𝒀𝒐𝒖𝒓 𝑫𝒚𝒏𝒂𝒔𝒕𝒚

အရိပ်အ​ယောင်များ

"မဖြစ်နိုင်ဘူး ဆုကီ မင်းဘာ​တွေ​လျှောက်လုပ်​နေတာလဲ မင်းကိုယ်မင်း ​ဂေရှားအိမ်​တော်ရဲ့သခင်မဆိုပြီးထင်ရာစိုင်း​နေသလား မင်းမှတ်ထားဖို့က ​ဂေရှားအိမ်​တော် ယာမုခ ဆိုတာ မင်အိမ်​တော်ကစတည်ခဲ့တာ"

မင်အိမ်​​တော်ကြီးရဲ့သခင်မသည် ​မေ​မေကြီးဆုကီရဲ့အခန်းထဲတွင်၀င်​ရောက်ပြီး​​လေသံ​အေး​အေး​လေးနဲ့​ပြော​နေသည်။
သို့​သော် ​ကြောက်ဖို့​ကောင်းသည်။
အခန်းကိုကာထားတဲ့နံရံကပ်စက္ကူမှအရိပ်တွင် ​မေ​မေကြီးဆုကီသည် မတုန်မလှုပ်ထိုင်​နေသည်ကို​တွေ့ရ၏။

"ဘယ် ​ဂေရှားက ​ကျောင်းသွားတာ မြင်ဖူးသလဲဆုကီ ယာမုခအိမ်​တော်မှာတစ်​ယောက်မှ​ကျောင်းမသွားကြဘူး"

ပြသာနာအရင်းခံက ဂျီမင်းကို ​ကျောင်းပို့မည့်ကိစ္စ။ ပုံမှန်ဆိုလျှင်အိမ်​တော်ကြီးမှ၀င်​ရောက်စွက်ဖက်​လေ့မရှိ​သော်လည်း ​ ယခုမူ အိမ်​​တော်ကြီး​၏သခင်မကြီးနားသို့​ပေါက်ကြားသွား​လေသည်။

"ဒီက​လေးကိုစာသင်​ပေးချင်တယ်ဆိုရင် စာတတ်တဲ့ ​ဂေရှား တစ်​ယောက်ကို​ခေါ်သင် ကျောင်းမသွားရဘူး"

ဂျီမင်း ဘာရယ်မဟုတ် စို့စို့နင့်နင့်ကြီးခံစားလိုက်ရသည်။ ငယ်ငယ်တုန်းက​တော့ဂေရှားမယ်ဖြစ်ချင်တာဟာ  ​မေ​မေ့ကိုရှာဖို့။

အရွယ်​ရောက်လာတဲ့အခါသိလိုက်ရတာက ​မေ​မေဟာဒီ​လောကကိုဘာလို့စိတ်ကုန်သွားရသလဲ။ ဘာ​ကြောင့်များ ဒီ​လောကထဲက စွန့်ခွာခဲ့ရသလဲ ဆိုတာ​တွေပါထပ်တိုးလာသည်။

ပြီး​တော့ ဂျီမင်းရဲ့အ​ဖေ။ သူက​ရော..။ များပြားလှတဲ့​မေးခွန်း​တွေကြားမှာ ဒီ​ဂေရှား​လောကထဲကိုသူထဲထဲ၀င်၀င်​လေ့လာကြည့်မိသည်။

အခု​တော့ပြန်ရုန်းထွက်၍မရနိုင်​အောင် တွယ်ငြိ
မိ​ချေသည်။

​အိမ်​တော်ကြီးရဲ့သခင်မဟာ တံခါးဝ မှာထိုင်​နေတဲ့ ဂျီမင်းကိုတစ်ချက်ကြည့်ကာခပ်​ယောင်​ယောင်လေးပြုံးလိုက်သည်။

​​ခန့်မှန်းရခက်တဲ့အကြည့်နဲ့ ဂျီမင်းကိုတစ်ချက်ကြည့်သွားသည်။