كوني انتِ

بُـارت 15 .

- عُيَناكِ بحُر تاهِتَ بِـهُ سُفِنُي .
وتُزِعَزعِتُ بِـهُ نُبِضَات قُلبي وانفِاسُي .
انِا الذُي لايهِزُني بُرِقُ ولا رعِد .
أعيُنينَ متُلألأه تهِزمُ ثُباتِي ؟

... ... ... ... ...

- ميليـن...

- اليوم يوم جحيم يعني يوم حنتي ، اكثر يوم خفت منه صار كدام عيني؟ وبلأوقات الاخاف منه ، طبعاً تلفوني لسه ضامته مفتحته مصطفى جابلي تلفون...

- دخلت سبحت وبجيت لمن عجزت وطلعت رحت للصالون حفتلي وشالت شعر جسمي ورجعنه عمتي ام مصطفى طلبت ماكيرا للبيت واجتي وحدة تنحط علجرح يطيب هلكد حبابه وطيبه ماكو هيج مثل الي شفتها بخطوبتي بس هاي حسب ماعرفت تدرس علم نفس ، طلعن البنات وعرفت اسم الماكيرا نانا...

- نانا : لج يحلوة شبيچ تبچين ؟ من شنو خايفه ؟

- ميلين : لا هيج ما كو شي...

- نانا : بس ليش دتبجين حتى المكياج خرب...

- ميلين : معرف...

- نانا : مغصوبة ؟؟؟

- ميلين : هزيت راسي بـ لا ، وكمت اغسل اجتي وياي غسلت وجهي وهيه يمي قفلت الباب مالت الحمام واجتي بأتجاهي...

- نانا : احجيلي والله خفت بيج شي؟ احد مزعلج؟

- ميلين : انحرمت من اكثر شخص احبه وزوجوني للشخص الي ما اطيقه...

- نانا : عزااا بعينييي صخام بوجهي حسبي الله ونعم الوكيل امشي احجيلي امشي باعي شصار بوجهج لا ضلت كحلة لا ضلت بودرة...

- ميلين : غسلت ورحنه للغرفة طلبت من البنات يطلعون وقفلت الباب وصارت تمكيج بيه واحجيلهه ، الي نصدمت منه جنت احجي بدون ما ابجي يعني حسيت تخطيت...

- نانا : يمة حبيبي اخ والله ضجت عليج باع جمالج بلا شوفيني الي تحبينه والي عود راح يزوجونج اله...

- شوفته صورة مصطفى ، دور شوفتها صورة ابراهيم...

- يا يابةةةة هذا الثاني لايك الج حتى ينطيج شبة....

- صرنه نسولف وسئلتني شنو اختصاصج و كتله محاميه وكالت اني علم نفس وصارت تنصحني كملنه ولبست الفستان و لبست كعب صرت طويله وطلعت والهلاهل صارت تتراكع ، اجة مصطفى يحنيني لا هلا ولا لفت مرحبا حناني وكال راح تصيرين مرتي....

- ميلين : ساعة السودة...

- مصطفى سكت من كتلة هيج شوي وراح وضلن يركصن ومر اليوم وشبعت بجي وطلبت من ميار تجي يمي اجتي باتت عندي وبنص الليل لمن الكل نام اجه ابراهيم...

- ابراهيم : ها يبعد اليوجعني؟ شلونج يلوعتي؟

- ميلين : ابراهيم مو زينه بدونك مو زينه انتَ مصدر سعادتي...

- ضليت ابجي بحضنه شوي وشهك اتدمرتتت حرررفيااا صرت اشهك بقوةةة ومادري شداسوي الى ان كعدت واني بلمستشفى ساعه ٧ صبح طلعت ورحت للبيت شافوني وياريت يأجلون العرس ساعتين واخذوني للصالون ومصطفى كالب وجه وكل شوي يتصلون و يرفض شكيت بلوضع..