كوني انتِ

بـارت 30 .

مـاري ...

دخلت لغرفتي وجفلت غرفتي مكلوبه فووووك جوا عفتها مرتبه ومعطرة اجيت لكيت ملابسي وملابس ايهم مشمورات ع الارض السرير مسحوب الميز بنص الغرفه بقيت واكفه مصدومه دخلت اتاكد لململت الغرفه وماكدرت اجر الميز والسرير لحد ما اجه ايهم...

- هاي شكو ليش هيج؟
- ايهم ماعرف دخلت للغرفه شفتها هيج
- شني شكو شلكيتيها؟
- ملابسنه مهوسات والغراض مسحوبات..

- ايهم تخبل كام يدور بلغرفة ماكو شي سحي الميز وانتبهت المكان الجان بي الميز بي شي غريب مكسور شلت السيراميك وايهم تربع وشال السيراميك وحفر انصدمت لمن طلع سحر جفلت بمكاني...

- شكد ** ما عافتني بحالي انه اعلمهه...
- شنو ايهم عن شنو دتحجي منو هاي؟
- تعرفيها كلش زين هددتني تدمرني سهله...

- بقيت مصدومة وماكدرت انام لصلاة الفجر كمت اريد اصلي ودخل ايهم صلينه وقرينه دعاء العهد وزيارة عاشوراء سوا ودعيت رب العالمين وحسيت بأمان مو طبيعي كمت كفيت سجادتي وايهم راح مدد جبت ماي ورحت يمه نمت وانطيته ضهري جرني علي دخلت بصدرة حاضني من ورا وايده على بطني الي بدت تكبر
نمت بأمان وكعدت ضهر تغدينه ورحت لبيت خالو مؤتمن كعدنه اني وحور وزيزي وارين ونسوان ولد مؤتمن الي ماكو الطف منهن واني وميار بطنه كبرن سوا وشكلنه لطيف لبسنه نفس الفساتين وما بارزة بطنه كلش وسوينه مكياج والبنات بدلن وتمكيجن ركصنه وعدنه ايام عرس عبيس وشوي ورحنه نبارك لامجد وذبينه لحم...

زيزي : وحق محمد على هذا تعبنه وركصنه المفروض اول طفل هديه لأرين....
- ارين : ليش صخيمه بلضبط؟
- ماري : يااا ولج الفرخ يتعذب...
- ارين : ثاني يوم يلكون رجله اباب الغرفه وايده عل ميز...
- زيزي : اختاريتهه هيه لان ماتعرف للاطفال...
- ميار : خايبه تعلمي والله ماكو الطف منهم...
- ارين : انغث من الاطفال بس احبهم...

- بقينه يمهم وقت و رجعنه للبيت وفترة وبدينه بتحضيرات لمحرم نضفنه الحسينيه ومطبخ الحسينيه صارن يلمعن وطول فترة تنضيفنه الولد ويانه يعلكون رايات بلحسينيه كملنه ورحنه للبيت جلفنه الصاله والاستقبال وتعبنه وعفنه كلشي رحت ذبيت نفسي بحضن ايهم ونمت ب7:30 المغرب ، كعدت ايهم مو يمي كلبت الدنيا ابجي دخل مصدوم...

- ايهم : شبيك ابني احاجيك باوعلي...
- ماري : وين جنت...
- ايهم : يم الولد...
- ماري : جذاب جذاب والله جنت تخوني...
- ايهم : كرهت كل البنات شخونك حبيبي؟
- ماري : يعني كرهتني اني وبنتي خوش ايهم روح...
- ايهم : انتن مو بنات حبيبي انتن ملائكة....
- ماري : تكوم لا ارفسك وخر خاين...
- ايهم : ميخالف كومي جوعان...
- ماري : لوووو تموت هسه لو تموت خووش ابو البنات..
- ايهم : كومي سويلي اكل شبيج..
- ماري : طلكنيييي طلكنييي طلكنييي....
- ايهم : شبعت والله شبعت ماريد...

عفته وكمت غسلت وجهي وشفت ساعه 4 الفجر يااا هاي شكد نمت توضيت ورحت اصلي كملت وكمت اسوي اكل وايهم يمي بلمطبخ كل شوي مسويله حركة ونتكافش منكدر نحجي العالم نايمه نتلازم من روس ويرفسني وارفسه واعوفه واطنكر اكلنه وكمت كفيت المواعين غسلت وايهم وياي كملنه وايهم راح للغرفه كفيت المطبخ وعدلت ومسحت السنك ورحت ورا ايهم متغطي وايدة على عيونه شمرت نفسي فوكه وعاط بيه لان سويت هيج خايف على بته عساس بقيت كاعدة على بطنه واكرص بخدة...