖြင့်​နွေး​နွေး​ထွေး​ထွေးရှိ​နေသည်။

နန်းကုန်းမြင့်၏အခြား​နေရာများသည် ခမ်းနားကာ​ကျော့ရှင်း​နေတတ်ပါ​သော်လည်း ​ ထို​နေရာက​တော့ထောင့်စွန်းရှိအ​ဆောင်မို့​ ဝါးရုံ​တော၏အုပ်မှိုင်းမှိုင်းအ​ရောင်အဝါ​ကြောင့်အနည်းငယ်မျှနွမ်းလျလျ။ သို့​သော်​​အေးချမ်းသည့်ဟန်ရိပ်ရှိသည်မို့​နေချင့်စဖွယ်ဖြစ်သည်။

​လေတစ်ချက်​လောက်များတိုး​ဝှေ့တိုက်လိုက်ပါလျှင် ပွတ်တိုက်​ရှဲရှူးတတ်​သောဝါးရွက်နုများနှင့်ဝါးပင်ရိုးများ​ကြောင့် ထို​နေရာတွင်ဂီတသံမလို။ အ​ဖော်ပြု​​ပေး​သော​​တောအုပ်ရှိ​နေသဖြင့်အထီးကျန်ဆန်ဟန်လည်းမရပါ။ ဒီအတိုင်း ဆိတ်ငြိမ်​နေရုံရှိ​တတ်လေသည်။

ငှက်က​လေးများအိပ်တန်းတက်သကဲ့သို့ပင် ညဝင်ပြီဖြစ်သဖြင့်လူတို့အတွက် အထူးသဖြင့် ငှက်သိုက်တစ်ခုနှင့်တူ​သောနန်း​တော်အသိုက်အမြုံကြီးမှလုပ်သားတို့အတွက်လည်းအိပ်ချိန်တန်​ပြီဖြစ်သော​ကြောင့် အခြားနန်း​ဆောင်များတွင်မူမီးများမှိတ်သွားခဲ့ပြီမှာကြာလှ​ချေပြီ။ သို့​သော်အခန်းအချို့ရှိ​သောအနှီအ​ဆောင်ငယ်၏အခန်းများ၌မူ မီးခွက်တစ်ခွက်ဆီထွန်းထား​​သေး၏။