كوني انتِ

بـارت 26

. نرجس .

- مرت فترة عل حملي وصرت بشهر 9 رحت للدكتورة كالت عمليه قطرة دم مابقت بجسمي من الخوف طلعنه وخلصته ابجي وعبدالله يحاول يحجي وياي واني فاقدة رجعت للبيت تلكتني ماما ايمان شمرت نفسي بحضنها وبجيت وخرت منها ومسحت ادموعي بايدها..

- عبدالله : يمه حاجيها خبلتني شنو هيه اول مره تجيب قيصري ماكو هيج ترا...

- ايمان : لا ماما لا هسه اني قيصيري جبت عبدالله وابراهيم وميار وفاطمة وشوفي واكفة كبالج لتخافين يرويحتي...

- قطعت بجي ورحت لغرفتي بدلت ورائستاً نمت كعدت عبدالله يمي يمشط...

- نرجس : وين رايح؟؟
- عبدالله : اجيب اكل...

- شفت ساعه ب12 ورجعت نمت شوي وكعدت عبدالله اجه اكلت ورجعت نمت خلصته نوم...

- ميلين : نرجستي ، نرجوس ، كومي عمري امشي نروح نتمشى بلكي تصير عدج ولادة...

- كمت بدلت ولبست بشت اخذت فهد من ميلي وبقيت العب وياه شوي وطلعنه نتمشى ونسولف نسيت كلشي ، ياخي ميلين اشوف بيه جمان احبها مثل اختي وتعلقت بيها كلش ، رجعنه ومرت فترة وصار عندي الم مو طبيعي وميلي كاعدة يمي...

- ميلين : نرجس هاي ولاده...
- نرجس : مادري...

- بقه الالم للـ3 الفجر زاد كلش ميلي راحت كعدت عبدالله وكعدت ماما ايمان ورحنه للمستشفى شافتني دكتورة كالت ولاده شمرني بصالة الولاده واني الوب من الالم روحي طلعت للـ8 صبح وهنه ولا وحدة اجت اخر شي اجت وحدة عطت بيها وكومتني فحصتني كالت بعدج واني روحي طلعت رجعن شمرني بصالة للـ 2 ، شفت صورة الامام علي ناجيته وطلبت منه يعجل بولادتي دقايق واجت وحدة تعرفني فحصتني وانطتني ابرة وكالت شوي ونصعدج عمليات ، اخذت تلفوني دزيت رسائل لماري وسديته ماحسيت الا والامام علي يمسح بايدة عل رأسي ولازم ايدي فتحت عيوني ماكو شي بس عبدالله ديأذن باذن ليان وهمس باذنها 3 مرات انتِ اسمج ليان...

- عبدالله : نرجس شوفي جماله...
- نرجس : عبدالله كلة من وراك حموت من الالم..
- عبدالله : ولج بوية شعلي غير هوا رزق ربج..
- نرجس : لا من وراك..

... ... ميـلين ... ...

- نرجس راحت وروحي راحت وياها كمت صليت ودعيت الها وكل شوي اتصل على عبدالله لو عل عمه ويكولون بعدها نضفت البيت مرتين رغم هوا نضيف بس الوالده البداخلي متقبل تطلع ، طلعت الصحون النضيفه غسلتهن من التوتر ورجعت صليت ركعتين لام البنين ودعيت اله من كل كلبي وكعدت فاطمة وكعدنه كل شوي وحدة تسئل الثانيه شديسوون اله هسه ، اخر شي مادري شلون نمنه كعدت تلفوني يتصل طفرت ساعه ب5 العصر
عبدالله يتصل فتحت خط وكال

- عبدالله : ها ميلين شوفي ، نرجس ولدت بس بعده تحت تاثير البنج وابراهيم راح يجيب امي..

- ميلين. الله عليك تحجي صدك؟