كوني انتِ

- بـارت 1

 

     - أحببت رجلاً. لا ينتمي إلي...

  - البصـره :  - 26 - 8 - 2022          4 عصـراً

     - مـاري - سـدن - نمـارق....

  - كاعـدين نسولف ونضحك فجأه سمعنه صوت ايهـم ومـاري تخبلت

- نمأرق : يابه ندري تحبي بس انجبي
- مـاري : خاب دسكتي اكلجن شديسوون هسه ؟
- سـدن : يكصون برتقال للموكب يسوو عصير

ماري سمعت هيج وكامت كالت.......

- مـاري : راح اسوي حجابي بلمرايه ..
وطلعت كبل للباب

- نمـارق : ها ها خيه وين هاي المرايه
مهتميت وطلعت راحت نمارق وراها

- مـاري :

- طبيت سلمت وتلكتني خالتي ام نمـارق وسـدن....

ام سـدن : هلا هلا انتي هنا ولج ماندري ردت اودي اختج عليج تعاي حبيبتي تعاي كعدي ويانه

- مـاري : هلا خاله عمري اي هنانه يم البنات كاعده

- وايهـم مشال عينه من يمي عاف البيدة وضل يباوع

رحنه اني ونمارق نجيب سجاجين ...
وايهم طلع للصاله يجيب صينيه يخلي بيها البرتقال ويشيل البذور

دخلنه نجيب سجاجين
وفتحت الحجاب وخليته بس عل راسي ما لفيته ونمارق ضلت تضحك عليه ....

فتنه اني ونمارق و ايهم سوا

-ايهم صار مقابلينه حتى يباوع براحته ونمارق كعدت يمي وضلينه نحجي بصوت ناصي و نضحك...

- اسينات : وجع شبيجن اشتغلن بدون ضحك تشتغلن للحسين ولمشايته وتتمضحكن ثول اي والله

- ايهـم : ضحك وكال مو لسان يربي عمرج 8 سنوات وتحجين هيج...
- مـاري : شعليج يابه؟ قابل ضاحكين بحلكج؟؟؟

-ام سـدن : بعد روحي شهل لسان عاد احسن من اخيتچ

- مـاري : باوعتله بطرف عيني المقصد اني وايهـم باوعلي وضحكنه ثنينه...

- ام سـدن : اكلج خاله جا سدن وين؟؟؟
- ماري : خاله صخنت ولفلفت نفسها ويمكن راح تنام..

- ام سدن : يا جا توها يمنه ليمته لحكت تصخن..

- نمارق : يمة تلفلفت تلفلف وكهرباء طافيه ودنيا حاره حتى هيه مخبله وين هم شايفالج واحد يصخن وفلاونزة بهل حر؟
ماري وايهم ثنينهم كالو بصوت واحد اني

شويه وطلعت سـدن لابسه شال وهاي راحت غسلت واجت كالت....

- سـدن : شدسوون؟ يمه ريحة البرتقال تخبل يربي..

- ام سدن : صدك تخبل؟؟

- سـدن : اي تخبل شكد احبه

- ام سـدن: تعاي يمه كعدي وي ايهـم طلعي البزر من البرتقال