كوني انتِ

بـارت 20 .

- أغمضتُها كي لا تَفيض فأمطرت ايقنتُ: أنني لااستطيع تخبئت دموعي .

- ميـار

- يوم 28 / 10 حنة برهوم الضلع مالتي...

- كعدت صبح ب8 ونص على هوسة الجهال كمت غسلت ودخلت للمطبخ شفت اقاربنه جايين انصدمت وفرحت بنفس الوقت لان اكثر اشخاص حبابين المهم سلمت ورحت لغرفة برهوم لكيته نايم طلعت كلت خل شوية واكعده طلعت للمطبخ اكلت وغسلت اماعين العشيرة صارت ساعه 9 رحت كعدت ابراهيم وسويتله ريوك اكل وبدل وطلع ربع ساعه ورجع كال بدلن اخذجن تشترن فساتين بدلنه ونرجس كل شوي تهلهل فرحانه اكثر من ابراهيم نفسه...

- نرجس : عود لازم نجيب فساتين؟

- فاطمة : اهووو بدينه بلعبان النفس....

- نرجس : اريد اروح للمستشفى خرب...

- ميار : نعال بيجن لبسن حجاب ويلا امشن...

- نرجس : عيع باع شكلي...

- فاطمة : لو عندي وجهج ما اطلع...

- نرجس : هوا شلونه...

- ديسولفن طب ابراهيم بكل هدوء مدنك يلبس ساعته ركضت نرجس لبست شالها...

- ابراهيم : الله شبيج شكو هيج تركضين ما تاخفين على نفسج؟

- نرجس : ما ادري بيك حتدخل وبلا شال..

- ابراهيم : صحيح اني محرم عليج بس ما باوعت الج لان انتِ حالج حال ميار وفطيم بس يلا ميخالف مرة ثانيه ادك الباب ويلا لبسن حجابجن خنروح...

- حجاها وطلع كبل لبسنه حجابات واخذت تلفوني وطلعنه رحنه للسوك اشتريت ملابس واشياء احتاجها اشتريت فساتين اليوم الحنه وغيرة وغيرة واشترينه مكياج نرجس روحها بلعدسات اشترت عدسات ورجعنه للبيت هلكانين وصلنه ابراهيم وطلع سبحنه وحدة ورا اللخ شسورنه وكعدنه ننضف بشرتنه ووحدة تعدل بلثانيه خلصنه تنضيف بشرة ورفعنه شعرنه لبست كيلوت اسود وتشيرت لحد الكوع ماروني طقمنه كلنه سوا وبي دلعه من يم الصدر على شكل حرف V خلينه مكياج خفيف كلش و رفعنه شعرنه بنفس الطريقة واني ونرجس طلعنه نتشابه لدرجة مو طبيعيه بس الفرق بيناتنه لون الشعر ، دندور الكلادة لطقمناها سوا ودخلت ماما...

- ايمان : يمة بناتي شهل جمال ولجن...

- نرجس : رحت حضنتها مو احلى منج يرويحتي وبعد كلشي....

- ايمان : بستها بخدها وكرصته يمه نجيرس خفي علينه شسوين بعبدالله اليوم...

- نرجس : ماما هوا اني كلشي ممسوية وطبيعي وكاتل نفسه ساحلها بلتراب...

- ميار : ولج حقة باعي لنفسج...

- فاطمة : ابوس جمالج مرت اخوي...

- ايمان : يلا خلن شي عل روسجن وطلعن يمنه اهل حيدر....

- كالتها وجان الحجاب بيدي خليته على راسي وطفرت كبل للمطبخ فتحت الشباك مالت المطبخ شفت حيدر و امير و عباس وايمن عدلت حجابي صحت على حيدر اجاني وهوا ينفض التراب من تشيرته وبنطرونه...