كوني انتِ

بـارت 16 .

وكـت خـَله الرسـايل تنـقره وتنـعاف .

... ... ... ... ...

اليوم ٧ / ١٠ / ٢٠٢٢...

- اكثر يوم غريب عليه ، اليوم نمارق بعيدة عني تفصلنه دول والخوف متملكني وخايفه عليها ، وراح اعوف منطقتي الي نولدت بيها وعشت بيها وانتقل الى مكان اخر...

( يخوان ادعو لنمارق عمليتها قريبه ادعولها تكوم بسلامه 💔 )

- ساعه ٢٤ : ٩ ص..

- زمن : ماري عمة كومي شوفي شنو الي ناقص ما اخذتي...

- ماري : عمة ماريد اعوف هاي المنطقة...

- زمن : والله ياعمتي شنسوي منكدر نبقة هنا..

- ماري : كمت تريكت وغسلت ولميت الملابس كلهن واغراضي الي احبهن...

- قبلها بيوم...

- حيدر : ماري حتروحين؟

- ماري : اي حيدر...

- ايهم : يابه امشو نروح للمكان الي نكعد بي جبت غراض خل نخلي ذكريات قبل ليروحن نمارق وماري...

- نمارق : يلا امشو (بغصه)

- ماري : نمارق حبيبي لتخافين وخلي املج برب العالمين قوي عمليتج بسيطة وانشالله ترجعين احسن من قبل وميراد كم يوم وتمشين وترجعين طبيعيه ، هيه تسمعني وتهز براسها اعرفها خايفه صار حيدر يحجي وياها ويكلها صيري قوية وصرنه نحجي وياها اجتي سدن واجن البنات كلهن ورحنه...

- كعدنه نكتب ونخلي تاريخ واسمأنه وانطوني بوكس اني ونمارق كالو من ترحن فتحنه حتى تتذكرنه...

- خلصنه اليوم سوا من صبح لليل...

- رجعت لميت جزء من ملابسي واني جنت قبل عايشه بلجزائر ونقلنه بمحرم هنا لان اهلنه وكلهم هنا ف مجايبه هواي اشياء واشتريت من يمهم وهسه راح نروح لمكان مجهول مصير مجهول اترك كل الي احبهم اعوف ذكرياتي وراي واعيش حياة جديده بعيدة عنهم..

- كملت كلشي وطلعت مودعه منطقتي الي عشت بيها الحلو والمر وكلنه على كلب واحد طلعت مودعه كل دمعه حزن وكل دمعه فرح وكلشي حلو صار بحياتي مودعه ايامي الحلوة ومودعه الاحبهم والي عاشو وياي والي سندوني ، رحنه للجزائر ناخذ غراضنه البقيه بيتنه قريب عل سوك وعباس اخو حيدر وياي طلعنه اشتريت غراض للشله ذكره مني جبت لايهم تشيرت وحيدر كلادة عليها حرفي والبقيه نسيت شجبت الهم وانطيتهن اله ينطيهن الهم...

- ساعه ٣٠ : ١٢ كملنه كلشي ورايحين للبيتنه الجديد ، وصلنة وشفت ابراهيم يمشي بلمنطقه شوي وطلعن ميار ونرجس رحت عليهن حضنتهن وصرنه نسولف عرفت احنه جيرانهم وحايط على حايط حبيت هل شي وكلت شي حلو...

- دخلت للبيت بحسرة ودعيت ربي اعيش ايام حلوة ونكدر نرجع هناك ، دخلت لغرفتي وخليت ملابسي وفتحت البوكس جان اكو اوراق هواي...