كوني انتِ

بـارت 29 .

- حيـدر

- جنت واجب واتصلت امي عليه..

- حيدر : هلا يبعد حيلي
- انتضار : ولك يما الحك امير بلمستشفى
- حيدر : تغيرت ملامحي يامستشفى !

- شخطت السيارة ورحت امشي سريعععع ماشوف شنو كبالي وصلت امير جنازة الا شوي بيده مغذيات و اوكسجين ومحد موجود كلهم برا دخلت وكفت كباله وكعدت على ركبي اخذت ايده

- حيدر : امير لا تعوفني انه اخيك كوم اجيتك كوم بداعت الخوه ادري بيك قوي وتعديها كوم ياحيلي انت يلا خويي قوي انت ادري بيك ، كمت بست راسه وكابلته وكعدت ماعرف شنو اسوي اجو اهلي انه بس صافن مرت ايام امير على نفس الرنه ولا صار زين رادو عمليه ( فتحة بلقلب ) مأثرة علي بشكل كبل كتلهم صعدو عمليات...

- امير : حيدر ديربالك على زهراء وكللها خل تدير بالها على نور ترا انه ما ضامن روحي..
- حيدر : بعيوني ثنينهم تعدي خويي وتجيني..
- عباس : امير اعرفك قوي والله...

- عباس يحجي ودموعه بعيونه حضنت امير وهو حضنه وطول بلحضن حسيته بجه دخل امير وعباس جبل ونهد بجيت على بجيه...

- مؤتمن : ولكم كافي مابي شي كدها امير..

- رحت غسلت هوَ دخل للعمليه ب5 الفجر و ب 11 الضهر طلع من العمليات مكابلينه انه وعباس وكاعدين وروحنه بي ماكدرت اكمل واجب ضروري وصيت عباس وكال عيوني اله وطلعت واجب....

- حـور :

- بفترة عمليه امير حيل احوالنا اتدهورت تعب مو طبيعي وبذات امي ما تستنضف اكل المطاعم والمستشفى واني وميار ندك ونلطم من 11 بليل نوكف بلمطبخ للـ 4 يجون الولد ياخذون الاكل وعباس ما اجه للبيت ابد دائما يكولون امير مو زين وروحي تطلع وما ابين الشخص رغم كلشي اضحك واسولف بس من داخلي غير كلت اروح اشوف امير افضل شي حاجيت ايمن كال تمام رحنه العصر دخلت امير الوجه مكلوب مو هوَ نفسه انصدمت بي حرفياً كبل حضنته نسيت عمليته فتح عينه ومسح على راسي وخرت منه ووجها انكلب ازرك وضل صافن بلسكف بدون مايرمش ولا يجر نفس تخبلت...

- حور : امير عفيه كوم والله ماكدر بدونك بداعتي لا تعوفني ليش هيج اميررررر تدري انت سندي امشي كوم حباب لا تصير هيج والله متقويه بيك احبك والله...

- دخل عباس وشافه بهل حاله وتخبل ركض صاح الدكتور وطلعنه رجعنه اني وايمن وطريق كله ابجي رجعنه وماكو أي خبر عن امير ايمن وصلني ورجع كلهم اجهزتهم مغلق ضليت اصرخ القلق موتني وميار لازمتني تكلي ماكو شي والله وهيَ خايفه ومتوتره اكثر مني ب8 الصبح اتصلت على ايمن وكال لا وضعه شوي استقر وزين حسيت رتاحيت كمت صليت وبقيت ادعي مادري شلون نمت....

مرت فترة وامير تحسنت حالته وبدينه نجهز لعرس عباس ومتحمسين وامير طلع وصار زين وضلينه نجهز يوميه بلسوك امير طلع العصر للحلاق ورجعو ثاني يوم عباس نام امير خذانه للسوك ونفتر 7 ساعات ماكو شي حلو رجعانه كعد عباس وطلعو امير 3 ايام منايم رجع لكيته نايم بملابسه كعدته بدل ورجع نام قبل الحنه بيوم بدلت وتمكيجت ولبست فستان قصير ومو كلش مفضوح بنفجسي ورحنه لبيت العروس واني بيها منايمه ابددد وعلكنه الجو...