𝒀𝒐𝒖𝒓 𝑫𝒚𝒏𝒂𝒔𝒕𝒚

Won't let you Go

"ဂျီမင်း ဂျီမင်း"

လှုပ်ပြီးနှိုး​နေတဲ့အသိ​ကြောင့်နိုးထလိုက်သည်။ ရင်းနှီး​နေတဲ့​နေရာတစ်ခုမဟုတ်တာကိုသိလိုက်ရသည်။ ထို​နေရာ..ထို​နေရာကိုပြန်​ရောက်ပြန်ပြီလား။

"ဂျီမင်း"

"ကျွတ်စ်"

ကိုက်ခဲ​နေ​သော ​ခေါင်းကိုထူလိုက်ပြီးကြည့်လိုက်​တော့ ဆံပင်ကို ပိရိစွာသိမ်းထား​သော အမျိုးသမီးတစ်​ယောက်..သူမ ၀တ်ထား​သော ကီမိုနိုသည် ဖုန်မှုန့်များ​ပေကျံ​နေပြီး​သွေးတစ်ချို့ရှိ​နေသည်။

"​မေ​မေကြီး"

ထိုနာမ်စားသည် လွှတ်ခနဲထွက်သွား​သောနာမ်စားဖြစ်သည်။ မရည်ရွယ်ခဲ့ပါ။

"ဂျီမင်းး ​တော်​သေးတယ် ဘာမှမဖြစ်လို့တကယ်တော်​သေးတယ်"

တစ်ကိုယ်လုံးကိုဖက်ထားခြင်းခံလိုက်ရပြီးထိုအမျိုးသမီးသည်ဆံနွယ်​တွေကိုဖြည်းဖြည်းချင်းပွတ်သပ်​ပေးသည်။ ထို့​နောက်ဆံပင်​တွေကိုနမ်းလိုက်ပြီး.
တင်းကြပ်စွာ​ပွေ့ဖက်ထားသည်။

"မင်းမှာ မင်းအ​မေရဲ့ဆံပင်လှလှ​လေး​တွေရှိတယ် ငါသိပ်မြတ်နိုးခဲ့တဲ့ဆံပင်​လေး​တွေ"

​အ​မေ ... အချိန်ခရီးသွားခဲ့တာလား။ အတိတ်ကိုပြန်သွား​ရောက်ခဲ့တာလားဒါ​တွေဟာ အိပ်မက်တစ်ခုမဟုတ်မှန်း​တော့​သေချာပါသည်။ သို့​သော် ... ဂျီမင်း မည်သည့်အ​ကြောင်း​ကြောင့်​ရောက်ရှိလာခဲ့ရသလဲ။

ဂျီမင်း ဒီကာလတစ်ခုမှာရှိ​နေတဲ့ဂျီမင်းက​ရော ဘာရည်ရွယ်ချက်​တွေရှိ​နေခဲ့တာလား။ ​မေးခွန်း​ပေါင်းများစွာပြည့်နှက်​နေခဲ့သည်။ အမျိုးသမီးကြီးကိုခပ်​တွေ​တွေစိုက်ကြည့်ရင်း.

"​ဘယ်လောက်စိတ်ပူသွားရလဲ ဘာလို့ထွက်​ပြေးရတာလဲ"

ဂျီမင်း ပုခုံးကိုကိုင်လှုက်ကာာ​ ​ပြော​နေသည်။ ထိုအမျိုးသမီးကြီး၏
မျက်နှာ​ချေတစွန်းတစနှင့်ပါးပြင်​ပေါ်မျက်ရည်​တွေကိုသုတ်​ပေးလိုက်သည်။

"​မေ​မေကြီး"

စက္ကူ​တွေနဲ့ကာထားတဲ့တံခါး​နောက်က​ခေါ်သံကိုကြားလိုက်ရသည်။
ထို့​နောက် ​မေ​မေကြီးကဲသို့ကီမိုနို ၀တ်ထား​သော်လည်း အနည်းငယ်ရှုပ်ပွ​နေ​သောဆံထုံးနှင့်အမျိုးသမီးငယ်တစ်​ယောက်..