كوني انتِ

بـارت 5 .

     

    - كِلي يا حٌوتَ شدُعيتَ والله سَد جِوعَك نُبي ؟.

- سجـاد...

السلام عليكم اني " سجـاد مالكم دخل باسمي الكامل "
من البصـره وعمـري 19 سنه لاعب كرة قدم وادرس كلية عسكرية ، بس اميل لكرة القدم اكثر...

- يمة رايح لصادق نروح للعبه..

-رنـا : ولك اغديلك فدوة لتمشي دحكلي من عجل طحت اني وين انطي وجهي؟

- لا يمة لتخافين اروح واجي جني مطي..

- رنـا : يلا روح وبسرعه تعال بيت خالك يردون يجون..

- ايععع هم بيت صخمان ( بيني وبين نفسي ) خوش يمة ( هاي اذا رجعت والله ابات برا هم بيني وبين نفسي )

- طلعت وبقيت افكر اني كل ما ادك الباب تطلعلي اخته سلمه واستحي احجي وياها اذا طلعتلي هسه شسوي وبقيت افكر...

وصلت ودكيت الباب طلعتلي امة...

- ها يمة تفضل؟؟
- خاله اريد سلمه...

- شنوووووو

استوعبت شجفصت وكتلها
- خاله اشاقه وياج اريد صادق...

- جا يمة ادري تشاقه ولكك صويدقققق نعيللل تعاللل صاحبك يريدك بلباب...

- اجه صادق ورحنه للعبه لعبنه طلعنه 4 - 2 النه..
-صادق ضلعي..

- ها حبيبي كولل...

- صادق اليوم يمنه بنات خالي واكرهن اريد ابات يمك..

- خوية تعال عين غطة وعين فراش..

- خوش يلا...

رحنه لبيتهم تعشينه وكعدنه نسولف بليل طلعنه نفرفر اني وصـادق وصديقنه علاوي...

- صـادق : اكلكم يولد !
- سجـاد : كول ضلعي..
- علـي : كول مطي..

- صـادق : يعني هسه احنة نطلع ونفتر ونتونس خواتنه الي كاعدات بلبيت وحال الضيم حالهن و24 ساعه بين اربع حياطين عووود يرحن للمدرسة ويرجعن بس يرحن للمدرسة يضوجن اكثر من كلام المدرسات ومراح يكدرن يتونسن هاي الونسه احنه ليش منصير الهن سند بدل ما نخليهن يغسلن وينضفن ومانخليهن يطلعن بدل هاي احنه نكون الهن الاخ الحنون...

- سجـاد : اتفق وياك ضلعي ، بس شنسوي هسه احنه ؟

- عـلي :  ترا حجيه كلة كلام بس مفهمت منه شي...

- صـادق :  يعني المفروض احنه مثل مطالعين نطلع خواتنه ويانه ونونسهن احسن من ما يبقن بين اربع حياطين وترا البنيه تحتاج الاهتمام خل تاخذه من عدنه بدل متاخذة من شخص متعرف شنو اصله من فصله من ترجع من البيت اخذلهن شي وياك واحجي وياهن بطريقة حلوة..

- سجـاد : خوش خوية ، باجر كلنه نلتم ونطلع خواتنه صادق خواتي يعرفن خواتك بس علي خواتك محد يعرفهن ف نعرفهن عن بعض نخليهن بـ مكان يتعرفن و احنة نبتعد عنهن حتى تكون خصوصية بينهن ميصير نحطمها...