كوني انتِ

بـارت 21 .

َ
      … …  ميليـن  … …

يوم 29 / 10 جان يوم عُرسي حرفيا جان احلى يوم بحياتي صحيح ابراهيم استجلب علينه بهل يوم بس جان يوم كلش حلو عشته بكل حذافيرة شكد ما احجي عنه ما اكدر اوصف شكد هوا حلو يعني تتزوج الشخص الي تحبة بعد ما خسرته وعانيت وتعذبت شعور مستحيل يوصف يوم ثاني العرس كعدت ب 8 ونص شلت الغراض المشمرة الملابس ووكفت كبال المرايه وعدلت شعري ولبست فستان مو كلش طويل يعني وسط وخليت مكياج وابراهيم نايم شوي وعاط طفي الضووووة شبيج سكتت ما حاجيته هوا غطة راسه بدون ميباوعلي كملت مكياجي وفتحت شعري ورحتله...

- برهم ، ابراهيمي ، حبيبي كوم يلا كافي...

- ابراهيم : نعسان...

- ميلين : حبيبي كوم كافي وذا الضهر نام هسه يجون ناس عيب...

- ابراهيم : نعال بيهم وخري لج لا اغتصبچ هسه..

- ميلين : اهوو شبيك حتى وانت نايم تحجي هيج يلا كافي وكوم ، وخرت البطانيه مغمض عضيت ايدة طفر...

- ابراهيم :  شبيج انجلبتي عليه؟

- ميلين : اي نجلبت كوم يلا ، باوعلي وصفن لاعبة بخلقتي لعب بارزة ملامحي هوا كام غسل واجه بدل وطلع كال هسه اجيج واني رفعت شعري و خليت شال باهمال دا اطلع فتح الباب هوا اجه تقرب مني باسني بشفتي وحضني وخله راسه بركبتي...

- ميلين : ابراهيم شبيك ليش هيج اطول مني؟

- ابراهيم : جا شعلي انه ؟

- ميلين : شو وخر خل اطلع ، دفعته وعدلت حجابي وطلعت هوا صافن عليه اول ما طلعت اجتني نرجس اخذتني للمطبخ كبل لان عالم واستحي واني متفقة وياها اول ما اطلع تجي تاخذني للمطبخ صبينه ريوك للولد وتريكنه اني وميار ونرجس وفاطمة...

- فاطمة : اخيراً اجتمعنه كلنه يربي...

- نرجس : جا واني شني ؟ ( بخشونه)

- ميار : سلاماً قولاً من رباً رحيماً اسم الله الرحمَن هيج اخوية متحملج؟

- ميلين : ليش هوا متحملها اصلا ؟

- نرجس : انجبن يلا خلصتن؟

- كلنه اي كامت لمت الغراض وصاحت راح يجن البنات ماري وحوراء وشمس اتحضرو...

- ميار : ولك ابراهيممم ، ابراهيييممم...

- ابراهيم : ها بوية خير ؟

- ميار : افرش السجادة الحمرة وجيب ورد...

- ابراهيم : دنجبي..

- كالها وطلع بقيت اضحك عليها شوي وراحن بدلن وتمكيجن واني يمهن دنسولف واجت عمة...

- ايمان : يلا بناتي تعالو اجن البنات...

- طفرنه رحنه الهن سلمنه ورحنه لغرفتي كعدنه شوي واندكت الباب كمت افتحة طلع ابراهيم صاحني رحت للمطبخ اجه وراي...