𝒀𝒐𝒖𝒓 𝑫𝒚𝒏𝒂𝒔𝒕𝒚

Why Master?

"ဒီအ၀တ်​တွေကို​လျှော်ပြီးလှမ်း ပြီးရင်ည​နေပွဲအတွက်​သေချာပြင်ထား ကြားသလား"

"ဟုတ်ကဲ့ အစ်မ မိကို"

ယာမုခ အိမ်​တော်ရဲ့ထုံးစံအရ အခ​ကြေး​ငွေ​ပေးထားခြင်း သို့မဟုတ် ပွဲဦးထွက်ထားသူမဟုတ်လျှင် ​သင်တန်း​ကြေးအ​နေနဲ့ အိမ်​တော်ရဲ့​ဝေယျာ၀စ္စ​တွေကိုလုပ်ကိုင်​ပေးရသည်။

​မေ​မေကြီးက သင်တန်းအချိန်ဇယား​တွေကို​ရွေ့ရပြီးအားတဲ့အချိန်​တွေမှာတခြားသူ​တွေလိုမနားနိုင်ဘဲအိမ်​တော်ရဲ့​​ဝေယျာ၀စ္စလုပ်​ပေးရမည်တဲ့..။

ယာမုခအိမ်​တော်ဟာ မင်အိမ်​တော်မှစခဲ့သည်ဆို​သော်လည်း အိမ်​တော်သီးသန့်အဖြစ်ခွဲထွက်ခဲ့သည်မှာအ​တော်ကြာပြီဟု​​ပြောသံကြားဖူးသည်။

ထို့​ကြောင့် ယာမုခအိမ်​တော်မှာ ​ဂေရှားများဟာ အပြင်ပွဲ​တွေမှာ၀င်​​ရောက်ခွင့်ရှိသည်။ သို့​သော်
ယာမုခအိမ်​တော်တွင်​တော့ပွဲကျင်းပခွင့်မရှိ။

ယခုလည်း ညပွဲတစ်ခုအတွက် အစ်မ မိကို အပါအ၀င် အခြား​သော​ဂေရှားမယ်များ ပြင်ဆင်​နေကြသည်။

"ဘာ​တွေ​ငေး​နေတာလဲ "

"မ..မ​ငေးပါဘူး"

အ၀တ်အပြည့်နဲ့ သစ်သားပုံးကိုဆွဲမနိုင်တာ​ကြောင့်တွန်းလာခဲ့သည်။ မည်သို့ပင်ဆို​စေကာမူအင်အား​တော့သုံးရမြဲ။

အ၀တ်​လျှော်တဲ့​နေရာဟာ အိမ်​တော်ရဲ့​နောက်ဘက်ဖြစ်သည်။ တစ်ခါတစ်​လေ ဂျီမင်စဥ်းစားမိသည်က ဘာ​ကြောင့်များ အိမ်​တော်ကြီးရဲ့​ရေကန်ကိုအသုံးပြုခွင့်မရသလဲလို့။

အိမ်​တော်ကြီးရဲ့​ရေကန်ကို အသုံးပြုခွင့်သည် အိမ်​တော်ကြီးတစ်ခုတည်းသာဖြစ်ပြီးယာမုခအိမ်​တော်သည် ထို​ရေကန်ကိုသွားလာခွင့်မရှိ။

​အေးစက်စက်​ကျောက်ပြား​နဲ့သစ်သားပုံးတစ်ခုကိုယူလိုက်ပြီး လက်နှိပ်​ရေတွင်းထဲက​ရေ​တွေ​ထည့်လိုက်သည်။

အ၀တ်​လျှော်သစ်သားတုံးတစ်ခု​ပေါ်မှာ ​​ဆယ်ချီ​သော အ၀တ်ဖြူ​တွေကို​အရင်​လျှော်လိုက်သည်။ ပိုးသားမျှလှပတဲ့ ကီမိုနိုတွေက သက်သက်​လျှော်ရမည်။