كوني انتِ

بـارت 23 .

… … مـاري … …

- كعـدت صبـح رحت للمدرسـه كوا عليـه ومالـي خلك ما دخلت اول درس درس ثاني فتت للصف ماكو مدرسه شوي واجت مدرسة الاجتماعيات صحيح تنوعصت ونرفزتني بس المهم شوي وطلعت...

- ليـن : اكلچ شبيج اليوم؟
- مـاري : مريضـه..
- ليـن : تعاي اتقربي..

- تقربت منها خلت ايدها على كصتي...

- ليـن : لج هاي شنو كابه نار..

- دك الجرس واخذته ورحنه للصف اجتي ست نـور مدرسة الكيمياء ، اني اذبحني ولا تتامر عليه اذبحني ولا تتااامر عليييههه...

- نـور : راح اكتب الي كتبناه مساع وكتبو..
- ليـن : بس احنه كاتبين؟
- نـور : كتبووو والي متككبب حضها اطيحه اني ادرسكم وتعبانه درسو لتخبلوني..

- هيه كالت هيج لو اني تخبلت شلت الدفتر ووكفت شوي عنها خزرته..

- نـور : خير ؟

- شلت الدفتر شمرته عليها وطلعت اجتي وراي لزمتني من زندي رجعتني للصف وخرت ايدهااا حيلل..

- نـور : شهل تصرف؟

- مـاري : مالج حق تسوين هيج بيه مثل ما انتِ مدرستي اني طالبتج والي ماتقبلينه عل بنتج ما تقبلينه علينه مو جايه تحجين من ورا خشمج وتدرسين بينه كوا عليج ترا ما يحتاج هذا كله وبعدين شيسمونها من تحجين بصيغة امر متردين ادرسينه هاي المديرة وذيج المرشدة التربوية روحيله كليله ماريد ادرسهم وكليله احجي بصيغة امر وادرسهم من ورا خشمي واذا متكدرين تحجين وتكولين الهم هيج فـ اني موجودة وهاي لزمتج لايدي تتحاسبين عليها وكولي مارلين كالت...

- نـور : امشي للأدارة..

- مـاري : اي اروح ليش لا..

- رحنه للأدارة وحجت للمديرة وطلعت كلتلي احجيلي انتِ كتيت الاكو والماكو وبيومها عدنه مشرف كلتلي روحي لصفج رحت للمشرف وحجيتله اخذته للصف وبقة يرزل بيها وكللها مفصوله انتِ وتحلمين ترجعين ، طلعت رحت وراها...

- مـاري : كتلج تتحاسبين عليها مصدكتي...

- رادت تحجي عفتها ورحت ، شوي وحلينه رحت للبيت..

- سحـر : مـاري بليل نروح للزيارة..

- حضرت نفسي ، ورحت يم نمارق بليل دنسولف واجو خالو حمودي وايهم بقينه نسولف وايهم كاعد بس يضحك..

- احمد : ايهم اتصل على ابوك..
- ايهم : خوش..

- اتصل على ابو وحجة ويا خالو احمد كمل وبقه تلفون ايهم بايدة

- ايهم : انطيني تلفوني لا تلعب بغراضي...

- فحطت ضحك وخالو حمودي يباوعله باستهزاء ، انطاه التلفون وطلعنه اسلم عل نمارق زيارتنه ليوم..